کۆمیتەی ڕێکخستنی ئەڵمانیا ماڵئاوایی لەتێکۆشەری دێرین مامۆستا شەریف دەکات

کۆمیتەی ڕێکخستنی ئەڵمانیا ماڵئاوایی لەتێکۆشەری دێرین مامۆستا شەریف دەکات

 

کۆمیتەی ڕێکخستنی ئەڵمانیا بەنیگەرانیەکی زۆرەوە هەواڵی مەرگی ناوادەی هەڤاڵی تێکۆشەر مامۆستا شەریف بەرپرسی پێشوتری ڕێکخستنەکانی کەرتی کۆڵن ڕادەگەیەنێت..

 

بەداخ و نیگەرانیەکی زۆرەوە هەڤاڵ شەریف شێخ محەمەد نانەوا ناسراو بە(مامۆستا شەریف)تێکۆشەری دێرینی کۆمەڵەو یەکێتی نیشتمانی کوردستان شەوی ١٢ی ئاداری ٢٠١٦ لەشاری سلێمانی دڵی گەورە لێدان کەوت.. مامۆستا شەریف لەساڵی ١٩٧٧ پەیوەندی کردووە بەکۆمەڵەی ڕەنجدەرانی کوردستانەوەو لەڕیزەکانی خەباتی نهێنی یەکێتی نیشتمانی کوردستاندا سەرسەختانە،دڵسۆزانە کاری کردووە.لەساڵی ١٩٩٥ وەهاتۆتە ئەڵمانیاو لەهەرێمی نۆردڕاین ڤێستڤاڵلن نیشتەجێ بووە هەرزوو پەیوەندی کردۆتەوە بەرێکخستنەکانی کۆمیتەی ڕێکخستنی ئەڵمانیاوەو بەشداری چالاکیە کوردستانیەکان و دەیان خۆپیشاندان و بۆنە نیشتمانی  و نەتەوەییەکانی کردووە ماوەیەکی زۆر بەرپرسی کەرتی رێکخستنی(کۆڵن)بووەو خەمخۆرانە ،ماندونەناسانە کاریکردووەو خۆشەویستی ناورێکخستنەکان وهەڤاڵان بووە..هەمیشە کەسێکی هێمن ولەسەرخۆو پشودرێژو بەرێز بووە،بەر لە٣ ساڵ بەمۆڵەتی فەرمی کۆمیتەی رێکخستنی ئەڵمانیا گەڕایەوە کوردستان و لەسلێمانی وەک کارگێڕی بەشی کۆمەڵایەتی کاری کردووە،مامۆستا شەریف دۆستی ئەدەب و هونەرو هاوڕێی زۆریک لەنوسەران بوو..بەداخەوە شەوی هەینی لەسەر سێ شەممە بەنەخۆشیەکی کتوپڕ گیانی لەدەستداو هەمومانی غەمبارکرد..جوانەمەرگ مامۆستا شەریف خێزاندارەو خاوەنی سێ مندڵە..کۆمیتەی ڕێکخستنی ئەڵمانیا پرسەو سەرەخۆشی خۆی بەخانەوادەو هاوڕێ و هەڤاڵەکانی ڕادەگەیەنێت وبەشداری خەمیانین بێگومان مامۆستا شەریف هەمیشە وەک هڤاڵ وهاوڕێیەکی خۆشەویست وتێکۆشەری دێرین..یادوبیرەوەری لەناو دڵمانا بەزیندوێتی دەمێنێتەوە.. ڕۆحی شادو گۆڕی پڕ نووربێت..

کۆمیتەی رێکخستنی ئەڵمانیای

یەکێتی نیشتمانی کوردستان

١٢/٣/٢٠١٥

پـــەیـــوەنــدیــدار