بەوێنە:  یادی ٢٨ ساڵەی کیمیابارانی هەڵەبجەی شەهید لە تەلاری پەرلەمانی سوید بەرزڕاگیرا!

بەوێنە: یادی ٢٨ ساڵەی کیمیابارانی هەڵەبجەی شەهید لە تەلاری پەرلەمانی سوید بەرزڕاگیرا!

ڕاگەیاندنی کۆمیتەی سوید

شوێن / شاری ستۆکهۆڵم

لە تەلاری پەرلەمانی سوید یادی ٢٨ ساڵەی کیمیابارانی هەڵەبجە کرا بە سەرپەرشتی تۆڕی سویدی- کوردی لە پەرلەمانی سوید و بە ئامادە بوونی سەرجەم نوێنەرانی هێزە سیاسیەکانی کوردستانی و ڕەووەندی کوردستانی لە سوید.

دەستپێکی یادەکە لە لایەن پەرلەمانتار خاتوو( ئاننالێنە سوێرینسۆن) کرا ، دواتر ووتاری هەریەك لە نوێنەری حوکومەتی هەرێمی کوردستان بەڕێز شۆڕش قادر و ووتاری باڵوێزخانەی ئێراق لە لایەن بەڕێز بەکر فەتاح باڵوێزی ئێراقی فیدراڵ و ووتاری فیدراسێۆنی کۆمەڵە کوردیەکان لەلایەن خاتوو سەوسەن گۆڤەن و ووتاری کۆمیتەی هاوکاری هێزە سیاسیەکانی کوردستانی لەلایەن بەڕێز سەمیر ساڵح نوێنەری یەکێتی نیشتیمانی کوردستان لە سوید پێشکەش کران.

سەرجەم ووتارەکان ئاماژەیان کرد بە کارەساتی کیمیابارەن کردنی هەڵەبجە و شەهید کردنی ٥٠٠٠ مرۆڤی بێتاوان و وێران کردن و چۆڵکردنی ئەو شارە لە دەرئەنجامی ئەو کارە قێزلێکراوەی کە لەلایەن ڕژێمی دیکتاتۆری بەعسی بەگۆڕاچووی صدام و داودەستەکەی ، هەریەك لە ووتارەکان بە شێوەی جیاواز گوزارشتیان لەو ڕۆژە کارەساتبارە کرد کە دەرهەق بە گەلی کورد و کوردستانیان و هەموو مرۆڤایەتی، هاوکات داوا کرا کە پەرلەمانی سوید هەروەك چۆن یەکەم پەرلەمان لە جیهان ئەم یادە دەکاتەوە هەموو ساڵێ، هاوشێوەش هەموو هەوڵی خۆی بخاتە گڕ بۆ یارمەتی دانی هەڵبجە و هاوکات ڕێگری بکات لە دووبارە نەبوونەوەی کارەساتی جێنۆساید کردن وبەکارهێنانی چەکی کیمیایی لە هەر کونجێکی ئەم دوونیایەدا، ئامادەبووان سوپاسی هەڵووێستی سیاسی و مرۆیی سویدیان کرد کە هەمیشە پێشەنگە لە مرۆڤایەتی و دیموکراتی.

هەر لەهەمان ڕۆژدا بەهەماهەنگی و سەرپەرشتی باڵوێزی ئێراق و نوێنەری حوکومەتی هەرێمی کوردستان ئەم یادە سازکرا و ئەوەی شایانی باسە کە بۆ یەکەم جارە زۆربەی باڵوێزانی ووڵاتان لە سوید ئامادەبن بۆ بەشداربوون بەوەستانی ساتێك بۆ گیانی پاکی شەهیدانی هەڵەبجە وهاوسۆزی و پشتیوانی خۆیان دەربڕی ونەفرەتیان کرد لە جێنۆسایدی گەلان و بەکارهێنانی چەکی کیمیایی و هەموو جۆرە چەکێکی کۆمەڵ کوژ. دواتر بە نوێنەری باڵوێزی لوبنان ووتاری خوێندەوە.

ئەوەی شایانی ئاماژەپێکردن بوو ووتاری بەڕێز باڵوێزی ئێراق سەنگی کاریگەر بوو لە بەر ئەوەی بەڕێزیان یەکن لەو نموونە زیندووەن کە پێشمەرگەیەکی برینداری چەکی کیمیاییە و یەکێکە لە شایدحاڵی زیندووی کارەساتی بەکار‌هێنانی چەکی کیمیاییە لە کوردستان بە دەستی ڕژێمی دیکتاتۆری صدامی.

هاوکات لە ئێوارەی هەمان ڕۆژ بە سەرپەرشتی فیدراسێونی کۆمەڵە کوردستانیەکان ئەم یادە سازکرا لە کلیسای( ئادۆڵف فرێدریک) کە نوێنەری حوکومەتی هەرێمی کوردستان  و وەزیری دەرەوەی سوید (مارگۆت واڵسترێوم) و ڕێژەیەکی زۆری پەرلەمانتاران و سەرۆک حزب و نوێنەرانی هێزە سیاسیەکانی کوردستانی لە سوید و ڕەوەندی کوردستانی ئامادەی بوون .

ووتاری بەشداربووان:

سەوسەن گۆڤەن (  فیدراسێونی کۆمەڵە کوردستانیەکان )

شۆڕش قادر (  نوێنەری حوکومەتی هەرێمی کوردستان )

مارگۆت وۆلستریوم ( وەزیری دەرەوە ) سۆسیال دیموکرات

یان بیۆرکلوند ( سەرۆکی پارتی لیبڕاڵی نوێ )

یوناس خوێستێت (  سەرۆکی پارتی چەپ )

سۆتریس دێلیس ئەندام پەرلەمان ( پارتی مۆدرات )

ئاننالێنا سۆرینسۆن  پەرلەمانتار (سۆسیال دیموکرات ) سەرۆکی تۆڕی سویدی – کوردی لە پەرلەمانی سوید.

ئازاد جگەرخوێن نوێنەری کۆمیتەی هاوکاری هێزە سیاسیەکانی کوردستانی لە سوید.

سەمیر ساڵح نوێنەری پەیووەندیەکانی یەکێتی نیشتیمانی کوردستان لە سوید.

١٥ ١٤ ١٣ ١٢ ١١ ١٠ ٩ ٨ ٧ ٦ ٥ ٤ ٣ ٢ ١

پـــەیـــوەنــدیــدار