ئەڵمانیا – شتوتگارت..بەئامادەبوونی هەرێم کەمال ئاغا:  ئەنجومەنی وەزیرانی هەرێمی بادن ڤۆرتبێرگ خەڵاتی زێڕین دەخشێتە دکتۆر میرزا

ئەڵمانیا – شتوتگارت..بەئامادەبوونی هەرێم کەمال ئاغا: ئەنجومەنی وەزیرانی هەرێمی بادن ڤۆرتبێرگ خەڵاتی زێڕین دەخشێتە دکتۆر میرزا

 

بەئامادەبوونی هەرێم کەمال ئاغا ئەندامی سەرکردایەتی وبەرپرسی مەڵبەندی دهۆکی یەکێتی نیشتمانی کوردستان بەهاوڕێیەتی دلێرسەیدە بەرپرسی کۆمیتەی رێکخستنی ئەڵمانیاو هەریەک لە(خالد هەرکی، ليوا خوشی وهەڤاڵ هەوار ئەحمەد)ئەندامی ئەنجومەنی کۆمیتە بەرپرسی کەرتی رێکخستنی شتوتگارد ڕۆژی١٣/٤ی ٢٠١٦ لەبارەگای ئەنجومەنی وەزیرانی هەرێمی”ڤادن ڤۆرتنبێرگ”لەشتوتگارت خەڵاتی”زێڕین”ی ئەنجومەنی وەزیران لەلایەن (پروفيسور هامان) بەخشرایە “دکتۆر میرزا” لەبەرامبەر ئەوخزمەتگوزاریانەی کەپێشکەشی زیاتر لە ١١٠٠ ژن و منداڵ وپیری لێقەوماوی ئێزدی کوردووە..شايانی باسە لەڕێو ڕەسمەکەدا جێگری سەرەک وەزیران سڵاوو رێزی(ڤين فريچ كريچمان)سەرۆک وەزیرانی گەیاندە دکتۆر میرزا.. هەر لەڕێوڕەسمەکەدا چەند كاربه دەستيكی باڵاو وەزاری و ئەندامانی كونسولخانەی ئەمريكيش ئامادەبوون،پێویستە بشوترێ ئەم خەلاته “زێرين”ه بەدەگمەن  دەبەخشرێتە كەسانی بيانی ..شایانی باسە دکتۆر میرزا ساڵانێکە نیشتەجێی باکوری ئەڵمانیایەو لەبواری کاری رێکخراوەیی و مرۆڤایەتی وکارە پسپۆریەکەی خۆیدا خزمەتێکی زۆری مندالان و نەخۆشی کوردستان و عێراقی بەبێ جیاوازی کردووە،تەنانەت ماڵەکەی خۆی خستۆتە خزمەت ئەوکەسانەوەو ئازایانە لەماوەی چەند ساڵی ڕابردودا توانیویەتی چەندین منداڵ بۆچارەسەر بگەیەنێتە ئەڵمانیاو کارێک بکات کەبەبێ بەرامبەر چارەسەریان بۆ بکرێ..دکتۆر میرزا لەنێوەندی ڕێکخراوە خزمەتگوزاریەکان و بواری پسپۆڕی خۆشیدا کەسایەتیەکی ناسراوەو پەیوەندیەکی باشی لەگەڵ سەرۆکی پێشووی ئەڵمانیادا هەبوو..لەدوای کارەساتی شەنگالیش لەکاتی گەیاندنی کۆمەک و یارمەتیدا بۆ ئەولێقەوماوانە لەو فرۆکەیەدا بوو کەکەوتە خوارەوەو بەسەختی برینداربوو..

شیهاب عوسمان- ئەڵمانیا:

فۆتۆ..هەوار ئەحمەد

harem-364x245 13000196_457175924492502_1410502463313391516_n 12994503_1001006316635069_1798637601388593321_n 12985572_1001006356635065_8460309826055712448_n 12963804_457176151159146_422775379978456260_n 12963499_1001006326635068_8168255374269088190_n 12961580_457176271159134_4203989059195740206_n 12472599_457176054492489_4570197883745769082_n 11959999_1001006349968399_6085020888589109711_n

پـــەیـــوەنــدیــدار