كومبوونا ئێكەتی و پارتی – هەرێم كەمال ئاغا دڤێ‌ قوناغا هەستیار دا ئێكرێزیا ناڤا مالا كوردی گرنگە بو چارەنڤیسیێ‌ كوردان

كومبوونا ئێكەتی و پارتی – هەرێم كەمال ئاغا دڤێ‌ قوناغا هەستیار دا ئێكرێزیا ناڤا مالا كوردی گرنگە بو چارەنڤیسیێ‌ كوردان

ئەڤرو 10-1-2016 هەرێم كەمال ئاغا ئەندامێ‌ سەركردایەتی و بەرپرسێ‌ مەلبەندێ‌ دهوك پێشوازی ل عبدالخالق بابیری بەرپرسێ‌ لقێ‌ ئێكێ‌ پارتی دیموكراتی كوردستان و شاندەكێ‌ دگەل دا كر.
ددیدارەكێ‌ دا هەردوولا بەحسێ‌ رەوشا سیاسی یا هەرێما كوردستانێ‌ و ب گشتی یا عیراقێ‌ كر، هەروەسا هەردوولا تەئیكد ل سەر گرنگی و پێدڤیا ئێكرێزیا ناڤا مالا كوردی دا كر دڤێ‌ قوناغا هەستیارا دەڤەر تێدا دەرباز دبیت.
هەروەسا د كونگرەیەكێ‌ روژنامەڤانی یێ‌ هەڤپشك دا عبدالخالق بابیری بەرپرسێ‌ لقێ‌ ئێكێ‌ پارتی مەرەما ڤێ‌ سەرەدانێ‌ بو روژنامەڤانان گوتی و راگەهاند : ئەم وەكو پارتی و ئێكەتی دوو رێكخستنێن گەلەك نێزیكین، درێڤەبرنا كوردستانێ‌ و ئەم شریكێن ئێكین دحكومەتێ‌ دا، مە رێككەفتنەكا ستراتیجی هەیە، و مەلبەند و لق گەلەك نێزیكێ‌ ئێكن، و ئەڤ سەرەدانە سەرەدانەكا هەڤالینی یە داكو بوچوونێن خو لێك بگوهورین و دیسان ئەم هەمی حاز بین بو ڤێ‌ قوناغێ‌ چونكە ئەڤ قوناغە یا گرنگە.
هەروەسا بەرپرسێ‌ لقێ‌ گوتی ژی : پارتی و ئێكەتی باش دڤێ‌ قوناغێ‌ دگەهن و دازنن دێ‌ چەوا ڤێ‌ قوناغێ‌ دەرباز كەن و چارەسەری یا هەمی قەیران و ئاریشێن هەرێمێ‌ بكەن.
ژلایێ‌ خوڤە ژی هەرێم كەمال ئاغا بەرپرسێ‌ مەلبەندێ‌ دهوك گوتی : ل دەستپێكێ‌ ب ناڤێ‌ مەلبەندێ‌ چوار بخێرهاتنەكا گەرم ل عبدالخالف بابیری دكەم، و ئەم سەرەدانە بەردەوام بوون بو لێكتێگەهشتنێ‌ و مە شیایە پێكڤە خاندنەكێ‌ بو ڤێ‌ دەڤەرێ‌ بكەین، بو گرنگی یا دەڤەرێ‌ و پاراستنا ئەمنیەتا ڤێ‌ دەڤەرێ‌ ب تایبەتی كو پارێزگەها دهوكێ‌ ئەركەكێ‌ گران ل سەر ملی یە چ ژ رویێ‌ ئەمنی ڤە چ ژ ئالیێ‌ كو دهوكێ‌ دەهان هزار ئاواە بخوڤە گرتینە.
هەروەسا بەرپرسێ‌ مەلبەندێ‌ گوتی ژی: مە ژی بزاڤ كرینە كو ببینە هاریكار بو ئیدارا پارێزگەهێ‌ و ئەڤە جهێ‌ دلخوشیا مەیە.
سەربارەت رێكخستنا ناڤا مالا كوردی و ئەڤێ‌ قوناغا هەرێما كوردستانێ‌ تێدا دەرباز دبیت هەرێم كەمال ئاغا گوتی : بێگومان رێكخستنا ناڤ مالا كوردی دڤێ‌ قوناغا دا گرنگە ئەڤرو و ئەم هەمی ئاماژێ‌ بو وێ‌ دكەین كو ئەڤ دەڤەرە ژ رویێ‌ جوگرافی و سیاسی ڤە گوهورینێن مەزن بخوڤە دبینیت، و پێدڤیە كورد ڤێ‌ قوناغێ‌ مفای ژ وەربگرن، و ئەڤێ‌ قوناغێ‌ ژ دەست نەدەین داكو بشین مافێن نەتەوەیا مە بدەستڤەبینین، و جارەكا دی تەئكید دكەم كو ئەڤە ب رێكخستن و ئیچكرێزی یا مالا كوردی بدەستڤە دهێت.

پـــەیـــوەنــدیــدار

کـــۆمــێـنـت بــنــوســە