عادل موراد روونکردنەوەیەک بۆ رای گشتی بڵاو دەکاتەوە

عادل موراد روونکردنەوەیەک بۆ رای گشتی بڵاو دەکاتەوە

 

 

 ماوەیەکە چەندین لاپەڕەی ساختە لەتۆڕی کۆمەڵایەتی فەیسبووک بەناوی منەوە کراونەتەوە بابەتی جۆراو جۆر سەبارەت بە پرسە گرنگەکانی هەرێم و عیراق بڵاو دەکەنەوە هەروەک پێشتریش چەندین جار رونکردنەوەم لەوبارەوە داوە و کە ئەو پەیج و ئەکاونتانە دوور و نزیک هیچ پەوەندییەکی بە منەوە نیە ، مەبەستەکەیش زۆر رون و ئاشکرایە و  بە بەرنامە وپیلانی داڕێژراو کار دەکەن بۆ ناو زڕاندنم لەرێی منیشەوە بۆ سەر یەکێتی نیشتیمانی کوردستان ، ئەوبابەتانەی لەچەند روژی رابردو لەفەیسبوکێکی ساختەوە بە هەمان ناوی پەیجە تایبەتەکەمەوە بابەتیان لەسەر بەبارودۆخی شاری دوزخورماتوی خۆڕاگڕ بڵاوکردوەتەوە .

 

 لێرەوە بەپێویستی دەزانم بۆ هەموو لاییەکی روون بکەمەوە کە هیچ هێزێک جگە لەهێزی پێشمەرگە بەپیرۆز نازنم و دڵۆپێک لەخوێنی شەهیدێک زۆر لەلام پیرۆز ترە لەهەموو بەرژەوەندییەک یان ئینتماییەکی لاوەکی ، هەمیشە و هەموو کاتێک هەڵوێستەکانم لەپێناو پاراستنی بەژەوەندییە باڵاکانی گەلەکەم بووە، شانازییش دەکەم کەیەکەم مەفرەزەی پارتی زانی چەکدار هێزی پێشمەرگەی (ی ن ک ) کە بەفەرماندەیی شەهیدی ئەندازیار ئیبراهیم عەزۆ لە ( 1-6-1976) کە هاتنە خاکی کوردستان  بەرەو ناوچەکانی بادینان لەکەڵ 37 پێشمەرکەی تری هاوڕێی، بەپلان و بەرنامەی هەڤاڵ (مام جلال) وکاک (نەوشیروان مستەفا ) و بەندە و عبد الرزاق عزیز فەیلی بوو، کە ئێمە خاوەنی ئەو مێژووە پڕ سەروەرییە بین چۆن دوای چل ساڵ لەخەباتی بێ وچان قسەیەک یان لێدوانێک بە ناوی منەوە بڵاو بکرێتەوە بۆ لەکەدار کردنی متمانەمان بەهێزی پێشمەرگەی کوردستان، کە هەمیشە لەپێشەوەی بەرەی جەنگەوەن و سنگی خۆیان کردوە بە قەڵغان بۆ پاراستنی خاک و خەڵکی کوردستان .

لێرەوە بەگرنگی دەزانم بۆ رای گشتی روون بکەمەوە کە ئەو پەیج و ئەکاونتانە دوور و نزیک هیچ پەیوەندیەکی بەمنەوە نیە و بەوانەش دەڵێم کەدەیانەوێت بێ متمانەیی و دڵەراوکێ بخەنە ناو دڵی خەڵکەوە بەبڵاو کردنی هەواڵی بێ بنەما و چەواشەکار، خەیاڵیان خاوە و ئەو کارانە لە مایەپوچی و ئیفلاسبونی سیاسی و ئەخلاقیانە و دەیانەوێت شکستی خۆیان بەم جۆرە هەواڵە چەواشەکارییانە لەبیری خەڵک بەرنەوە ، بەڵام خۆشبەختانە خەڵک وشیارە و هەموو راستیەکان بە چاوی خۆیان بینیوە و دەبینن و وەک پەنەدە کوردییەکە دەڵێت”بەری خۆر بە بێژنگ ناگرێت” 

لەکۆتاییدا دووپاتی دەکەمەوە کە هەر لێدوان و بۆچونێکم هەبێت لە لاپەرەی تایبەتی خۆم لە فەیسبووک یان لە سایتی فەرمی ئەنجومەنی ناوەندی بڵاوی دەکەمەوە، جگە لەوە هەر هەواڵ و لێدوانێک یاخود نوسێنێک پەیوەندی بەمنەوە نیە.

 

ئەمەش لینکی سایتی ئەنجومەنی ناوەندی و  بەیجەمەکە لە فەیسبوک

www.PUKcc.net

https://www.facebook.com/AdelMuradOfficial/?fref=ts

 

براتان

عادل موراد

27- 4-2016

پـــەیـــوەنــدیــدار