کۆمیتە و ئۆرگانەکانی یەکێتی نیشتیمانی کوردستان لە چەند بۆنەیەکدا!

کۆمیتە و ئۆرگانەکانی یەکێتی نیشتیمانی کوردستان لە چەند بۆنەیەکدا!

ڕاگەیاندنی کۆمیتەی سوید

شوێن / ستۆکهۆڵم

 

ستۆکهۆڵم : پەیوەندیەکانی یەکیتی نیشتیمانی کوردستان و کۆنگرەی نەتەوەیی کوردستان (کەنەکە) لەشاری ستۆکهۆڵم لە کۆبوونەوەیەکدا!

لەڕۆژی ٢٣-١-٢٠١٦ شاندێك بەسەرپەرشتی هەڤاڵ سەمیر ساڵح نوێنەری پەیووەندیەکانی یەکێتی نیشتیمانی کوردستان لە ووڵاتی سوید   لەبارەگای کۆمیتەی ڕێکخستنی سوید لەشاری ستۆکهۆڵم پێشوازیان کرد لە هەڤاڵانی کۆنگرەی نەتەوەیی کوردستان (کەنەکە) بەسەرپەرشتی بەڕێز کاروان سەعید. مەبەست لەو کۆبوونەوە پتەوکردنی پەیووەندیەکانی نێوان( ی.ن.ك) و( کەنەکە) ،هاوکات گفتووگۆکردن لەمەڕ باروودۆخی ئەمڕۆی کوردستان و پێشنیازکردن هەڤاڵانی (کەنەکە) بۆ یەکێتی نیشتیمانی بەهەڵسان بەدەورێکی چالاکانە بۆ خزمەتکردنی وویستی گەلەکەمان.

سەرەتا بەڕێز کاروان سەعید دەستخۆشی خۆی و هەڤاڵانی ئاراستەی هەڤاڵانی ی.ن.ك کرد بۆ هەڵووێستیان لەسەر ڕوودا و پێشهاتەکانی ئەمڕۆی هەرچوارپارچەی کوردستان ، هاوکات داواکاری بەڕێزیان بۆ ئەنجامدانی بۆنە و یادەکان بە هەماهەنگی و بەئاگاداری هەمە لایەنە بێت ، هەروەها داوا کردن لە یەکێتی تواناکانی خۆی بخاتە گەڕ بۆ نزیك کردنەوەی حیزب و لایەنە سیاسیەکانی تری پارچەکانی کوردستان.

دواتر هەڤاڵ سەمیر ساڵح سوپاس گوزاری خۆی و یەکێتی بەهەڤاڵانی شاندی میوان ڕاگەیاند و وویست و بیرو باوەڕی یەکێتی خستەڕوو لەمەڕ یەکێتی نەتەوەیی و بەرزڕاگرتنی  خەباتی بەشەکانی تری کوردستان و هەڵووێستی یەکێتی نیشتیمانی کوردستان کە بەخوێنی پێشمەرگە قارەمانەکانی سەڵماندوویەتی کە هەمیشە لە هەوڵ و خزمەتی یەکێتی نەتەوەیی هەرچوار پارچەی کوردستان بووە و دەبێ .

ئەندامانی ئامادەبووی هەردوو شاندی کۆبوونەوە بە ڕا و پێشنیاریان کۆبوونەوەکەیان زیاتر دەوڵەمەندتر کرد و هیواخواز بوون بە دووبارەکردنەوەی ئەم جۆرە چاوپێکەووتن و کۆبوونەوانە و بەشداریکردنی هەموو حیزب و لایەنە کوردی و کوردستانیەکان.

شاندی کۆنگرەی نەتەوەیی کوردستان بریتی بوون لە :

بەڕێز کاروان سەعید و بەڕێز خاتوو کوێستان و بەڕیز ئارام کۆیی

شاندی یەکێتی نیشتیمانی کوردستان بریتی بوون لە:

هەڤاڵان سمیر ساڵح و تالیب مەنمی و  مەمەد ئیزدمیر و ئاسۆ فواد و ڕزگار سەعید

 

ستۆکهۆڵم : یەکێتی نیشتیمانی کوردستان بەشداری لەیادی ٧٠ ساڵەی کۆماری کوردستان دەکات!

لەڕێکەووتی ٢٣-١-٢٠١٦ یەکێتی نیشتیمانی کوردستان بۆ بەرزڕاگرتنی ساڵیادی پیرۆزی کۆماری کوردستان لە ٢ی ڕێبەندان بەشداریکرد لەهەردوو بۆنە کەلەلایەن حیزبی دیموکراتی کوردستانی ئێران و حیزبی دیموکراتی کوردستانی ڕۆژهەڵات لە دوو شوێنی جیاواز ئامادەکرابوو .

شاندی بەشدار بووی یەکێتی نیشتیمانی کوردستان پێکهاتبوو لە نوێنەری پەیوەندیەکان و کۆمیتەی سوید و کۆمەڵەی پێشمەرگە دێرینەکان و کەرتی ڕێکخستنی شاری ستۆکهۆڵم.

نوێنەری یەکێتی نیشتیمانی کوردستان هەڤاڵ سەمیر ساڵح ووتەی کۆمیتەی هاوکاری هێزە سیاسیەکانی کورد و کوردستانی خوێندەوە .

5 4 3 2 1

 

 

 

 

 

پـــەیـــوەنــدیــدار

کـــۆمــێـنـت بــنــوســە