بـــەپــەلــە
پرسەنامەی پارتی سۆسیالیستی فەرەنسا بۆ کۆچی دوایی جەنابی مام جەلال

پرسەنامەی پارتی سۆسیالیستی فەرەنسا بۆ کۆچی دوایی جەنابی مام جەلال

بۆ کۆچی دوایی جەبانی مام جەلال، پارتی سۆسیالیستی فەرەنسا، لە ڕێگەی نوێنەرایەتی یەکێتی لە ووڵاتی فەرەنسا، پرسەنامەی سەرەخۆشی ئاڕاستەی یەکێتی نیشتمانی کوردستان کرد.

 

لە خوارەوە دەقی کوردی بەیاننامەکە:

 

چوار شەممە ٤ ئۆکتۆبەر ٢٠١٧

بەیاننامە

مۆریس برۆ، ئەندامی مەکتەبی سیاسی و بەرپرسی پەیوەندیەکانی پارتی سۆسیالیستی فەرەنسا

 

پارتی سۆسیالیستی فەرەنسا خەم و پەژارەی خۆی دەردەبڕێ بۆ کۆچی دوایی جەلال تالەبانی، سەرۆکی پێشووی عێراق

 

سەرۆک مام جەلال کە سەرۆکی پێشووی عێراق بوو لە ساڵی ٢٠٠٥ بۆ ٢٠١٤ کۆچی دوایی کرد. کەسایەتیەکی گەورەی بزوتنەوەی گەلی کورد بوو، سیاسیەکی روناکبیر و ستراتیج بوو لە قۆناغێکی تراجیدی مێژووی کورد: شەڕی عێراق و ئێران ساڵانی ١٩٨٠، جینۆسایدکردنی کورد لە لایەن ڕژێمی سەدام حوسێن لە ساڵی ١٩٨٨ و هەڵگیرسانی شەڕی یەکەم و دوەمی کەنداو.

سەڕەڕای بیروبۆچوونی جیاواز لە نێوان هێزە کوردیەکان، سەرۆک تاڵەبانی توانی هێڵێکی سیاسی واقعبینانە بەرپابا بکات و بچەسپێنێت، واتا هەریمێکی فیدراڵ بۆ کوردستان و سەقامگیری عێراقێکی یەکگرتوو.  

 

پارتی سۆسیالیستی فەرەنسا خەم و پەژارەی خۆی دەردەبڕێ بۆ کۆچی دوایی سەرۆک تالەبانی کە لە ریزی پێشەوە بوو بۆ سەرخستنی ئاشتی لە ڕۆژهەڵاتی ناوەڕاست، سەرخستنی دیالۆگ لە نێوان هەموو پێکهاتەکان، هەروەها هاوڕێیەکی هەمیشەیی سۆسیالیستەکانی فەرەنسا و سۆسیالیست ئەنتەرناشناڵ بوو.

 

پارتی سۆسیالیست هەمیشە لە پاڵی گەلی کورد بووە بە گشتی و لە پاڵی یەکێتی نیشتمانی کوردستان بووە بە تایبەتی. ئەو پەیوەندیە کە بەردەوامی هەبووەو بووە بە پەیوەندی هاوڕێیەتی بەهێز. لەم کاتە سەخت و ناهەموارە، پارتی سۆسیالیستی فەرەنسا پشتگیری و هاوپشتانە.  

پـــەیـــوەنــدیــدار