بـــەپــەلــە
بەسەرپەرشتی کۆمیتەی رێکخستنی ئەڵمانیا: کۆنفرەنسی کەرتی(کییل) سەرکوتوانە ئەنجامدرا

بەسەرپەرشتی کۆمیتەی رێکخستنی ئەڵمانیا: کۆنفرەنسی کەرتی(کییل) سەرکوتوانە ئەنجامدرا

ئۆرگانەکانی یەکێتی نیشتمانی خەسڵەتی زیندوێتی وهەمیشە نوێ بونەوەو گەشەکردن ئامانجیانە..! بەچاوپۆشین لەکێشەو ئاستەنگەکان بەلام هەمیشە هەلوێستێکی نیشتمانی کوردستانیان هەیەو بەرچاوڕونی وکاریگەریەکان وئەزمونە دەوڵەمەندەکەی قوتابخانەی مام جەلال بۆتە وزەی هەنگاوەکانی هەڤاڵان و لەخەبات و تێکۆشاندا ڕەنگی داوەتەوە،ئەوڕاستیەشیان سەلماندووە کەڕێکخستنەکانی دەرەوە بەشێکی ئۆرگانێکی وزیندوتەواکەری رێکخستنەکانی ناوەوەن وەک هەڤاڵ(مام جەلال) فەرمویەتی..!
لەچوارچێوەی ئەوگەشەکردنەوەو کاروچالاکیەکاندا ڕۆژی یەکشەممە٢٠/١١/٢٠١٥ بەسەرپەرشتی کۆمیتەی رێکخستنی ئەڵمانیاو ئامادەبونی دلێرسەیدە بەرپرس وسدیق ڕەسول کارگێڕو بەرپرسی بەشی بەدواداچونی کۆمیتەو بەئامادەبونی ژمارەیەکی بەرچاو لەهەڤالانی رێکخستنەکانی شاری(کییل)ی باکوری ئەڵمانیا کۆبونەوەی فراوان و کۆنفرەنسی نێوخۆیی کەرتی کییل بەرێوەچوو..کۆنفرەنسەکە بەمارشی مەشخەڵان وڕاوەستان بۆگیانی پاکی شەهیدان دستیپێکردو دواتر دەستەی کارگیڕی کاتی کەرتەکە ڕاپۆرتی گشتی کاروچالاکیەکانی ماوەی ڕابردویان خوێندەوەو گفتوگۆی چڕوپڕو بابەتیانەی لەسەرکراو دەستخۆشی لەکاروچالاکیەکانیان کرا..پاشان دلێرسەیدە بەرپرسی کۆمیتەی ڕێکخستنی ئەڵمانیا لەمیانەی وتەیەکدا تیشکی خستە سەر ڕەوشی ئەمڕۆی هەرێمی کوردستان وپێگەو سەنگی کوردو قورسایی وپیرۆزیەکانی خەبات وقوربانی هێزی پێشمەرگەی کوردستان لەشەری داعش وخۆڕاگری وسەرکەوتنەکان وگۆڕانکاریە ئیقلیمی ونێودەوڵەتیەکان وپەرەسەندنەکانی ململانێی نێودەوڵەتی وهاتنەناوەوەی ڕوسیاو گۆڕانکاری لەهاوکیشە سیاسیەکانی ناوچەکەوئەگەرو پێشهاتەکان وهەلوێستەکانی (ی.ن.ک)لەسەر ئاستی کوردستانی وعێراقی وپرسە چارەنوسسازەکان..دلێرسەیدە جەختی لەیەکڕیزی ویەکێتی ناو یەکێتی وهەوڵەکانی یەکێتی کرد بۆچارەسەرکردنی کێشەو قەیرانەکانی سەرۆکایەتی هەرێم وسیستەمی حوکومڕانی کوردستان ودوپاتیکردەوە یەکێتی نیشتمانی بەهەستکردن بەئەرک ولێپرسراوێتی مێژوییەوە لەهەوڵی چارەسەری کیشەکاندایەو پێشی وابوو لەبەردەم تاقیکردنەوەیەکی مێژوویداین..!