مەسعود بارزانی: پەیەدە ئازادی خنکاندوە

مەسعود بارزانی: پەیەدە ئازادی خنکاندوە

بارزانی لەگەڵ سەرۆکی ئەنجومەنی کوردانی سوریا کە لەلایەن پەیەدەوە لە رۆژئاوی کوردستان دەرکرا کۆبوەوە.

ئەمڕۆ سێشەممە ١٦ ئابی ٢٠١٦ مەسعود بارزانی لەگەڵ ئیبراهیم برۆ سەرۆکی ئەنەکەسە کۆبوەوە و پەیەدە بە خنکاندی ئازادی تۆمەتبار دەکات.

لەکۆبونەوەکەیدا مەسعود بارزانی لەگەڵ ئیبراهیم برۆ سەرۆکی ئەنجومەنی کوردانی سوریا (ئەنەکەسە)  هێرشی کردەسەر کارەکانی پەیەدە و ئیدانەی کرد.

ماڵپەری سەرۆکایەتی هەریم بڵاوی کردۆتەوە ئەمرۆ مەسعود بارزانی لەکۆبونەوەکەیدا لەگەڵ ئیبراهیم برۆ نیگەرانی خۆی لە هەڵوێستەکانی پەیەدە دەبریوە.

بارزانی رایگەیاندوە” ئەو كارەی هێزەكانی پەیەدە لەدژی سەرۆكی ئەنجوومەنی نیشتیمانیی كورد لەسوریا ئەنجامیان داوە و كارێكی دژی دیموكراسی فرەلایەنی و خنكاندنی ئازادیە”.

بارزانی ئەوەشی وتوە” ڕێگەگرتن لەئازادی سیاسی و دەستگیركردنی كەسایەتیە سیاسییەكان لەلایەن پەیەدەوە داهێنانی نەریتێكی ناشرین و ناشارستانیە و دژی بنەماكانی كوردایەتی و نیشتیمانپەروەریە و پێویستە ڕێگەی لێ بگیرێت و كۆتایی پێ بهێنرێت”.

 

ئەوم وتانەی بارزانی دوای ئەوە دێت کە ئیبراهیم برۆ سەرۆکی ئەنجومەنی کوردانی سوریا ڕۆژی یەکشەممە ١٤ ئابی ٢٠١٦ لەلایەن ئاسایشی پەیەدەوە لەشاری قامیشلۆی ڕۆژئاوای کوردستان دوای ڕۆژیک لە دەستبەسەرکردنی ئازادکرا و پاشان لەسەر سنوری رەبیعە لەنێوان کوردستانی باشور و ڕۆژئاوا رەوانەی هەرێمی کوردستان کرایەوە و لەکوردستانی رۆژئاوا دەرکرا.

هۆکاری دەستگیرکردنەکەی بۆ کەمپینێک دەگەڕێتەوە کە چەند رۆژی رابردو ده‌زگاى شه‌هيدانى رۆژئاوای کوردستان له‌كۆبوونه‌وه‌يه‌كدا كه‌مپينێكيان له‌دژى ئه‌نه‌كه‌سه‌ و سەرۆکەکەی  راگه‌ياندبو، ئه‌نه‌كه‌سه‌يان به‌ دژايه‌تيكردنى شۆڕشى رۆژئاواى كوردستان تۆمه‌تبار كردبو و دەزگای شەهیدانی رۆژئاوا داوایان لەئاسایشی رۆژئاوا کردبو کە رێگە لەهاتنە ناوخاکی رۆژئاوای کوردستان لەسەرۆکایەتی ئەنجومەنی کوردانی سوریا بگرن و داوای داگایکردنی سەرۆکی ئەنەکەسەیان کردبو.

دوابەدویا دەستگیرکردنەکەی ئیبراهیم برۆ و ئازادکردنی رەوانەی هەریمی کوردستان کرایەوە و پێیان وت نابێت بگەڕیتەوە خاکی کوردستانی ڕۆژئاوا.

س:ئاوێنە

b

پـــەیـــوەنــدیــدار