هەرێم كەمال ئاغا – هیڤیدارم د سالا نوی دا كورد مفای ژ گوهورینێن ددەڤەرێ‌ دا پەیدا بن ببینن

هەرێم كەمال ئاغا – هیڤیدارم د سالا نوی دا كورد مفای ژ گوهورینێن ددەڤەرێ‌ دا پەیدا بن ببینن

بهارا ئەڤ سالە دێ‌ بهارەكا دژوار بیت، بەلێ‌ دێ‌ بهارا كوردان بیت
ئەڤرو 11-1-2016 هەرێم كەمال ئاغا ئەندامێ‌ سەركردایەتی و بەرپرسێ‌ مەلبەندێ‌ دهوك، د سالا نوی دا ئێكەم كومبوون دگەل جڤاتا مەلبەندێ‌ دهوك ئەنجامدا، و چەندین تەوەر یێن گرێدای ب رەوشا هەرێما كوردستانێ‌ و عیراقێ‌ و دەڤەرێ‌ و ناڤخویا ئێكەتیێ‌ هاتنە بەحس كرن.
هەروەسا د تەوەرێ‌ ئێكێ‌ دا هەرێم كەمال ئاغا بەرپرسێ‌ مەلبەندێ‌ دهوك روناهی ئێخستە سەر نویترین پێشهاتێن ل سەر گورەپانا سیاسی یا هەرێما كوردستانێ‌ و چارەسەركرنا قەیرانێن هەرێمێ‌ و راگەهاند : دنوكە دا هەرێما كوردستانێ‌ دناڤا قەیرانان دا دنالیت، قەیرانا دارایی، قەیرانا سیاسی، بەلێ‌ ئومێدەك هەیە دئەف سالە دا ئەڤ بارگرانیا قەیرانان كێمتر لێبهێت، و ئەم پێشتگیری یا چاكسازیێن حكومەتێ‌ دكەین و هیڤیدارم لایەنێن سیاسی ل سەر مێزا دانوستاندنان جارەكا دی كومبوونەڤە داكو ئاریشێن هەرێمێ‌ و فەراغا سیاسی چارەسەربكەن، چونكە دناڤا گوهورینێن ددەڤەرێ‌ دا پەیدا دبن، دڤێت كورد مفای ژ وەربگرن، و بگەهنە هەمی مافەكێ نەتەوەیێ‌ یێ‌ رەوا، چونكە دڤان سەد سالێن بوری دا دەلیڤەیەكا زێرین وەكی ئەڤرو بو كوردان نەهاتیە پێش، لەروا ئێكرێزیا ناڤا مالا كوردی گرنگە و كارەكێ‌ پێدڤییە و تاكە رێكە بو بدەستڤەئینانا هەمی مافێن رەوایێن گەلێ‌ مە، چونكە هێزا كوردان بوویە دیفاكتوو، وەلاتێن روژئاڤا ژی هەمی پێشتەڤانیێ‌ لێدكەن، و پیروزباهیا سەركەفتنێن پێشمەرگەهی و شەرڤانان ژی كر.
هەروەسا د تەوەرەكێ‌ دیێ‌ كومبوونێ‌ دا، هەرێم كەمال ئاغا ئەندامێ‌ سەركردایەتی روناهی ئێخستە سەر گوهورینێن دەڤەرێ‌ و شەرێ‌ دژی تیرورێ‌ ل روژئاڤا و ئالوزیێن باكوورێ‌ كوردستانێ‌ و راگەهاند : هێرشێن سەر خەلكێ‌ سڤێل ل باكوور ئەم ب توندی ئیدانە دكەین، و ئوپراسیونێن بەردەوامێن دەولەتا توركیا بو سەر دەڤەرێن باكوورێ‌ كوردستانێ‌، ولاتێن روژئاڤا دلگرانكرینە، و بهارا ئەڤ سالە دێ‌ بهارەكا دژوار بیت، بەلێ‌ دێ‌ بهارا كوردان بیت.
هەروەسا د تەوەرەكێ‌ دیێ‌ كومبوونێ‌ دا بەحسێ‌ رەوشا نافخویا ئێكەتی نیشتمانی كوردستان و كار و چالاكیێن مەلبەندێ‌ دهوك ل سنورێ‌ پارێزگەها دهوكێ‌ كر و تەئكید ل سەر ئێكەتی یا دناڤا ئێكەتیێ‌ دا كر و راگەهاند : ل دیف شیانێن خو مە خزمەتا ڤێ‌ دەڤەرێ‌ كریە، و كادرێن سنورێ‌ مەلبەندێ‌ مە ژی كارەكێ‌ باش كریە بو راگرتنا ڤێ‌ رەوشا هەرێما كوردستانێ‌ تێدا دەرباز دبیت، لەورا كارێن وان جهێ‌ دەستخوشیێ‌ یە و هیڤیدارم بەردەوام بن.
ل دوماهیكا كومبوونێ‌ ژی بەرهەڤبوویان هزر و بیرێن خو لێكگوهارتن سەربارەت تەوەرێن دكومبوونێ‌ دا هاتینە بەحس كرن.

پـــەیـــوەنــدیــدار

کـــۆمــێـنـت بــنــوســە