بۆیە یەکێتیانە هەنگاو دەنێیین وهەستیارانە بیردەکەینەوەو ناکەوینە ژێر کاریگەری هیچ کەس لایەنێک کەبیانەوێ ئاراستەی ڕەوەشەکە بەرەو ئاڵۆزی بەرن چونکە دواجار هەمومان لێی زەرەرمەند دەبین وئێمە کاردەکەین بۆ گۆڕینی عەقڵیەتی باوو سیستەماکتیزەکردنی دامەزراوەکانی حوکمڕانی وبڕواهێنان بەبەرامبەر کەتەنیا بەدیمکراتیەت وتەواوکردن هەنگاوەکانی ڕاگوزەری دیموکراسی دەتوانین دۆڕاۆژی گەلەکەمان لەئاشتی وسەقامگیری وئاوەدانی و خۆش گوزەرانی مسۆگەر بکەین و بەشێک دەبین لەچارەسە..لەبەشێکی تری کۆنفرەنسەکەدا سدیق کرژەیی کارگێڕی بەشی چاودێری وبەدواداچوون سەبارەت بەئەرکە هەنوکەییەکانی هەڤاڵان ورێکخستنەکان قسەی کردوتیشکی خستەسەر کاروچالاکی وئاراستەی بەدیهێنانی ئامانجەکان لەڕوانگەی بیروبۆچوون وبەرنامەکانی یەکێتیەوەو ڕونیکردەوە کەهەڤاڵان دەتوانن لەهەموکات زیاتر شانازی بەیەکێتی بونیانەوە بکەن و هەمیشە بۆگەیاندنی زانیاری وڕونکردنەوەی هەڵوێستەکان بەدەوروبەر خۆیان بەهەڵوێستەکانی یەکێتی بارگاوی بکەن..!لەبەشێکی تری قسەکانیدا کارگێڕی چاودێری بەدواداچوون سەبارەت بەکاری رێکخراوەیی ورێنماییەکان وپرسەکانی دیسپلین ڕونکردنەوەی پێویستیدا دواتر لەلایەن هەڤاڵانەوە گفتوگۆی چڕوپڕ لەسەر کۆی پرسە سیاسی ورێکخراوەییەکان وقەیرانەکانی هەرێم وپەرلەمان وهەوڵەکانی یەکێتی بۆچارەسەری کێشەکان کراو نمونەیەکی جوانیان لەدانیشتن وگفتوگۆی بابەتیانەو دیالۆگ خستەڕوو..لەدواین بەشی کۆبونەوەکەدا کۆنفرەنسی نوێبونەوەو هەڵبژاردنی بەرپرس ودەستەی نوێی کارگێڕی و داڕشتنەوەو نوێ بونەوەی رێکخستنەکانی ئەوشارە بەم جۆرەی خوارەوە بەرێوەچوو:
*دلاوەر ئەمین بەبەرپرسی کەرت وهەریەک لەهیوا حەمەشکور دڵخۆش بەکارگێڕی بەشی رێکخستن وشەماڵ زەنگنە بەکارگێڕی بەشی چاودێری وبەدواداچوون هەڵبژێردران..هەمانکات خاتوو نیازعومەر بەبەرپرسی پۆلی ژنان وئاسۆمستەفا بەبەرپرسی پۆلێکی تری رێکخستنی کەرتی کیل دەستنیشنکران..
شایانی باسە ئەم کۆنفرەنس و کۆبونەوەو چالاکیانە لەچوارچێوەی بریارو ڕاسپاردەکانی ناوەندی دەرەوەو مەکتەبی رێکخستن ولەبەررۆشنایی پەیڕەوو پرۆگرامی یەکێتیدا بەئامانجی نوێبوونەوەو گەشەکردن لەریزەکانی رێکخستندا بەردەوامی دەبێ..
ڕاگەیاندنی کۆمیتەی ئەڵمانیا:

پـــەیـــوەنــدیــدار

کـــۆمــێـنـت بــنــوســە