مەڵبەندی رێكخستنی 8ی خانەقین: خاتوو وەسفیە هەمیشە  خەمخۆری كەسوكاری شەهیدان بوو

مەڵبەندی رێكخستنی 8ی خانەقین: خاتوو وەسفیە هەمیشە خەمخۆری كەسوكاری شەهیدان بوو

 

كۆمەڵانی خەڵكی كوردستان
كەسوكاری سەربەرزی شەهیدان
خەڵكی قارەمان و خۆڕاگری گەرمیان و گەرمەسێر

بەداخ و پەژارەیەكی زۆرەوە، مەڵبەندی 8ی رێكخستنی خانەقینی یەكێتیی نیشتمانیی كوردستان ، هەواڵی كۆچی دوایی یەكێكی تر لە هەڤاڵە تیكۆشەرو ماندوونەناسەكانی گەرمیان و گەرمەسێرتان پێرادەگەیەنێت ، ئەویش كۆچی ناوادەی پێشمەرگەی شاخ و شارو خەمخۆری هەمیشەی كەسوكاری سەربەرزی شەهیدان وەسیفیە بەنی وەیسی ئەندامی ئەنجومەنی سەركردایەتی و بەرپرسی مەكتەبی شەهیدانی یەكێتیی نیشتمانی كوردستانە، كە شەوی 25-4-2016 لەرێگەی نێوان سلێمانی – دەربەندیخان بەرووداوێكی هاتوچۆ گیانی لەدەستداوەو گەیشتە كاروانی نەمرانی شۆڕشی نوێی گەلەكەمان .

هەڤاڵ وەسفیە بەنی وەیس هەر لەسەرەتای لاویەتی خۆیەوە ژیانی خۆی بۆ تێكۆشانی بێ وچان و كاری سیاسی و رێكخراوەی لەپێناو گەلەكەی دەستپێكردوەو لەسەرەتای دامەزراندنی یەكێتی نیشتمانی كوردستانەوە لەریزەكانی كۆمەڵەی رەنجدەراندا دەستبەكاربووەو رۆڵی گەورەو كاریگەری گێڕاوە لە خەباتی سیاسی ژنان و هاندانیان بۆ بەشداری لەخەباتی سیاسی و رێكخراوەی ، وەك چۆن خۆی لەگۆنگرەی سێی یەكێتیدا تاوەكو پلەی سەركردایەتی یەكێتیی هەنگاوی ناو تا ئەو كاتەی گیانیسپارد دڵسۆزانە ئەركەكانی جێبەجێكدەكردو پەرۆشی سەرخستنی یەكێتیی و خەمخۆری هەمیشەی كەسوكاری شەهیدان بوو ، بەتایبەت بەردەوام چاوی بەكەسوكاری شەهیدانی بەڕەنگاربوونەوەی تیرۆرستانی داعشدا هەبوو ، وە رۆڵی پێشەنگی گێراوە.

بە بۆنەی ئەم كۆستە گەورەیەوە مەڵبەندی 8ی رێكخستنی خانەقینی یەكێتیی نیشتمانی كوردستان ، بەناوی هەڤاڵان و تێكۆشەرانی ریزەكانی یەكێتیی لەسنوری گەرمەسێر سەرەخۆشی لە هەڤاڵ عەلی شامار هاوسەرو هاوڕێی ژیانی و خەباتی دەكات ، كە لەو كارەساتەدا لەگەڵ نەقیب رێبواری كوڕی برینداربوون ، و بەهیواین هەرچی زووە چاكببنەوەو خەمەكانیان بڕوێتەوە .

لەكۆتاییدا خەبانی زیاتر لە 41 ساڵی هەڤاڵ وەسفیە بەنی وەیس هەمیشە لەیادو یادەوەریماندا دەمێنێتەوەو ، دەیكەین بەئەزمونێك بۆ خزمەتكردنی زیاتر بەكەسوكاری شەهیدان و خەڵكی ستەمدیدەی گەرمەسێرو كوردستان .

نەمری بۆ ژنە تێكۆشەرو ماندونەناسی گەلەكەمان و رێبازە پیرۆزەكەی مام جەلال وەسفیەخان و بۆ گشت شەهیدانی رێبازی كەم ژیان و كەڵ ژیان .

یادت هەمیشە لە دیدگای بیرەوەری و لە خەزێنەی وەرگرتنی ئەزمونەكانتدا دەمێنێتەوە، بەهەشتی بەرین جێگەی حەوانەوەی یەكجارەكیتان بێت

مەڵبەندی 8ی رێكخستنی خانەقینی یەكێتیی نیشتمانیی كوردستان
26-4-2016

پـــەیـــوەنــدیــدار