هەرێم كەمال ئاغا – پێشوازی ل د. ئاسو فرەیدون پارێزگارێ‌ سلێمانیێ‌ كر

هەرێم كەمال ئاغا – پێشوازی ل د. ئاسو فرەیدون پارێزگارێ‌ سلێمانیێ‌ كر

پارێزگارێ‌ سلێمانیێ‌ رولێ‌ كادرێن مەلبەندێ‌ دهوك بلند بەها كر

دچارچووڤێ‌ سەرەدانا خو دا بو پارێزگەها دهوك و پشكداریكرنێ‌ ل ڤەكرنا زانكویا ئەمریكی، د. ئاسو فرەیدون پارێزگارێ‌ سلێمانیێ‌ سەرەدانا مەلبەندێ‌ دهوك كر و ژلایێ‌ هەرێم كەمال ئاغا ئەندامێ‌ سەركردایەتی و بەرپرسێ‌ مەلبەندێ‌ دهوك پێشوازی لێ‌ هاتە كرن.
ددیدارەكێ‌ دا زێدەبارێ‌ ب خێرهاتنەكا گەرم، هەرێم كەمال ئاغا بەحسێ‌ رەوشا ئیدارەیا پارێزگەها دهوكێ‌ و چەوانیا كارێن مەلبەندێ‌ دهوك كر، و راگەهاند : زێدەباری قەیرانێن سەر ب هەرێما كوردستانێ‌ دا هاتین و زێدەباری سەنگەرەكێ‌ دیرو درێژ ل دژی تیرورستێن داعش، بەلێ‌ ل دەمێ‌ هاتنا پێلێن پەنابەران، خەلكێ‌ دهوكێ‌ و كادرێن ئێكەتیێ‌ ل سنورێ‌ پارێزگەهێ‌ دەرگەهێن خو ب رویێ‌ پەنابەران دا ڤەكر و ب هەمی شیانەكێ‌ هاریكارییا پەنابەرێن دەڤەرا شنگالێ‌ كر، هەروەسا بەرپرسێ‌ مەلبەندی پەسنا كار و رولێ‌ پارێزگارێ‌ سلێمانیێ‌ كر.
ژلایێ‌ خوڤە ژی د. ئاسو فرەیدون پیروزباهیا روژا سەرهلدانا باژێرێ‌ دهوك كر و پەسنا رولێ‌ كادرێن ئێكەتی نیشتمانی كوردستان ل سنورێ‌ مەلبەندێ‌ دهوكی كر و راگەهاند : ئەركێ‌ كارێ‌ كادرێن سنورێ‌ مەلبەندێ‌ دهوك ئەركەكێ‌ گرانە لەورا كارێ‌ وان بو پێشڤەبرنا ئێكەتی نیشتمانی كوردستان ل ڤێ‌ دەڤەرێ‌ بلند بەها دكەین

پـــەیـــوەنــدیــدار