بـــەپــەلــە
بە وێنە: بەسەرپەرشتی کۆمیتەی رێکخستنی ئەڵمانیا کۆنفرەنسی میونشن بەرێوەچوو

بە وێنە: بەسەرپەرشتی کۆمیتەی رێکخستنی ئەڵمانیا کۆنفرەنسی میونشن بەرێوەچوو

کۆمیتەی رێکخستنی ئەڵمانیا ڕێکخستنەکانی”میونشن”بەسەر دەکاتەوەو سەرپەرشتی کۆنفرەنسی نوێ بوونەوە دەکات و لەدەنگدانێکی ئازادیشدا هەڵبژاردن بۆ بەرپرس و دەستەیەکی کارگێڕی نوێ دەکات.

لەسەر بنەمای گەشەپێدانی رێکخستنەکان و نوێبوونەوەو هەڵسەنگاندنی کاروچالاکیەکان ولەچوارچێوەی پرۆسەی کۆنفرەنسی کەرتەکاندا ڕۆژی ٢٤/٤ی ٢٠١٦ بەسەرپەرشتی هەڤاڵان دلێرسەیدە بەرپرسی کۆمیتەی رێکخستنی ئەڵمانیاو کامەران هەلەبجەیی کارگێڕی بەشی رێکخستن،کەرتی رێکخستنی “میونشن” سەرکەوتوانە  کۆنفرەنسی خۆی بەست ولەپرۆسەیەکی دەنگدانی ئازادا بەرپرس ودەستەیەکی نوێی کارگێڕی هەڵبژارد..دوای رێزلێنان لەشەهیدانی رێگای ڕزگاری نیشتمانی کوردستان کارەکانی کۆنفرەنس بەڕاپۆرتی گشتی میونشن هەڤاڵ حەمە شوان بەرپرسی پێشوی کەرت خوێندرایەوەو تیایدا هەڵوەستەی لەسەر کاروچالاکیەکانی دووساڵی ڕابردوی کەرتەکەکردوو وردەکاریەکانی خستەڕوو..دواتر هەڤاڵ ئامانج محەمەد ڕاپۆرتی دارایی بەداتا خوێندەوەو دوای ئەوەی هەردوو ڕاپۆرتەکەش خرایە دەنگدانەوە بەکۆی دەنگ پەسەندکراو دەستخۆشی لەکارو چالاکیەکانی ماوەی ڕابردووی کەرتەکەکرا..دواترهەڤاڵ دلێرسەیدە بەرپرسی کۆمیتەی رێکخستنی ئەڵمانیا وتارێکی پێشکەش کردوو لەوتارەکەیدا هەڵوەستەی لەسەر پرسەکانی کوردستان و قەیرانی سیاسی و دارایی وپەرلەمان وڕۆڵی یەکێتی وهەوڵەکانی بۆچارەسەری ئەوقەیران وکێشانەی کوردستان کرد..لەقسەکانیدا خوێندنەوەی بۆسەرهەڵدان وقوڵبونەوەی قەیرانەکانی هەرێم کردوو بەستیەوە بەکۆتایی هاتنی وادەی سەرۆکایەتی هەرێم و دواتر پەکخستنی پەرلەمان و ناردنەوەی وەزیرەکانی گۆڕان بۆماڵەوە.. لەم بارەیەوە وتی(ی.ن.ک)لەسۆنگەی پەرۆشی وهەستکردن بە بەرپرسیارێتیەوە بەتایبەتی لەساتەوەختەکانی ئێستادا کەگەلەکەمان ڕووبەڕووی شەرێکی نەخوازراوی مەترسیداری داعش بۆتەوە بۆیە هەلوێستی یەکێتی هەلوێستێکی جوامێرانەیەو دان بەخۆداگرتن و چرکردنەوەی هەوڵەکانی لەوەوە سەرچاوەی گرتووە کەخۆمان بەپارێزەری دەستکەوت وئازادیەکان دەزانین چونکە یەکێتی مژدەبەخشی ئایندەی دیموکراسیەو ڕۆژگاریش دەریخست پێگەو متمانەی بەکورسی نیەو لەمەیدانی کارو خەبات و قوربانیداندا بەخوێن ئەو ڕاستیانەی سەلماندووە هەربۆیە لەهەوڵی چارەسەرکردنی قەیرانەکاندایەو دواتریش هەردەبێ ئیرادەی خۆڕاگری ببێتە مژدەبەخشی چارەسەری