دانیمارك/ کۆرێك لەسەر ڕۆمانی (پێنج خوشک)کە باس لەژنی کورد لە گۆمەڵگەی کوردیدا دەکات بەرێوەچوو

دانیمارك/ کۆرێك لەسەر ڕۆمانی (پێنج خوشک)کە باس لەژنی کورد لە گۆمەڵگەی کوردیدا دەکات بەرێوەچوو

لە هۆلی رۆشنبیری شارۆچکەی برۆندبویی دەڤەری کۆپنهاگنی پیەتەختی ولاتی دانیمارک لە کۆرێکدا ڕۆمانی (پێنج خوشک)کە باس لەژنی کورد لە گۆمەڵگەی کوردیدا دەکات خرایە بەردیدی خوێنەر بە ئـامادەبوونی نووسەر و وەرگێڕی ڕوماناکە (کیتا ئـەندرسۆن) بەڕەگەز ئـەمریکی و وەرگێڕ ( کریستیان لارسن ) بۆ زمانی دانیمارکی،کە لەلایەن فیدراسیۆنی کۆمەلە کوردیەکانەوە سازکرابوو.

بەو مەبەستەش بەنوێنەرایەتی کۆمیتەی رێکخستنی دانیمارکی (ی.ن.ك) بەرپرسی کەرتی کۆپنهاگن هاورێ مەحمود و ئەندامی کەرت هەستی فاتیح ئامادەبوون

سەرەتا بەخێرھاتنی ئـامادەبوانکرا لەلایەن خاتو بەناز حەمە جەزا ، کە دانیشتنەکەی بەڕێوە دەبرد، دواترخاتو کیتا بەکورتی باسی ژیانی مامۆستای و خوێندن وخێزانی  و وێستگەکانی لە سەردانەکانیدا بۆ ٥٨ ووڵاتی جوراوجۆر و دوا وێستگەی بۆ ماوەی چوارساڵ لەشاری وانی باکوری کوردستان وەک مامۆستای زمانی ئـینگلیزی خۆبەخشانە وانەی ووتوەتەوە ، پاشان خاتو شەرمن کەڕۆمانەکەی خوێندبووەوە وەک ژنە خوێنکارێک و نووسەر تێبینی و سەرنجی خۆی لەسەر ڕۆمانەکە دەربڕی و لایەنەگرنگەکانی ژنانی کورد کەلەڕۆمانەکە ئـاماژەی بۆکراوە وەک ژنی مال وژنی کار و ژنانی بەرگری لەھەمانکاتدا خوشەویستیش شرۆڤەی بۆ کرا ، دواتر بواربۆ  کریستیان لارسن وەرگێڕی ڕۆمانەکە رەخسا تا ووتەیەکی کورت پێشکەش بکات و تیایدا باسی کرد کەچۆن چەندجارێک ڕۆمانەکەی خوێندۆتەوەو سەرنجی ڕاکێشاوەو سەرسام بووە و بەھەوڵ وھاندانی ھاوسەرەکەی کە کوردە بڕیاریداوە ڕۆمانەکە وەرگێڕێتە سەر زمانی دانیمارکی بۆ ئـەوەی کۆمەڵگەی دانیمارکیش لە خەبات و خۆڕاگری و ژیانی ژنانی کورد زیاتر شارەزاو ئـاشناتر بن.

5 (Copy) 4 (Copy) 2 (Copy) 1 (Copy)

 

پـــەیـــوەنــدیــدار