بیروزباهیا مەلبەندی دهوك ب  بوونەی هاتنی جەزژنی ئێزدیان جوار شەمبوویا  سوور

بیروزباهیا مەلبەندی دهوك ب بوونەی هاتنی جەزژنی ئێزدیان جوار شەمبوویا سوور

ب هەلكەفتا هاتنا جەژنا سەرێ‌ سالێ‌ ( چارشەمبووا سۆر) ئەم وەكو مەلبەندێ‌ 4ێ‌ رێكخستنا دهوك یێ‌ ئێكەتی نیشتمانی كوردستان، گەرمترین و جوانترین پیروزباهییان ئاراستەی میر تەحسین بەگ و بابێ‌ شێخ و تەڤ جڤاتا رۆحانیان و هەمی ئێزدیان ل كوردستانێ‌ و عیراقێ‌ و جیهانێ‌ دكەین، هیڤیخوازین ئەڤ جەژنە و هەمی جەژن ب خێر و خوشی و تەناهی ب سەر مللەتێ‌ مە دا بهێن و ئەڤ جەژنە ژی ببیتە هێمایێ‌ ئاشتی و سەقامگیری و بنبركرنا تیرورێ‌ ل سەرانسەری ولاتی، بێگومان ئێكەتی نیشتمانی كوردستان چەوا د بستانا پێگەهاندنا گەرناس و قەهرەمانا و مەشخەلا شورەشێ‌ بوو دژی ستەم و زورێ‌ و دیكتاتوریەتێ‌، هۆسان هەولدایە كوردستانێ‌ بكەتە چەپكە گولەكا رەنگین، هەردەم داكوكیكەر و پارێزەرا مافێن هەمی پێكهاتێن كوردستانێ‌ بوویە و مێژوویا پرە ژ نموونەیێن ڤێ‌ چەندێ‌.
دڤێ‌ روژا پیروز دا دووپات دكەین كو ئێكەتی نیشتمانی كوردستان سەرەرای كۆسپ و تەگەرە و پلان و پیلانا و رەوشا نالەبار، یا رژدە ل سەر رێبازا خویا پیروز، رێبازا سەروك مام جەلال، دڤی بیاڤیدا ب هەمی هەول و شیان و رێك و هۆیا دێ‌ بزاڤێ‌ كەت ژ بو رزگاركرنا تەمام یا ئاخا شنگالێ‌ و هەمی دەڤەرێن دی یێن كوردستانێ‌ و ئازادكرنا ژن و كەچێن ئێزدی، ژ گروپا تیرورستی یا داعش، بەردەوام خەباتێ‌ ی دێ‌ كەت بۆ خورتكرنا گیانێ‌ لێبورین و پێكڤە ژیانێ‌ و چەسپاندنا بنەمایێن دیموكراسیەتێ‌ ل عیراقێ‌ و كوردستانێ‌ داكو ل بن سیبەرا حكومرانیەكا راست و رەوا و دادپەروەر، هەمی ئۆل و ئایین و نەتەوە ب مافێن خو یێن رەوا شادببن.
دووبارە جەژنا هەوە پیروز.
مەلبەندێ‌ 4ێ‌ رێكخستنا دهوك

پـــەیـــوەنــدیــدار