شێركۆمیروەیس : بەخشینی خەڵات بۆ بەردەوامی خزمەتكردنە

شێركۆمیروەیس : بەخشینی خەڵات بۆ بەردەوامی خزمەتكردنە

رۆژی 19-7-2016 لە ماڵ رووناكبیری شەهید سەلام بەئامادەبوونی هەڤاڵ شێركۆ میروەیس ئەندامی سەركردایەتی و لێپرسراوی مەڵبەندی خانەقین و ژمارەیەك لە هەڤاڵانی مەڵبەند و لایەنە حزبی و حكومیەكان ، ژنانی رێكخستنەكانی (ی .ن.ك) سەربەمەڵبەندی خانەقین مەراسیمێكی رێزلێنان بۆ چەند كەسایەتیەكی دڵسوزی شاری خانەقین رێك خست .
سەرەتای مەراسیمەكە بە چەند چركەیەك بۆ گیانی پاكی شەهیدان دەستی پێكرد ، دواتر هەڤاڵ شێركۆ میروەیس ئەندامی سەركردایەتی و لێپرسراوی مەڵبەندی خانەقین ووتەیەكی پێشكەش كرد و تیایدا ئاماژەی بەوە كەسانە كرد كە دەست نیشان كراون بۆ خەڵاتی رێزلێنان و بە كەسانێكی خاوەن خزمەت بۆ شاری خانەقین لە قەڵەم دا ، پاشان باسی لە مێژووی پر شكوی شاری خانەقینی كرد و تیشكی خستەسەر ئەو وێرانكاریانەی كە لایەن رژێمە یەك لە دوای یەكەكانەوە بەسەر شاری خانەقین هاتووە دواتر باسی لە خۆراگری خەڵكی خانەقین كرد لەبەرانبەر ئەو هەموو زۆلًم و ستەمانەی كە لە ماوەی رابردوودا لەلایەن رژێمەكانەوە دەرهەقیان كراوە ، لە كۆتایشدا هەوڵەكانی خۆیان دووپات كردووە لە پێناو خزمەتكردنی خەڵكی شاری خانەقین لەرێگەی لایەنە پەیوەندارەكان و كەسانی دڵسوز .
پاشان ژیاننامەی هەریەك لەو كەسانە خوێندرایەوە كە دەست نیشان كرابوون بۆ پێدانی خەڵات ،دواتر گروپی میوزیكی سەنتەری چالاكی گەنجان گۆرانیەكی پێشكەشی ئامادەبوان كرد و لە كۆتایشدا خەڵات بەسەر كەسانی دڵسۆزی شارەكەدا دابەش كرا .
لەوباریەوە هەڤاڵ شێركۆ میروەیس ئەندامی سەركردایەتی ولێپرسراوی مەڵبەندی خانەقین رایگەیاند : ئەمرۆ بەدەست پێشخەری ژنانی مەڵبەندی 8ی رێكخستنی خانەقین رێورەسمێك بۆ رێز لێنان لەو هەڤاڵانە رێكخرا كە لەراستی دا شەو و رۆژ لە خزمەتی ئاوەدانكردنەوەی شاری خانەقین و دەوروبەری خانەقینن ووتیشی : لەو هەڤاڵانن زۆر دلًسوزانە لە خەمی خەڵكن ودیاری كردنی كەسەكانیش لەراستی دا زیاتر تەركیزی لەسەر خەلًكی بەخزمەت بوو بە هیواین ببێتە سەرەتایەك بۆ ئەوەی بتوانین ئەوخەڵكانەی بەبەردەوام لە خزمەتی شارەكە و خەڵكدان بتوانین رێزیان لێ بنین وپشت و پەنایان بین بۆ زیاتر ئاوەدانكردنەوەی شار و نمونەیان زۆر بێت و تەمەنیان درێژ بێت رایشی گەیاند : بەهیواین ئەو خەڵكانەیشی لە ئاستی بەرپرسیارتی نین وناتوانن بە ئەركی سەرشانیان هەڵسن و بیانگورین بە خەڵكانی شیاوی لەو جۆرە كە خزمەتی گەورەی خەڵكی شارەكە بكەن .

پـــەیـــوەنــدیــدار