ئەو ژنەی دەرگای بەسەر ئاوارەکاندا واڵا کرد هاتە دەنگ

ئەو ژنەی دەرگای بەسەر ئاوارەکاندا واڵا کرد هاتە دەنگ

لەدوای هێرشە تیرۆرستیەکانی ئەڵمانیا:

 

مێرکل بۆ وەلامدانەوەی ڕەخنەو فشارەکان کۆتایی بەپشووی هاوینەی خۆی هێناو بێدەنگی شکاند

 

لەدوای هێرشە تیرۆریستیەکانی چەند رۆژی ڕابردوی ئەڵمانیا،ئەنگێلامێرکلی ڕاوێژکاری ئەڵمانیا ڕووبەڕووی ڕەخنەی توندی بەشێک لەسیاسیەکان وسەرەک وەزیرانی هەرێمی باڤاریاو حزبی ڕاستڕەوی ئەلتەرناتیفی ئەڵمانیا بوەوەو هۆکاری سەرهەڵدانی ئەو مەترسیانەشیان بەهۆکاری سیاسەتی پەنەبەران زانی کەئەنگێلامێرکل پیادەی کردووە..ئەنگێلامێرکل لەبەردەم ڕەخنەو ئەو فشارانەی چەند ڕۆژەی ڕابردوەدا بێدەنگ بوو..بەلام ئەمڕۆ پێنج شەممە ٢٨/٧/٢٠١٦ ئەو بێدەنگیەی شکاندو کۆتایی بەپشووی هاوینەی هێناو لەکۆنگرەیەکی رۆژنامەنوسیدا لەبەردەم ڕۆژنامەنوساندا ئیدانەی کردەوە تیرۆرستیەکانی ئەم دواییەی کردوو بە تیرۆری ئیسلامی ناوی بردن و هێرشەکانی بەترسناک وەسفکردو وتی ئەوهێرشانە مەترسیە بۆسەر شارستانیەکان ،سەبارەت بە هێرشەکانی ڤۆرتسبۆرگ و ئەنسباخ مێرکل وتی ئەو دوو پەنابەرەی کە ئەو تاوانەیان ئەنجامدا گاڵتەجاڕیان بە وڵاتێک کرد کە پێشوازی لێکردن..ئەوانە سەر بەرێکخراوی تیرۆرستی داعش بوون.مێرکل ئەو داوایانەی رەتکردەوە کەبەیاسای پەنابەران و کۆچبەریدابچێتەوە لەم بارەیەوە وتی وتی تیرۆریستان دەیانەوی بەو کردەوانە ببنە هۆکارێک کەئێمە پێشوازی لەوانە نەکەین کەلەدەست جەنگ و تۆقاندن ڕادەکەن بۆیە دەبێ ئێمە بەتوندی ڕوبەڕووی تیرۆریستان ببینەوە..مێرکل بەرگری لەپەنابەران کردو پێی وتن..پەنابەرێکی زۆر هاتۆتە وڵاتەکەمان ئێمە رێز لەو پەنابەرانە دەگرین کەبەیاسایی هاتوون و زۆرێک لەوانە دەیانەوێ لەئەلمانیادا بەئاسودەیی بژین ولەتوندوتیژی و جەنگ ڕایانکردووە هەمانکات ئەڵمانیاو ئەوروپا رێگر دەبن لەهاتنە ناوەوەی پەنابەران و کۆچبەرانی نایاسایی.. مێرکل سەبارەت بەپەنابەران وتی لای من ئاشکراو ڕونە ئێمەش پابەندین بەبنەماکانمانەوە ئێمە مافی پەنابەری ئەدەین بەوانەی جەنگ و مالوێرانی ئاوارەو دەربەدەری کردوون..بەلام پەنابەران دەخەینە ژێر چاودێریەوەو لەناو یەکێتی ئەوروپاشدا زانیاری دەگۆڕینەوەو ڕێو شوێنی توند دەگرینە بەرو هێزەکانمان فراوان دەکەین وتیشی هێزەکانمان لەتوانایاندایە ڕوبەڕووی تیرۆریستان ببینەوە..مێرکل وتی بەر لە ١١ مانگ وتمان ئەڵمانیا بەهێزە،ئەو فشارەمان لەسەر خۆمان کەم کردەوەو کاروباری پەنابەرانمان بە باشی ڕاپەڕاند کاری باشمان کردو دەشتوانین بیکەین وتیشی من ناڵێم کارێکی ئاسانە بەلام من ئێستە لەسەر ئەو بڕوایەم لەڕووبەڕوبونەوەی تیرۆردا ئەوەی بمانەوێ دەتوانین بیکەین..مێرکل بەرنامەیەکی ٩ خاڵی سەبارەت بەدابینکردنی زیاتری ئاسایش ئامادەکردووە لەوانە کەمکردنەوەی ئاستەنگەکان لەبەردەم دەرکردنی پەنابەران و سیستەمی ئاگادارکردنەوەی پێشوەخت بۆ توندڕەوی لەنێوان پەنابەران دا جگە لەئامادەکردنی تواناکان بۆ ڕاپەڕاندنی ئەرکی سەربازی لەناوخۆدا لەکاتی هێرشی تیرۆرستی گەورەداو چاودێری پەنابەران و کەمکردنەەی ئاستەنگی ناردنەوە.. مێرکل وتی هەموو شتێک ئاستەنگی خۆی هەیە بەلام دەبێ کاربکەین.ئەم قسانەشی وەلامی ئەو هێرشانە بوو کەلەماوەی ڕابردودا لەهەرێمی باڤاریا ڕویدا..ئەنگێلامێرکل لەمیانەی کۆنگرەکەدا نیگەرانی خۆی بەو ڕێوشوێنە سەختانە دەربری کەتورکیا لەدوای کودەتا سەرنەکەوتوەکەوە گرتویەتیەبەر.

شیهاب عوسمان- ئەڵمانیا:

لە کەناڵی ZDF  وە

پـــەیـــوەنــدیــدار