کەرتی ڕێکخستنی شاری ستۆکهۆڵم بەیاوەری کۆمەڵەی پێشمەرگە دێرینەکان سەردانی نووسینگەی پارتی یەکێتی دیموکرات (پەیەدە) دەکات!

کەرتی ڕێکخستنی شاری ستۆکهۆڵم بەیاوەری کۆمەڵەی پێشمەرگە دێرینەکان سەردانی نووسینگەی پارتی یەکێتی دیموکرات (پەیەدە) دەکات!

 

شوێن / ستۆکهۆڵم
شاندێکی کەرتی ڕێکخستنی یەکێتی نیشتیمانی کوردستان لەشاری ستۆکهۆڵم بەسەرپەرشتی لێپرسراوی کەرت هەڤاڵ سەلام ئەمین بەیاوەری  شاندێکی کۆمەڵەی پێشمەرگە دێرینەکان بەسەرپەرشتی هەڤاڵ ڕێبوار سەلام سەردانی نوسینگەی( پەیەدە)یان کرد بۆ پیرۆزبایی لە کردنەوەی نووسینگەکەیان لەشاری ستۆکهۆڵم پایتەختی ووڵاتی سوید.

شاندەکەی یەکێتی لەلایەن هەڤاڵان ستێر کورداخی نوێنەرایەیی نوسینگە و یوسف کۆبانێ و ئازاد هەیدەری بەگەرمی پێشوازیان لێکرا، هاوکات بەناوی کۆمیتەی ڕێکخستنی یەکێتی نیشتیمانی کوردستان و کادر و ئەندامانی پەیامی پرسە و سەرەخۆشیان ئاراستەی کوردانی ڕۆزئاوا کرد بۆ لەدەستدان و شەهید بوونی فەرماندە فەیسەڵ سەعدون ناسراو بە (ئەبولەیلا)
پاشان هەریەك لە شاندی بەشداربووی کۆبوونەوە بەتێرو تەسەلی باس لە پەیوەندییەکانی یەکێتی و پەیەدە و هەڵووێست و پشتیوانی یەکێتی بۆ پەیەدە دژ بە پلانی گلاوی دوژمنان و ناحەزانی میلەتی کوردیان کرد .. لە کۆتاییدا ئاڵو گۆڕی دیاری هەردوو لا لە لایەن هەڤاڵ فوئاد بابان و هەڤاڵ ستێر کورداخی لێپرسراوی نوسینگەی پەیەدە بەئەنجام گەیشت  .
هەردوو لایەن خۆشحاڵی خۆیان دەربڕی بۆ ئەو چاوپێکەووتنە و جەختیان لە پێوویست بوونی جڤاتی چڕتر کرد بۆ ئەنجامدانی کارو چالاکی هاوبەش.

ڕاگەیاندنی کۆمیتەی سوید

پـــەیـــوەنــدیــدار