کارەکانی دابەشکردن ونوێکردنەوەی سروودی ئەی ڕەقیب ومارشی مەشخەڵان لەئۆرکسترای هەنگاریا کۆتایی هات

کارەکانی دابەشکردن ونوێکردنەوەی سروودی ئەی ڕەقیب ومارشی مەشخەڵان لەئۆرکسترای هەنگاریا کۆتایی هات

 

هونەرمەند ئەنوەر قەرەداغی ئەمجارەیان لەگەڵ ئۆرکسترای بەناوبانگی هەنگاریدا مارشی مەشخەڵان و ئەی ڕەقیب نوێ دەکاتەوە..ئەگەرچی ئەم دووشاکارە لەدوو زەمەنی جیاوازدا دانراوەو ئەی رەقیبی دڵدار کەتێکستە شیعریەکەی شاعیری گەورە دڵدارو ئاوازی شێخ حسێنن بەرزنجی یەو بۆتە سرودی نەتەوەیی کوردو شاکاری مارشی مەشخەڵانیش لەشیعری شاعیری گەورە شێرکۆ بێکەسەو بۆتە مارشی شۆڕشی نوێی گەلەکەمان بەڕابەرایەتی یەکێتی نیشتمانی کوردستان و بووە مارشی هەڵمەتی سەنگەرەکان و بەرخودان و سەداو دەنگێکی زۆری دایەوە هەربۆیە نوێکردنەوەی لەرێگەی  ئۆرکسترایەکی جیهانیەوە مایەی خۆشحاڵیەو ئەو شاکارانە هیندەی تر بە زیندوێتی دەهێڵێتەوە..سەبارەت بەم کارە هونەرمەند ئەنوەر قەرەداغی دەڵێ دوای ئەوەی لەڕێگەی”د.شۆڕش حسێن”بەرپرسی پەیوەندیەکانی یەکێتی نیشتمانی کوردستانەوە لەبۆدابست بەرلەچەند مانگێک ئۆرکسترای(زوگلۆیی سەنت ئیشتڤان فیلهارمیک)ی هەنگاری بۆنوێکردنەوەی هەردوو سروودی ئەی ڕەقیب و مەشخەڵان پەیوەندیم پێوەکرا بڕیارماندا لەگەڵ ئۆرکسترای هەنگاری بەڕابەری(زامبۆرسکی کاڵمان)کە یەکێکە لەڕابەرە دیارەکانی مۆزیکی هەنگاریا ئەو کارە ئەنجام بدەین دوای ئامادەکاریەکی زۆرو دوای ئەوەی کە سکۆڕو پارتەکانی کارەکەم بۆ ناردن ڕۆژی ١٨/٣ی ٢٠١٦خۆشبەختانە توانیامان سەرکەوتوانە کارەکە ئەنجام بدەین..سەبارەت بەکێشەکانی بەردەمی ئەو کارە هونەرمەند ئەنوەرقەرەداغی بەpukmediaی ڕاگەیاند کارەکە زۆر بەباشی و بەجوانی و سەرکەوتوانە ئەنجامدرا بەلام لەبەرئەوەی کێشەی زمانمان هەبوو لەتۆمارکردنی تێکستەکاندا بۆیە بەباشترمان زانی لەسلێمانی دەنگی کۆڕاڵی بخەینە سەر،وتیشی (زامبۆرسکی کاڵمان) ڕابەری ئەو ئۆرکسترا بەتوانایە پێی وتین لەبەر رێزو خۆشەویستیم بۆ گەلی کورد من ماندوبون و بڕی  تێچووی کارەکە دەکەمە دیاری و بێبەرامبەر ئەم کارە ئەنجام ئەدەم.. هونەرمەند ئەنوەر قەرەداغی وتیشی ئەو هەستە جوانە سەرنجی ڕاکێشام و بۆمن بووە جێی ڕێزو پێزانینێکی زۆر و شادمان بووم کەداهێنەرانی وەک(زامبۆرسکی کاڵمان) خۆشەویستیان بۆ گەلەکەم هەبێت.

شیهاب عوسمان/ئەڵمانیا:

پـــەیـــوەنــدیــدار