بـــەپــەلــە
لەئەڵمانیا..!:  ئەگەری سەرهەڵدانەوەی ڕێکخراوی  چەکداریی توندڕەوی “سوپای سور”

لەئەڵمانیا..!: ئەگەری سەرهەڵدانەوەی ڕێکخراوی  چەکداریی توندڕەوی “سوپای سور”

 

 

ڕێکخراوی”RAF”ناسراو بە”سوپای سور”لەحەفتاکانی سەدەی ڕابردودا لەئەڵمانیا چەندین تاوانیان ئەنجامداو بەڕێکخراوێکی چەپی چەکداری تیرۆرستی پێناسەکراو چەندین چالاکی کوشتن وپەلاماردانیان ئەنجامدا..!دواتر لەساڵی١٩٩٨ ئەوڕێکخراوە هەڵوەشایەوە بەشێک لەئەندامەکانیشی دەستگیرکران ولەچەند ڕۆژی ڕابردوشدا یەکێک لەدیارترین ئەوزیندانیانەی کەبەزیندانی هەتاهەتایی حوکمدرابوو(بیرجینا مونتهاوپت”دوای بەسەربردنی ٢٤ ساڵ لەزیندانا پێشوەخت ئازادکرا.. دوای چەندین ساڵیش لەهەلوەشاندنەوەی ئەوڕێکخراوە لەئێستادا گومانی ئەوە لەئارادایە سوپای سوری توندڕەو کەبڕوایان بەچالاکی چەکداری وتوندوتیژی هەیە لەئەڵمانیا”سەرهەڵبداتەوە!!

ڕۆژی سێ شەممە١٩/کانونی دووەمی ٢٠١٦ داواکاری گشتی شارۆچکەی(فێردن)لەهەریمی نیدەرزاکسنی ڕۆژئاوای ئەڵمانیا ئاشکرایکرد گروپی “سوپای سور”RAF”ی ئەڵمانی کەساڵانێک بەنهێنی کاریان دەکرد لەناویاندا “دانييلا كلاته وارنست،فولكر شتاوب وبوركهارد گارفيگ”(لە٢٨ی کانونی یەکەمی ٢٠١٥لەشاری ڤۆلفسبورگ لەپشت هەوڵی دەستبەسەراگرتنی ئۆتۆمۆبیلێکی گواستنەوەی پارەوە بوون..ئەمەش ئەگەری ئەوە دەردەخات ئەم سوپایە دەستی بەکاری توندڕەوانەی چەکداری خۆی کردبێتەوە.!

بەپێی ڕاگەیاندنی داواکاری گشتی..سەرەنجامی لێکۆڵینەوەی زانستی  ترشەڵۆکی نەتریکی ئەو(٣)کەسە تۆمەتبارە بەهەوڵی دەستبەسەردا گرتنی پارەی ناو ئەو ئۆتۆمۆبیلە کەشۆفێرەکەی توانی بووی خۆی دەربازکات تۆمەتبار بوون و دەمامک وهەندیک بەڵگەیان بەجێ هیشتوووە،کەئەوە دەردەخات ئەو سێ تۆمەتبارە لەو تاوانەوە گلاون..!لەکاتی خۆشیدا پۆلیسی ئەوشارە پێی وابووە هەوڵێکی لەوجۆرە لەحوزەیرانی ٢٠١٥ دا لەشاری(شتور)ی نزیک”بریمەن”دراوە بەهەمان شێوە ئەگەری ئەوە هەیە ئەوسێ تۆمەتبارە لەپشت ئەوکارەوە بن.!!ئێستا لێکۆڵینەوە لەسەر ئەوسێ کەسەی کەفەرمانی دەستگیرکردنیان هەبووە بەردەوامە !بەلام بۆچونێکیش هەیە لەسەر ئەوەی بەڵگەی تەواونیە لەسەر ئەوەی ئەم تاوانە تاوانێکی تیرۆرستی بێت!ڕەنگە تەنیا بۆبەڕێوەبردن وزامنکردنی ژیانی بەشاراوەیی خۆیان بوبێ!!ئەگەری ئەوەش لەبەردەم لیکۆڵینەوەدایە ئەم سێ تۆمەتبارە دەستیان هەبوبێ لەکوشتن و دەستبەسەرداگرتنی پارەو بەرژەوەندی خەڵکیدا..شایانی باسە داواکاری گشتی لەسەرەتای ساڵی نەوەدەکانەوە دۆسیەی لیکۆڵینەوەی بۆئەم سی تاوانبارە بەتۆمەتی پێشینەی ئەندام بونیان لە”سوپای سوری ئەڵمانی”وئەنجامدانی چەندین تاوان کردۆتەوە بەتایبەتی تەقینەوەکانی ئادارو مارسی١٩٩٣ کەتیایدا زیندانێکیان لەشاری(ڤایترشتات)لەهەرێمی(هیسن)ی ناوەڕاستی ئەڵمانیاکردە ئامانج.ئەم رێکخراوە توندڕەوە  لەئێستادا جارێکی تر بۆتەوە جێی مشتومڕو قسەوباسی ڕۆژنامەو میدیاکانی ئەڵمانیا،ئەم ڕێکخراوە توندڕەوە پەیوەندی پتەویان لەگەڵ بەرەی میللی ڕزگاریخوزانەی فەلەستین هەبووەو لەساڵی ١٩٧٧ دا  بەشداری ڕفاندنی فرۆکەیەکی لۆفتهانسەی ئەڵمانیان کردووە بۆ جیبۆتی!! لەبەرامبەردا داوای ئازادکردنی ئەندامەکانی خۆیان لەزیندانەکانی ئەڵمانیادا کردووە.ئەم ڕێکخراوە لەحەفتاکانەوە تاکۆتایی هەشتاکان چەندین چالاکی چەکدارانەیان ئەنجامدا لەوانە کوشتنی سەرۆکی دائیرەی کاری ئەڵمانی وسەرۆکی بانکی ناوەندی ئەڵمانی وداواکارێکی گشتی وچەندین تاوانی تر.زۆربەشیان بەبەرزترین سزای زیندانی هەتاهەتایی حوکمدران بەلام بەرلەوادەی خۆیان بەچوارپێنج سال چەند تاوانبارێکیان لێ ئازادکرا.

 

شیهاب عوسمان- ئەڵمانیا:

پـــەیـــوەنــدیــدار

کـــۆمــێـنـت بــنــوســە