ئەڵمانیا :  بەتۆمەتی ئەنجامدانی هێرشی تیرۆرستی بۆسەر بەرلین چەند گومانلێکراو دەستگیرکران

ئەڵمانیا : بەتۆمەتی ئەنجامدانی هێرشی تیرۆرستی بۆسەر بەرلین چەند گومانلێکراو دەستگیرکران

 

ئەمڕۆ پێنج شەممە ٤ی شوباتی ٢٠١٦ پۆلیسی ئەلمانیا بەهەماهەنگی لەگەڵ دەستەی پاراستنی دەستوورو پۆلیسی ئیتیحادی لەهەرسێ هەرێمی(بەرلین وهانۆڤەری نیدەرزاکسن و نۆرد ڕاین ڤێستڤاڵن) هەڵمەتێکیان بۆسەر چەند گومانلێکراوێکی رێکخراوی تیرۆرستی دەوڵەتی ئیسلامی ناسراو بەداعش دەستپێکرد کەبەنیازی داڕشتنی پلانی تیرۆرستی بوون بۆسەر بەرلین..کەناڵەکانی فەرمی ئەڵمانیا ZDF,n.tV،ARDئاشکرایکرد لەمیانەی ئەو هەڵمەتەدا هێزەکانی پۆلیس توانیویانە”٣”کەس لەوتاوانباران دەستگیر بکەن..لەوانە تۆمەتباری سەرەکی کەتەمەن ٣٥ساڵەو خەڵکی جەزائیرە..لەبەرلینیش کە٤٥٠ پۆلیس بەشداری هەڵمەتەکەیانکرد دووخانوو دوو سەمونخانەیان پشکنی وتۆمەتباری جەزائیری دوەمیان دەستگیرکرد کەژنێکەو بۆ ڕابواردن بەکاریان هێناوە..لەهانۆڤەریش تاوانباری سێهەم دەستگیرکراو بەردەوامیشن لەگەڕان بەدوای چەند تۆمەتبارێکی تردا کەتەمەنیان لەنێوان ٣١ و ٢٦ ساڵدایەو لەلاین پۆلیسەوە  لەکەمپەکاندا دەستنیشانکراون، پێدەچیت لەچەند رۆژی داهاتودا بۆ لێکۆڵینەوە بانگهێشتبکرێن..بەپێی سەرچاوەکانی پۆلیسی ئیتیحادی تۆمەتباری سەرەکی بەشداری شەری ناوخۆی سوریای کردووەو مەشق و ڕاهێنانی لەوێ ئەنجامداوەو خاوەن ئەزمونێکی شەرنگێزی زۆرە..لەو هەڵمەتی پشکنینەدا لەبەرلین و دوکەمپی هانۆڤەرو هەرێمی نۆرد ڕاین ڤیستڤاڵن دەستگیراوە بەسەر چەند بەڵگەیەکداو خراوەتە بەرلێکۆڵینەوە..!!سەبارەت بەم هەڵمەتەو مەترسیەکانی تیرۆر لەئەڵمانیا “هوڵگر مونش”سەرۆکی پۆلیسی فیدرالی دەڵێ “هەڕەشەی مەترسیدارمان لەسەرە”و بەر لەچەند رۆژێک زانیاریەکان سەبارەت بەهەوڵی تیرۆرستی بەشێوەیەکی بەرچاو لەساڵی پاربەپێی  ئامارێک کە ٦٤٤ لێکۆڵینەوەو بەدواداچوونی لەخۆگرتووەو پەیوەندیدارە بەئیسلامی ئسوڵیەوە زیادیکردووە بۆیە ڕووبەڕوبونەوەی تیرۆری ئیسلامی نەک لەدواڕۆژدا بەڵکو لەئیستەشدا لەئەرکە سەرەکیەکانمانە،وتەبێژی پۆلیس”ردلیش شتیڤان” یش دەڵێ لەو “٣”تاوانبارە یەکێکیان فەرمانی گرتنی لەلایەن ولاتی جەزائیرەوە هەیە بەتۆمەتی پەیوەندی بەڕێکخراوی دەوڵەتی تیرۆرستی داعشەوە کەسەرقاڵی داڕشتنی پلانێکی مەترسیداری کاری تیرۆرستی بووەو بۆتە هەڕەشە بۆسەر ئاسایشی ولاتەکە..!و لەپایزی٢٠١٥وە لەگەڵ کەسێکی تری جەزائیری هاتۆتە ئەڵمانیاو لەکەمپێکی هەرێمی نۆردڕاین ڤێستڤاڵن ژیان بەسەردەبات وچەندین شوناس وبەڵگەی ساختەی بەکارهێناوە تاگەیشتۆتە ئەڵمانیا..!!وتەبێژەکەی پۆلیس دەڵێ لەو گومانلێکراوانە کەچوارکەسن “سێ”مان دەستگیرکردووەو تاوانبارن بەداڕشتنی نەخشەی تیرۆرستی و دروستکردنی مەترسی لەسەرئاسایشی ولات..بەلام بەپێی بۆچونی داواکاری گشتی بەرلین ئەگەری ئەوە هەبووە لەمزگەوتەکانەوە پلانی هەلمەتێک بۆ پەراماردانی بەرلین لەئارادابێ  بەدیاریکراوی لەناوەڕاستی مەیدانی ئەلکسەندەرپلاتس کە سەنتەرییکی گەورەی بەرلینی رۆژهەڵایتەو شوێنێکی یەکجار قەرەباڵغە..!!بەپێی قسەی داواکاری گشتی ئەم بۆچونە لەهەڵسەنگاندنی تەلەفۆن و زانیاریەکانی ئەوکۆمپیوتەرانەوە سەرچاوەی گرتووە کەلەکاتی پشکنینەکانی ئەمڕۆدا دەستی بەسەردا گیراوەو ئەوە دەردەخات ئەو تاوانبارانە نەخشەیەکی تیرۆرستیان بەدەستەوە بوبێ..داواکاری گشتی دەڵێ ئێستا خەریکی لێکۆڵینەوەی ئەو دۆسیەیەن.

شیهاب عوسمان- ئەڵمانیا:

پـــەیـــوەنــدیــدار

کـــۆمــێـنـت بــنــوســە