کێشەکان.. لەبەشێکی تری قسەکانیدا ئاماژەی بەهەلومەرجی نوێ و ئەگەرو پێشهاتەکان کردوو وتی کەمتر لە مانگێکی ماوە کەڕێکەوتننامەی سایکس پیکۆ کۆتایی پێبێت و ئەگەری دیزاین و داڕشتنەوەی نەخشەی ناوچەکە لەگۆڕێدایە بۆیە دەبێ پرسیاربکەین بزانین کوردو سەرکردایەتی کورد تاچەند خۆی بۆ ئەوئەگەرانە ئامادەکردووەو لەم بارەیەوە گومانی کردوو وتی بۆهەر ئەگەرێکی لەو جۆرە بەشەری داعش و داهاتوشمان لەگەڵ عێراق ئەگەر ناوماڵی کورد یەک نەخەین دەبێ نەک بەتەمای هیچ نەبین بگرە گەورەترین دەرفەتی مێژووییش لەدەست دەدەین کەکورد بۆسەدان ساڵی ژێردەستی دەگەرێنیتەوە..!لەکاتێکدا کەدەزانین دوژمنەکانمان داگیرکەرانی کوردستان،بەرژەوەندیەکانی ناوچەکە چۆن کار لەسەر ئەم پرسە دەکەن بۆیە ناکرێ لەناو خۆماندا پەرت پەرت بین وپەرلەمانمان بچێتەوە مالەوە هەر بۆیە دەبێ دەنگ بەرزکەینەوە بەسەرکردەکانی کورد بڵێین شەرم لەشەهیدان بکەن و با ناوماڵی کوردو حزبەکانمان یەک خەینەوەو  ململانێ و ناکۆکیەکان بنێینە لاوە..سەبارەت بەرەوشی ناوخۆی یەکێتی دلێرسەیدە ڕونیکردەوە ڕاستە ململانێ و ناکۆکی لەناو ماڵی یەکێتی دا هەیە بەلام یەکێتی خاوەنی بنکەی جەماوەری و حزبی خۆیەتی و ڕێکخستنەکانی پۆلاینە هەربۆیە خۆڕاگربووە دەنا هەرحزبێکی تربوایە لەت و پەت دەبوو دەبێ نەیارانی یەکێتی بەو داخەوە سەربنێنەوە کەڕیزەکانی یەکێتی بترازێ ڕاستە ململانێ هەیە بەلام لەتەنگانەدا هەموومان دەنوکێکین و یەکین وتیشی سەبارەت بەچارەسەری ئەوکێشانەش هەنگاوی باش نراوەو هەنگاویش بەردەوام دەبێ..سەبارەت بەڕەوشی گەشەکردنی رێکخستنەکانیش لەئەڵمانیا بەرپرسی کۆمیتە ڕایگەیاند ڕێکخستنەکان لەگەشەکردنی بەردەوامدان پێشتر لەئەلمانیا ١٥ کەرت هەبووە ئێستە ٢٨ کەرت بوونی هەیە ئەمەش بەڵگەی ئەو گەشەکردنەیەو وەک کۆمیتەش پەیوەندیەکی باشی کوردستانی وعەرەبی وئەڵمانیمان هەیەو بەپێی پرسەنسیپەکانی ناوەندی دەرەوە  بایەخمان بەگەنجان و ژنان داوەو بەردەوامیش دەبین سکالای لەوەشکرد کە قەیرانی دارایی کۆمیتەکانی دەرەوەشی گرتۆتەوە لەگەل ئەوەشدا کاروچالاکیەکان ڕانەوەستاوە..لەکۆتایی قسەکانیدا سەبارەت بەپرسەنسیپە حزبیەکان قسەیکردوو نمونەشی بەوە هێنایەوە سەرکردەکانی یەکێتی بۆ کۆمیتەی ئەلمانیا هەموو جێگەی ڕێزن بەلام بەپێی ڕێنمایی مەکتەبی ڕێکخستن هەر بەڕێزێک کەبیەوێ لەدەرەوە چالاکی بکات و کۆمیتە هاوکاری بێت دەبێ مەکتەبی ڕیکخستن یان ناوەندی دەرەوە بەڕەسمی ئاگادارمان بکات ئەمەش هیچ کەم ناکاتەوە لەڕێزو ئیلتزاماتی ئەخلاقیمان بەرامبەر بەهەر هەڤاڵێک وئامادەشین هەرکارێک بەئێمە بکرێ لەوچوارچێوەیەدا هاوکاریان بین..