کەنەدا رۆژی ٢٦ ی رێبەندانی کۆمەڵە بەرز ڕاگیرا                   

کەنەدا رۆژی ٢٦ ی رێبەندانی کۆمەڵە بەرز ڕاگیرا                   

عوسمان عەلی ، تورونتۆ

 

بۆ رێزگرتن لە ساڵرۆژی ٣٧ هەمینی خەباتی ئاشکرای کۆمەڵەی شۆڕشگێری زەحمەتکێشانی کوردستانی ئێران ، بەئامادەبوونی ژمارەیەکی زۆری کوردستانیانی هەرێمی ئۆنتاریو و میوانانی ئەمریکا و نوێنەری حزب و رێکخراوەکان ، رۆژی ١٤ / ٢/ ٢٠١٦ لە شاری تورونتۆ – ی کەنەدا بەسەرپەرشتی کۆمیتەی کەنەدای کۆمەڵە لە رێوڕەسمێکی شایستەدا بەرز و پیرۆز ڕاگیرا .

وەفدێکی کۆمیتەی کەنەدای رێکخستنی یەکێتیی نیشتمانیی کوردستان کە پێكهاتبوون لە بەرپرس و کارگێڕانی کۆمیتە سەباح عەنکاوەیی و خەسرەو رەسول و عوسمان عەلی ئامادەی ڕێورەسمەکە بوون  .

سەرەتا ئەیوب عەبدوڵا پور بەناوی کۆمیتەی کۆمەڵە لە کەنەدا بەخێرهاتنی ئامادەبووانی کرد و تەوەری بەرنامەی یادەکەی بۆ ئامادەبووان ڕوونکردەوە .

پاشان بە سروودی خەباتی کۆمەڵە و خولەکێك وەستانی ئامادەبووان بۆ رێزگرتن لە قوربانیانی کۆمەڵە و شەهیدانی ڕێگای ڕزگاری کوردستان ئاهەنگەکە دەستی پێکرد .

سەڵاح بایەزید بەرپرسی پەیوەندییەکانی دەرەوەی کۆمەڵەی شۆڕشگێری زەحمەتکێشانی کوردستانی ئێران لە واشنتۆن وتاری کۆمیتەی ناوەندی کۆمەڵەی پێشکەشکرد ، تیایدا ئاماژەی بە قۆناغەکانی خەباتی ٣٧ ساڵەی کۆمەڵەی شۆڕشگێری زەحمەتکێشانی کوردستانداو وتی کۆمەڵە رۆلێکی گرنگ لە مێژووی تێکۆشانی کۆمەڵانی خەڵکی کوردستان دژی داگیرکەران بینیوە و قوربانی زۆریشی لە پێناو ئامانجە پیرۆزەکەیدا بەخشیوە ، لە بەشکی وتارەکەدا نوێنەری کۆمەڵە دەستخۆشی لە خەبات و چالاکیەکانی هاوڕێیانی رێکخستنە نهینییەکانی شار و دێهاتەکانی کوردستانی رۆژهەڵاتدا کە ٣٧ ساڵ لەمەوبەر لە دژی زوڵم و زۆرداری ڕژێمی پاشایەتی ئێران لە شاری سەقز ڕاپەڕینی دەستپێکی چالاکی ئاشکرا بوونی کۆمەڵەیان ئەنجامداو  تیایدا شەهید حەمە حسین کەرێمی وەکو یەکەم شەهیدی سەرکردە لە پێناو کۆمەڵە و بزووتنەوەی رزگاریخوازی گەلی کورد و چەوساوەکاندا کەوتە بەر دەستڕێژی بەکرێگیراوانی رژێمی ئێران  و گیانی خۆی بەختکرد . لە کۆتاییدا نوێنەری کۆمەڵە وتارەکەیدا رۆژی کۆمەڵەی لە پێشمەرگە دیرینەکان و کەم ئەندامان و زیندانیانی سیاسی و سەرجەم کۆمەڵانی خەلکی کوردستان پیرۆزکرد .

جیم کرجیانیس دۆستی گەلی کورد و ئەندامی شارەوانی تورونتۆ لە وتەیەکدا پیرۆزبایی رۆژی کۆمەڵەی لە سەرکردایەتی کۆمەڵەو گەلی کورد کرد ، کریجیانیس لە بەشێکی وتەکەیدا رایگەیاند مافی مرۆڤ لەژێر سایەی کۆماری ئیسلامی ئێران بەردەوام پێشێل دەکرێت ، خەلکی کوردستان لە رۆژهەڵات بێبەشن لە مافی چالاکی سیاسی خۆیان و گەنجانی کورد هەمیشە بەرەوڕووی ئاشکەنجە و  سێدارەدان دەبنەوە . لە کۆتایی وتەکەیدا کریجیانیس ئاماژەی بە خۆڕاگری گەلی کورد و قارەمانێتی هێزەکانی پێشمەرگە و شەڕڤانان داو وتی تەنها گەلی کوردە بۆ پاراستنی ئاسایشی جیهان لە ڕوبەڕووبوونەوەی چکداری داعش لە عێراق و سوریا بەرگری دەکەن .

پاشان حزب و رێکخراوەکان بەو بۆنەوە پەیامی خۆیان پێشکەشکرد ، لایەنەکان وێڕای پیرۆزباییکردن ، ڕایانگەیاند رۆژی کۆمەڵە وەچەرخانێکی گەورە بوو لە مێژووی خەبات و شۆڕشی کوردایەتی . لایەنەکان لە وتارەکانیان دەستخۆشی خەباتی بێووچانی شۆڕشگێرانەی نهێنی و ئاشکرای کۆمەڵەیان لە پێناو بەدی هاتنی مافی ڕەوای گەلی کورد کرد . هەروەها لە بەشێکی وتاری لایەنەکان ئاماژەیان بە خۆڕاگری گەلی کورد و سەرکەوتنەکانی هێزەکانی پێشمەرگە و شەڕڤانان لە شەڕی دژی تیرۆرستانی داعش کرد و هاوکات هێرش و پەلاماری هێزەکانی پۆلیس و سوپای تورکیا بۆ سەر شارەکانی باکووری کوردستان و کوشتنی هاوڵاتیانی سڤیل ئیدانە و شەرمەزارکرد .

لە بەردەوامی ئاهەنگەکەدا بە فۆتوشۆپ وێنەی دۆکیومێنتاری چالاکی سیاسی حزب و هێزەکانی پێشمەرگەی کۆمەڵەی شۆڕشگێر لە ڕوبەڕووبوونەوەی سوپای رژێمی ئێران و چەکدارانی داعش نمایشکرا .

هەر لەمیانەی ئاهەنگەکەدا چەندین پارچە شیعر و پەخشان سەبارەت بە رۆژی کۆمەڵە و شەهید حەمە حسێن کەرێمی لەلایەن حەمە عزیز و ئەیوب عەبدوڵا پێشکەشکران .

دواتر هونەرمەندی دەنگخۆش پەیوەند جاف و محەمەد حسین بە گۆرانی و زەماوەندی کوردستانیان تا درەنگانی شەو ساڵیادی ٢٦ ی ڕێبەندان رۆژی کۆمەڵەیان ڕازاندەوە .

k3 k

 

 

 

پـــەیـــوەنــدیــدار

کـــۆمــێـنـت بــنــوســە