بـــەپــەلــە
شێركۆ میروەیس :داواكارین هەڵی دامەزراندن بۆ دەرچوان برەخسێنریت

شێركۆ میروەیس :داواكارین هەڵی دامەزراندن بۆ دەرچوان برەخسێنریت

رۆژی 9/3/2016 هەڤاڵ شێركۆ میروەیس ئەندامی سەركردایەتی و لێپرسراوی مەڵبەندی 8ی رێكخستنی خانەقین بە ئامادەبوونی هەڤاڵان هێمن مەنسور جێگری مەڵبەندی خانەقین و ئیبراهیم عەلی رەزا نوێنەری هەڤاڵ مام جەلال بۆ كاروباری عەشایری لە سنوری پارێزگای دیالە وژمارەیەك لە هەڤاڵانی مەڵبەند, پێشوازیان كرد لە بەرێز جەعفەر زەرگوشی بەرێوبەری گشتی پەروەردەی دیالە و بەرێوبەراینی پەروەردەی خانەقین و وەفدێكی یاوەری ،
سەرەتا هەڤاڵ لێپرسراوی مەڵبەندی خانەقین بەخێر هاتنی وەفدی ناوبراوی كرد , هاوكات باسی لە بارودۆخی پەروەردە و پێوستیەكانی لە شاری خانەقین و دەوربەری كردو ئاماژەی بە هاتنی ئەو ئاوارانە بۆ شاری خانەقین كرد و رایشی گەیاند : پێوستیان بە دابین كردنی پێداوستی هەیە بەتایبەت لە بواری پەروەردەیدا , لە بەشێكی تری قسەكانی دا لێپرسراوی مەڵبەند باسی لە دەرچوانی خانەقین و دەوروبەری كرد و ئەوەشی بە نموونە هێنایەوە , كە ناوچەكە خاوەنی ژمارەیەكی زۆر لە بروانامەی بەرزن , بۆیە داواكارین هەوڵەكانتان لە پێناو خزمەتكردنی ناوچەكە و رەخساندنی هەڵی دامەزراندن بۆ دەرچوان بخەنەگەر بە پێی حەقی دەڤەرەكە بە بێ‌ ئەوەی لەسەر حسابی هیچ شار یاخود ناوچەیەك بێت ,لە كۆتایشدا میروەیس رۆڵی بەرێوبەری گشتی پەروەردەی دیالە و وەفدی هاوریێ بەرزرنرخاند , كە توانیویانە لە ماوەی رابردوو وئێستادا خزمەتێكی گەورە بكەن لە بواری پەروەردەو خوێندن لە ناوچەكە دا .
لەبەرامبەردا بەرێوبەری گشتی پەروەدرەی دیالە بە ئاماژە كردن بۆ بواری پەروەردەیی لە ناوچەكە بە گشتی و شاری خانەقین بە تایبەت , دوا بە دوای ئەوە تیشكی خستەسەر ئەو كێشە وكەم و كورتیان لە پارێزگای دیالە رووبەروویان دەبێتەوە , رۆڵی مەڵبەندی خانەقین و یەكە ئیداریەكانی ناوچەكەی بە گرنگ وەسف كرد, كە خۆ نەویستانە دریغیان نەكردووە بۆ برەودان بە بواری پەروەردەیی و پێشخستنی سیستەمی خۆێندن لە ناوچەكە . هاوكات بەلێنی دا بە هاوكاری لایەنە پەیوەندی دارەكان هەوڵەكانی خۆی بخاتە گەر لە پێناو بۆ خزمەتكردنی خانەقین و دەوربەری لە بواری پەروەردەیی دا .

پـــەیـــوەنــدیــدار