بـــەپــەلــە
ئەڵمانیا- میونشن:  بەدروشمی “هه موومان بۆ یەکێتی و یەکێتیش بۆهەمووان یادی ٤١ ساڵەی یەکێتی کرایەوە

ئەڵمانیا- میونشن: بەدروشمی “هه موومان بۆ یەکێتی و یەکێتیش بۆهەمووان یادی ٤١ ساڵەی یەکێتی کرایەوە

 

بەدروشمی “هه موومان بۆ یەکێتی و یەکێتیش بۆهەمووان!”لەمیونشنی ئەڵمانیا ساڵیادی ٤١ ساڵەی دامەزراندنی یەکێتی نیشتمانی کوردستان و ٤٠ ساڵەی هەڵگیرساندنەوەی شۆڕشی نوێ بەرز ڕاگیراو کەسوکاری شەهیدانیش بەسەرکرانەوە..

ڕۆژی ٤/٦/٢٠١٦ کەرتی ڕێکخستنی میونشنی ئەڵمانیا بەئامادەبوونی نوێنەرانی بزوتنەوەی گۆڕان و حزبی شوێعی و ژمارەیەک لەهەڤاڵان و کەسوکاری شەهیدان یادی ٤١ ساڵەی دامەزراندنی(ی.ن.ک)و ٤٠ ساڵەی هەڵگیرساندنەوەی شۆڕشی نوێ کرایەوە..دوای ڕێزلێنان لەگیانی پاکی شەهیدانی ڕێگای ڕزگاری نیشتمانی کوردستان و شەری ڕوبەڕوبونەوەی داعش هەڤاڵ شەمال بابان هەلوێست و وێستگەکانی بەسەر کردەوەو ژیانی سیاسی و ڕێکەوتننامەی سیاسی نێوان یەکێتی و گۆڕانی بەرزنرخاند دواتر مۆمی ٤١ ساڵەی تەمەنی پڕ ئەزمونی یەکێتی داگیرسێندرا..بەدوایدا هەڤاڵ ئاوات مۆریاسی بەرپرسی کەرتی ڕێکخستنی میونشن وتاری کۆمیتەی رێکخستننی ئەڵمانیای خوێندەوەو وێڕای ڕیزلێنان لەشەهیدانی کوردستان وشەری داعش سلاوی نارد بۆ ئەو پێشمەرگە قارەمانانەی کەلەسەنگەری شەرەف و سەربەرزیدا پارێزگاری لەدەستکەوتەکانی ڕاپەڕین و سەرو ماڵی خەڵکی دەکەن .. سلاوی نارد بۆمامی مەزن مام جەلال ڕابەری بزوتنەوەی ڕزگاریخوازانەی کوردو ئەو هەڤاڵانەی کەیەکێتیان لەسەخترین هەلومەرجی ناهەمواری پڕ نائومێدیدا دامەزراندو تەرازووی هێزیان بەقازانجی کورد گۆڕی و شانیان دایەبەر باری گلاوو شکستخواردووی ئەو سەردەمەو نائومێدیان بەئومێدو سەرکەوتن گۆڕی.. لە وتارەکەی کۆمیتەدا ئاماژە بەهەلوێستە کوردستانی ونیشتمانیەکانی یەکێتی کراو وێستگەکانی پڕشانازی یەکێتی ویەکێتی بوون تیشکی خرایەسەر.. لەبەشێکی تری وتارەکەی کۆمیتەدا ڕێکەوتنی سیاسی نێوان یەکێتی وگۆڕان بە وەرچەرخان وپێداویستی ئەم قۆناغە چەق بەستووە وەسفکراو پشتگیری رێکخستنەکانی یەکێتی لەئەڵمانیا بۆ ئەو رێکەوتنە دوپاتکرایەوەو جەخت لەسەر جێبەجێکردنی بڕگەکانی کرایەوە..بەئومێدی گۆڕینی سیستەمی ئیداری و سیاسی و حوکمڕانی لەکوردستانداو کۆتایی هێنان بەقەیرانی بودجەو گەڕانەوەی سەروەری یاسا لەکوردستاندا.لەبەشیکی تری ئەم مەراسیمەدا کەرتی ریکخستنی میونشن لۆگۆی یەکێتی دابەشکرد بەسەر بەشداربوان و ڕێز لەژمارەیەک لەکەسوکاری سەربەرزی شەهیدان نرا..دواتر چالاکوان کاروان سەلام بەناوی بزوتنەوەی گۆڕانەوە پیرۆزبایی لەساڵیادی یەکێتی کردو ڕێکەوتنی سیاسی نێوان گۆڕان و یەکێتیشی بەهەنگاوێکی گرنگ و پڕ بایەخ وەسفکرد..هەرلەیادەکەدا شیرینی ئەو یادە خورایەوەو لەلایەن بەشداربوانەوە دەستخۆشی لەکەرتی ڕێکخستنی میونش کراو دامەزراندنی یەکێتی بەڕوداوێکی گرنگ و مێژوویی وەسفکرا

ڕاگەیاندنی کۆمیتەی ڕێکخستنی ئەڵمانیا:

پـــەیـــوەنــدیــدار