عادل نوری: بزوتنەوەیەكی گەورە‌و كاریگەرم بۆ یەكەمجار لەنێو پەرلەمانی عێراقدا دروست كرد

عادل نوری: بزوتنەوەیەكی گەورە‌و كاریگەرم بۆ یەكەمجار لەنێو پەرلەمانی عێراقدا دروست كرد

عادل نوری ئەندامی پەرلەمانی عێراق لەراگەیەندراوێكدا ئەندامێتی خۆی لەفراكسیۆنی یەكگرتو هەڵپەسارد‌و رایگەیاند “بەردەوام دەبم لەراوە گەندەڵی”.
ئەمڕۆ (یەكشەممە) عادل نوری ئەندامی پەرلەمانی عێراق رونكردنەوەیەكی بڵاوكردەوە‌و رایگەیاند “ئەندامیەتی خۆم لەفراكسیۆنی یەكگرتو هەڵدەپەسێرم
هەروەها رایدەگەیەنێت “دوای ئەوەی بزوتنەوەیەكی گەورە‌و كاریگەرم بۆ یەكەمجار لەنێو پەرلەمانی عێراقدا دروست كرد، كە هەمو پڕۆسە سیاسیە گەندەڵەكەی هەژاند‌و گەندەڵكاران لەهەمو لایەكەوە هاواریان لێهەستا‌و لەعێراق‌و لەكوردستانیش فشارێكی زۆریان بۆ سەر یەكگرتووە ئازیزەكەم (كە خۆم ئەندامی دامەزرێنەریم) و بە شەونخونی و فیداكاری و گیانبازی 37 ساڵە خزمەتی دەكەم و هەرگیز ئامادە نیم دوچاری هیچ قەیرانیك ببێت”.
لەرونكردنەوەكەدا عادل نوری دەڵێ‌ “بەردەوام دەبم لەراوە گەندەڵی‌و داكۆكیكردن لەمافی خاك‌و خەڵكەكەم، بەڵام لەپێناو یەكگرتوی ئازیزدا ئەندامێتی خۆم لەفراكسیۆنەكەم هەڵدەپەسێرم‌و من هەر ئەندامیكی دڵسۆز‌و خەمخۆر و كۆڵنەدەری یەكگرتوم، چونكە خۆم بەخاوەنی دەزانم”.

س:ئاوێنە

پـــەیـــوەنــدیــدار