بەدوایدا هەڤال کامەران هەلەبجەیی کارگێڕی بەشی رێکخستن  وێڕای چێککردنی ناوی بەشداربوان وخوێندنەوەی بڕیاری خۆکاندیدکردن و دەنگدانی هەڤاڵان لەوتەیەکی کورتدا وێڕای خستنە بەرچاوی ڕێنماییەکان ڕونیکردەوە کۆنفرەنسی کەرتەکان تەنیا بۆکەرتێکی دیاریکراوو نیەو پرۆسەیەکە تێکڕای ئەو کەرتانە دەگرێتەوە ک وادەی خۆیان تەواوکردووەو بەپێی دەرفەت و لەبەر ڕۆشنایی بەرنامەی کۆمیتەو بەشی رێکخستن دا کۆنفرەنسی بۆ دەکەین ڕاشیگەیاند بەستنی کۆنفرەنس لەبەر ڕۆشنایی پەیڕەوو پرۆگرام و دیسپلینی ڕێکخراوەییماندایەو بەیەک چاویش سەیری هەڤاڵان دەکەین وزەمینە خۆش دەکەین بۆهاتنە پێشەوەی هەموو تواناکان لەپێناوی گەشەپێدانی رێکخستنەکان..لەکۆنفرەنسەکەدا چەندین گفتگۆ و پێشنیارو ڕاو سەرنج خرایەڕوو لەوانە چەند هەڤاڵێک بەتوندی ڕەخنەیان لەمەکتەبی سیاسی گرت و گلیەیی ئەوەیان لێکرا کەبۆ بەوهەموو مێژووە پڕسەروەریەوە یەکێتی دەخەنە ژێرپرسیارەوەو بۆ کۆتایی بەو ململانێیانە ناهێنن هەربۆیە لەکۆنفرەنسەکەدا بەرپرسی کۆمیتە بەناوی تێکڕای هەڤاڵانەوە دەنگی خۆی خستە پال دەنگی ئەوهەڤاڵانەو پێیشی وابوو کەتاسەر ئەندامان ناتوانن بێدەنگی هەڵبژێرن و باسی لەوەکرد مامی مەزن سەرباری نەخۆشی و ڕەوشی تەندروسی بەلام وەک چەترو سونبولێک ماوەتەوە کە مادام خۆمان بەخوێندکاری بەرێزی دەزانین شەرم لەوە بکەین ڕێز لەچەپکە گولەکە بگرین و نەهێڵین بژاکێ..چونکە ئێستا نەک تەنیا یەکێتی وکورد بگرە عەرەب و تورکمان و نەتەوەکانی ترو ولاتانی ناوچەکەو دنیاش شانازی بەمامی مەزنەوە دەکەن و کەسایەتی مام بۆ ئێستاو ئایندەی یەکێتی گەوهەری تێکۆشان و میژوومانەو جێی شانازیمانە..لەکۆنفرەنسەکەدا هەڤاڵان بەڕۆحیەتێکی بەرزو هەستکردن بەئەرکو لێپرسراوی زەمینەی سەرکەوتنی کارەکانیان خۆش کردوو نمونەیەکی جوانیان لەتەبایی و یەکریزی بەرجەستەکرد.

*لەدوابڕگەی کۆنفرەنسەکەدا چەند هەڤاڵێک خۆیان کاندیدکرد دوای دەنگدانێکی ئازادو دیموکراسیانە ئەم هەڤاڵانە  بەدەستەی نوێی کارگێڕی کەرتی”میونشن”هەلبژیردران.

*ئاوات مۆریاسی (بەرپرسی کەرتی میونش)

*حەمە شوان،شەمال بابان،مام تەها کەرکوکی،ئەیوب خلیل، ئامانج ڕەحیم بە(ستافی کەرت)

 

ڕاگەیاندنی کۆمیتەی ئەڵمانیا:

DSC03239 DSC03238 DSC03237 DSC03235 DSC03233 DSC03231 DSC03228 DSC03224 DSC03220 DSC03219 DSC03217 DSC03216 DSC03215 DSC03214 DSC03213 DSC03212 DSC03211 DSC03210

پـــەیـــوەنــدیــدار