کۆمیتەی رێکخستنی ئەڵمانیا:  ڕێکەوتنی سیاسی نێوان (ی.ن.ک)و (گۆڕان) بەرز دەنرخێنێ

کۆمیتەی رێکخستنی ئەڵمانیا: ڕێکەوتنی سیاسی نێوان (ی.ن.ک)و (گۆڕان) بەرز دەنرخێنێ

 

بەمەبەستی تاوتوێکردنی پرسەکانی ڕێکخستن وهەڵسەنگاندنی کاروچالاکیەکان وبەرنامەو کاری داهاتوو ڕۆژی ٤/٧/٢٠١٦ کۆمیتەی ڕێکخستنی ئەڵمانیا بەئامادەبونی هەڤاڵ دلێرسەیدە بەرپرسی کۆمیتەو کارگێڕان وبەرپرسی بەشەکان لەبارەگای کۆمیتە لەنزیک فرانکفۆرت کۆبوونەوە..دوای رێزلێنان لەگیانی پاکی شەهیدان و ڕێزگرتن لەپێشمەرگە قارەمانەکانی شەری ڕوبەڕووبونەوەی تیرۆریستان بەرنامەی کاری کۆبونەوەکە خرایەڕوو..سەرەتا بەرپرسی کۆمیتەی ئەڵمانیا ئامانجی کۆبونەوەکەی شیکردەوەو ئاماژەی بەتەوەرەکانیداو هیوای خواست شیکاری وخوێندنەوەی پێویست بۆپرسەکانی ڕێکخستن وهەنگاوی داهاتووی گەشەسەندنی هەریەکێک لەبەشەکان بکرێ..پێشی وابوو  دەکرێ لەبەر ڕۆشنایی هەلومەرجی نوێ بەتایبەتی دوای رێکەوتنی سیاسی نێوان یەکێتی نیشتمانی کوردستان و بزوتنەوەی گۆڕان لەکارەکانمانا بەئارستەی یەکڕیزی و بەدیهێنانی ئامانجە سیاسی و ستراتیژیەکانی ئەورێکەوتنە کاربکەین..پاشان هەریەک لەبەشەکانی ڕێکخستن وچاودێری وبەدواداچوون و ڕاگەیاندن وکۆمەڵایەتی وئیدارەو دارایی ڕاپۆرتی خۆیان خوێندەوەو ڕاشکاوانە وێڕای پیرۆزبایی لەڕێکەوتنی سیاسی نێوان یەکێتی وگۆڕان هەڵسەنگاندنیان بۆکارەکانی ڕابردو کردو ئاستەنگ وگرفتەکانیشیان خستەبەرچاو وجەختیش لەوە کرایەوە کەدەبێ ڕێکخستنەکان کاراتر بکرێن ولەلایەن کۆمیتەوە بەسەر بکرێنەوەو پرەنسیپەکانی رێکخستن وئیلتزام بکرێتە بنەمای پەیوەندی ئۆرگانیکی نێوان کۆمیتەو رێکخستنەکان..لەکۆبونەوەکەدا دەستنیشانی چەندین خاڵی گرنگ لەسەرنج وتێبینی وشیوازی کاری داهاتوو ڕێوشوێنەکانی کراو هەریەک لەکامەران هەلەبجەیی بەرپرسی رێکخستن وسدیق کرژەیی بەرپرسی چاودێری وبەدواداچوون وسیامەند هاریکی بەرپرسی بەشی ڕاگەیاندن و سەروەر ئیسماعیل بەرپرسی بەشی ئامارو هەڵبژاردن وکوێستان بەرپرسی بەشی کۆمەڵایەتی ڕاوبۆچون وپێشنیارو ڕەخنەو بۆچونەکانی خۆیان خستەبەرچاو..دواتر لەبەر ڕۆشنایی ڕاپۆرتەکاندا پێشنیارو بڕیارو بۆچونەکانی کۆمیتە گەڵاڵەکراو رێوشوێنی پێویست دەستنیشان کراو بڕیاری لێوەدرا..

ڕاگەیاندنی کۆمیتەی ڕێکخستنی ئەڵمانیا:

13393153_1194798477209848_1053922733_n 13384656_1051356811624599_1062885052_n 13348818_1051356788291268_1888893935_n

پـــەیـــوەنــدیــدار