سەعدی پیرە:سەرۆك مام جەلال داڕێژەری پەیوەندی یەكێتی و چینە

سەعدی پیرە:سەرۆك مام جەلال داڕێژەری پەیوەندی یەكێتی و چینە

بەبۆنەی سەرکەوتنی کۆنگرەی نۆزدەهەمینی حزبی شیوعی چین و گەیاندنی پەیامی پیرۆزبایی یەکێتی نیشتیمانی کوردستان ئێوارەی رۆژی پێنج شەممە ۲٠۱۷/۱۱/۲ هەڤاڵ سەعدی ئەحمەد پیرە، ئەندامی مەکتەبی سیاسی  و لێپرسراوی مەکتەبی پەیوەندییەگشتیەکانی ی.ن.ک بەیاوەری هەڤاڵ هەرێم کەمال ئاغا ئەندامی سەرکردایەتی ی.ن.ک، لەشاری هەولێر بەشداریان کرد لە بۆنەیەکی تایبەت کە کونسولخانەی گشتی کۆماری گەلی چین  لەهەرێمی کوردستان رێکیخستبوو.
لەو بۆنە تایبەتەدا کە ژمارەیەک لە دیپلۆماتکارانی باڵوێزخانەی کۆماری گەلی چین لە بەغدا و کونسولی گشتی و دیپلۆماتکارانی کونسولخانەی گشتی چین لە هەرێمی کوردستان و ژمارەیەک لە سکرتێر و نوێنەرانی پارتە سیاسیەکانی کوردستان ئامادەیبوون، سەرەتا بەرێز ( تان بانگ لین) کونسولی گشتی کۆماری گەلی چین لە هەرێمی کوردستان لە ووتەیەکدا بەخێرهاتنی ئامادەبووانی کرد، پاشان تیشکی خستە سەر دواهەمین کۆنگرەی پارتی کۆمۆنیستی چین کە لەرۆژانی ۱۸ تا ۲٤ ئۆکتۆبەر بەڕێوەچوو، هاوکات ئاماژەی بە ستراتیژیەتی پارتەکەکرد بۆ سآڵانی داهاتوودا لەچوارچێوەی بەرێوەبردنی ووڵات و ئەو ئامانجانەی کە بۆی تێدەکۆشن کە گرنگترینیان بنەبڕکردنی هەژاری و بەرزکردنەوەی   ئاستی بژێوی ژیان و زیاتر بەرەو پێشەوەبردنی ئابووری ووڵات و جووڵەی خێراتری بازرگانی فراوانتر کردنی کەرتەکانی پیشەسازی و پەروەردە و کرانەوەی زیاتر بەرووی  جیهان و گرنگی دانی زیاتر بە دیموکراسیەت.
هەڤاڵ سەعدی ئەحمەد پیرە، ئاماژەی بە گرنگی کۆماری گەلی چین و پێگە سیاسی و ئابووری و سەربازیەکەی کرد لە جیهاندا، ووتیشی: حزبی شیوعی چین رۆڵێکی گەورەی بینیووە لەمێژووی هەلسانەوەی چین لە هەموو بوارەکاندا، تیشکیشی خستە سەر ئەو پەیوەندیە دێرین و پتەوەی کە لەنێوان ی ن ک و حزبی شیوعی چین ساڵەهایە هەیە کە بناغەکەی سەرکردەی خوالێخۆشبوو سەرۆک مام جەلال دایناوە، لەو سۆنگەیەشەوە بەناوی (ی ن ک)ەوە پیرۆزبایی لێکردن، هیوای خواست تێز و راسپاردەکانی کۆنگرەی نۆزدەهەمینی حزبی شیوعی چین ببێتە هەوێنی پتەوتر کردنی پەوەندیەکانی نێوان هەردوولا و گەشەپێدان و سەرکەوتنی کارەکانیان لە رووی کاری حزبی و دەوڵەتداریەوە.

پـــەیـــوەنــدیــدار