هەواڵگری ئەڵمانیا:    هەرەشەکانی سەر ڕۆژئاوا مەترسیدارترە لە ١١ی سیبتەمبەری ٢٠٠١

هەواڵگری ئەڵمانیا: هەرەشەکانی سەر ڕۆژئاوا مەترسیدارترە لە ١١ی سیبتەمبەری ٢٠٠١

 

 

مەترسی وهەڕەشەکانی سەر ئەوروپا پێی ناوەتە قۆناغێکی نوێوە هەموو ئاماژەکان ئەوە دەگەیەنن لەزۆرێک لەوڵاتانی ئەوروپادا تیرۆریستان خۆیان لەبۆسەدا ناوەتەوەو هەرکاتێک دەرفەتێکیان بۆهەڵکەوتبێ کردەوەی تیرۆریستیان ئەنجامداوە..لەئێستادا دەزگا ئەمنی وهەواڵگریەکانی ئەوروپا لەناویاندا ئەڵمانیا هەوڵەکانیان چرکردۆتەوە بۆئاشکراکردنی ئەوانەی خۆیان مەڵاسداوە ئەمن وئاسایشی ئەووڵاتە بشێوێنن..زانیاریەکانی پۆلیس وهەواڵگری ئەلمانیا  بەردەوام ئەوە دەگەیەنن ئەڵمانیا کراوەتە ئامانج وئەوەش بەشێکە لەستراتیژیەتی نوێی داعش وتیرۆرستان بۆگواستنەوەی ئاژاوەو تیرۆر بۆناو دڵی ئەوروپا..چاودێران ئەگەری کاری تیرۆرستی لەئەڵمانیا بەدورنازانن هۆکارەکەشی دەگەرێننەوە بۆئەوەی ئەڵمانیا لەئێستادا رۆلێکی گرنگی لەچوارچێوەی هاوپەیمانی نیودەولەتیدا هەیە لەدژی تیرۆریستان،ئەم پرسە دەزگا بەرپرسەکانی ئەلمانیای سەرقال کردووە لەدوایین ڕاپۆرتی هەواڵگری ئەلمانیادا هاتووە هەڕەشەی تیرۆریستە ئیسلامیەکان لەهەڕەشەی ١١ی سیبتەمبەری ٢٠٠١ بۆسەر کۆمەڵگەی ڕۆژئاوا مەترسیدارترە..بەپێی ئەو ڕاپۆرتەی کەناڵی NRDو WDR بلاویانکردەوە ئەوهەڕەشانەی لەسەر ڕۆژئاوا هەیە مەودایەکی نوێی لەخۆگرتووەو مەترسیدارترە لەوهیرشانەی ٢٠٠١کرانە سەر واشنتون ونیۆرک..لەڕاپۆرتەکەدا هاتووە خەریکە ناسەقامگیری لەئەوروپاش نزیک دەبێتەوە،زۆرێک لەوانەی لەرۆژئاوا دەژین ئامادەییان تێدایە بچنە ڕیزی رێکخراوە تیرۆرستیەکانەوە..!ڕاپۆرتەکە ئاماژەی بەوەشداوە کەڕیکخراوی تیرۆرستی دەوڵەتی ئیسلامی ناسراو بەداعش لە ٣٠ دەوڵەت چالاکیان هەیەو پەیڕەوی نەخشەڕێگای رێکخراوی قاعدەدەکەن ودەیانەوێ بچنە ململانێ و ڕوبەڕووبونەوەی سەربازی لەگەڵ ڕۆژئاواداو ئەو شەرە بگوازنەوە.

 

شیهاب عوسمان- ئەلمانیا:

 

پـــەیـــوەنــدیــدار

کـــۆمــێـنـت بــنــوســە