شێخ جەنگی تاڵەبانی برای هەڤاڵ مام جەلال كۆچی دوایی كرد

شێخ جەنگی تاڵەبانی برای هەڤاڵ مام جەلال كۆچی دوایی كرد

ئەمشەو شێخ جەنگی تاڵەبانی برای مام جەلال تاڵەبانی سكرتێری گشتی یەكێتی نیشتمانی كوردستان و سەرۆك كۆماری پێشووی عێراق و باوكی لاهور شێخ جەنگی بەرپرسی ئاژانسی زانیاری و پاراستن بەهۆی نەخۆشییەوە كۆچی دوایی كرد.

قوتاد تاڵەبانی جێگری سەرۆكی حكومەتی هەرێمی كوردستان لە پەیجی تایبەتی خۆی لەتۆڕی كۆمەڵایەتی فەیسبووك رایگەیاندووە، بەغەم و پەژارەیەكی زۆرەوە هەواڵی كۆچی دوایی كەسایەتی ناسراوی كۆمەڵایەتی و دڵسۆزی خاك و نیشتمان و مامی خۆشەویستم ، شێخ جەنگی تاڵەبانی رادەگەیەنم، خوای گەورە بە بە هەشتی نەمری شاد بكات.

هەر لەو بارەیەوە بێگەرد تاڵەبانی سەرۆكی فراكسیۆنی یەكێتی بەماڵپەری فەرمی حزبەكەی راگەیاندووە، لەئێستادا تەرمی خوالێخۆشبوو لەسلێمانییەو بڕیارە سبەینێ هەینی تەرمەكەی لەتەكێیەی تاڵەبانی لەكۆیە بەخاكبسپێدرێت.

وتیشی: سبەینێ هەینی تەرمی شێخ جەنگی لە مزگەوتی  ئەحمەدی حاجی عەلی لەسلێمانیەوە بەرەو شاری كۆیە بەڕێدەكرێت و لە تەكیەی تاڵەبانی بە خاكدەسپێردرێت، هەر سبەینێش پرسەكەی لەتەكیەی تاڵەبانی دەبێت لەشاری كۆیە.

شێخ جەنگی كوڕی شێخ حسام الدین-ە و لەگوندی كەلكانی سەر بەناحیەی خەلەكانی قەزای دوكان لەدایك بووەو برا گەورەی مام جەلال تاڵەبانییە.

پـــەیـــوەنــدیــدار

کـــۆمــێـنـت بــنــوســە