هەردوو سەرۆکی پەرلەمانی ئەوروپاو ئەڵمانیا:  بەتوندی وەڵامی لێدوانەکانی “ئەردۆگان”ئەدەنەوە

هەردوو سەرۆکی پەرلەمانی ئەوروپاو ئەڵمانیا: بەتوندی وەڵامی لێدوانەکانی “ئەردۆگان”ئەدەنەوە

 

 

 

شپیگل ئۆنلاین و کەناڵی ZDFبڵاویانکردەوە بەهۆی لێدوانە سەیرو سەمەرەکانی ئەردۆگان بەرامبەر بە پەرلەمانتارانی ئەڵمانی بەڕەگەز تورک سەرۆکی پەرلەمانی ئەوروپا”مارتن شولتس”ئەمرۆ ٩/٦/٢٠١٦ بەزمانێکی ڕشکاوانەی توند دژی ڕەجەب تەیب ئەردۆگانی سەرۆکی تورکیا وەستایەوەو نامەیەکی ئاگادارکردنەوەیشی ئارستەکرد..لەنامەکدا هاتووە بەهیچ شێوەیەک ناکرێ ئەو پەرلەمانتارانەی کەئەرکەکانی خۆیان جیبەجێ دەکەن لەگەڵ تیرۆریستاندا پەیوەست بکرێن تەنانەت ئەگەر لەپرسە سیاسیەکانیشدا جیاوازی زۆریش هەبێت..!ئەو قسانەش کەئەردۆگان دەیکات حەرامەو بەتوندی ئیدانەی دەکە ..لای خۆشیەوە”نۆبرت لامرت”ی سەرۆکی پەرلەمانی ئەڵمانیا لەمیانەی کۆبونەوەی ئەمرۆ پێنج شەممە ٩/٦/٢٠١٦ی پەرلەمانی ئەڵمانیدا بەتوندی وەڵامی ئەو هێرشانەی ئەردۆگانی دایەوە کەکردبویە سەرپەرلەمانتارانی ئەڵمانی بەڕەگەز تورک ولەم بارەیەوە وتی”چاوەڕوانی ئەوەم نەدەکردو ناشکرێ سەرۆکی دەوڵەتێکی دیموکراتی لەسەدەی بیست ویەکەمیندا پەرلەمانتارانی ئەڵمانی کەلە وڵاتێکی دیموکراتیدا هەڵبژێردراون بداتە بەر تانەو تەشەرو تۆمەت وگومان لەتورکی بونیان بکات و خوێنەکەیان بەفاسد ناوبەرێت”وتیشی”بەهەموو شێوەکان ئەوتۆمەتانەی ڕەجەب تەیب ئەردۆگان دەیانخاتە سەر پەرلەمانتارانی ئەم پەرلەمانەو ئەو قسەیە ڕەت دەکەمەوە کەپێیان دەڵێ وتەبێژن بەناوی تیرۆریستانەوە..! لێدوانەکانی ئەردۆگان پلاندانان بۆکاردانەوەی جۆراوجۆر بەرامبەر ئەڵمانیاو دواجار هێرشکردنە سەر پەرلەمانتارانی ئەڵمانیا وەک کاردانەوەیەک بەرامبەر بڕیاری پەرلەمانی ئەڵمانیا سەبارەت بەجینۆسایدی ئەرمەنەکان بەر لە ١٠١ ساڵ نێوەندی سیاسی وشەقامی لەئەڵمانیا نیگەران کردووە..تەنانەت رێکەوتنی نێوان یەکێتی ئەوروپاو تورکیاش کەوتۆتە ژێرپرسیارەوەو ئەگەری هەڵوەشاندنەوەی هەیە..تۆمەتەکانی ئەردۆگان سەرسوڕمانی خەڵکی ئەڵمانیای بەدوای خۆیدا هێنا کاتێک ئەردۆگان ئەو پەرلەمانتارانەی ئەڵمانیا بەهاوکاری ویاریدەدەری پارتی کریکارانی کوردستان ناوبردو دواتر لەسەر تۆڕە کۆمەڵایەتیەکانی فەیسبوک هەڕەشەی کوشتنی ئاراستەی ئەو پەرلەمانتارانەکرا.هەمانکات ڕۆژنامەکانی تورکیا دەستیانکردووە بەهەڵمەتێکی ناشیرین کردن و سوکایەتی و لەچەند رۆژی ڕابردودا چەندین پلارو توانجیان گرتۆتە ئەڵمانیا سیاسەتمەدارانی ئەڵمانیالەم بارەیەوە دەڵێن ئەردۆگان وادەزانێ ئەوگەورەی هەموو تورکەو مزگەوتەکانی ئەڵمانیایان کردۆتە شوینی پروپاگەندە بۆ تێزە شەرنگێزیەکانی ئەردۆگان وهەڕەشەی ئەوە دەکات کە پێنج ملیۆن هاولاتی تورکیا لەئەڵمانیادا دەژین وهەڕەشەی هەڵوەشاندنەوە یان هەڵپەساردنی ڕێکەوتنەکەیان دەکەن لەگەڵ یەکێتی ئەوروپاو سەبارەت بەبەرگرتن لەلێشاوی هاتنی پەنابەران بۆ ئەوروپاو ئەمەشیان بەستۆتەوە بەهەڵگرتنی فیزە لەسەر هاولاتیانی تورک و ئامادەش نین مەرجەکانی یەکێتی ئەوروپا لەمەڕ یاسای و تیرۆر مافەکانی مرۆڤ و ئازادی ڕۆژنامەنوسی جیبەجێ بکەن.

شیهاب عوسمان- ئەڵمانیا:

پـــەیـــوەنــدیــدار