کەنەدا ، خۆپیشاندەران سیاسەتی کۆمەڵکوژی ئەردوگان ڕسوا ئەکەن              

کەنەدا ، خۆپیشاندەران سیاسەتی کۆمەڵکوژی ئەردوگان ڕسوا ئەکەن              

عوسمان عەلی ، تورونتۆ

بە مەبەستی دەربڕینی ناڕەزایی بەرامبەر سیاسەتی دوژمنکارانەی ئەردوگان و کۆمەڵکوژی کوردانی باکوور لە شارەکانی دیاربەکر و جزیرە و ناوچەی شەرناخ لەلایەن سوپای حکومەتی تورکیا ، ئێوارەی رۆژی ٢١/٢/٢٠١٦ بە ئامادەبوونی ژمارەیەکی زۆری کوردستانیانی هەرێمی ئۆنتاریو و نوێنەری حزب و رێکخراوە کوردییەکان ،  خۆپیشاندانێکی جەماوەری لە شەقامی یانگ – ی تورونتۆ بە سەرپەرشتی کوردیش کۆمینیتی سەنتەر سازکرا .

لەو خۆپیشاندانەدا بۆ پشتگیری خۆپیشاندەران کۆمیتەی رێکخستنی کەنەدای یەکێتیی نیشتمانیی کوردستان و کۆمەڵەی سازمانی ئێران حزبی کۆمەنیست و رێخراوی ماڵی کوردی تورونتۆ بەشدارییان تێدا کرد . کوردستانیان بە هەڵگری ئاڵای کوردستان و دروشمەکانیان سیاسەتی شەرانگیزی ئەردوگان و کوشتنی هاوڵاتیانی کورد  لە باکووری کوردستان ئیدانە و ڕسوا کرد . هەر لە میانەی رێپێوانەکەدا لە شەقامی یانگ بەرەو ئیدارەی شارەوانی تورونتۆ لە بەیاننامەیەکدا بە زمانی ئینگلیزی کۆمیتەی سەنتەری کورد بۆ ڕای گشتی رایگەیاند گەلی کورد گەلێکی ئاشتی خوازە و خوازیارە پرۆسەی ئاشتی و دیموکراسی لە تورکیا جێبەجێ بکرێت ، هاوکات لە بەیاننامەکەدا کۆمیتەی سەنتەری کورد ئاشکراشیکرد زیاتر لە دوو سەد هاوڵاتی مەدەنی کورد بە گولەی پۆلیسی تورکیا لە باکووری کوردستان کوژراون و سەدانی دیکەش برینداربوون کە تا ئێستاش زۆربەیان لە ژێر زەمینەکاندا بێ چارەسەر ماون . کۆمیتەی کوردی لە بەشێکی بەیاننامەکەدا  داوای لە ڕای گشتی نێودەوڵەتی و حکومەتی کەنەدا کرد پشتگیری گەلی کورد  بۆ جێبەجێ کردنی بنەماکانی دیموکراسی و مافی مرۆڤ بکەن و سنوورێك بۆ هێرش و پەلاماری هێزەکانی پۆلیسی تورکیا لە شارەکانی باکووری کوردستان دابنێن .

پاشان خۆپیشاندەران لە بەردەم گۆڕەپانی شارەوانی ستی هۆڵ گردبوونەوەکیان ئەنجامدا و وتاری کوردیش کۆمینێتی سەنتەر لەلایەن هادی ئەلیاس خوێنداریەوە ، تیایدا بەناوی کوردانی کەنەدا هێرش و پەلاماری سوپای تورکیا بۆ شارەکانی دیاربەکر و جزیرە و شەرناخ و کوشتنی هاوڵاتیانی سڤیل و تۆپ بارانکردنی ناوچەکانی کوبانی و عەفرین لە رۆژئاوای کوردستان  ئیدانە کرد و مەحکوم کرد .  داواشیان لە حکومەتی کەنەدا کرد پشتیوانی میللەتی کورد  بۆ ئاسایی بوونەوەی ڕەوشی ئاشتی و ئارامی لە باکووری کوردستان بکەن .

پـــەیـــوەنــدیــدار

کـــۆمــێـنـت بــنــوســە