وەزیری ناوخۆی ئەڵمانیا:  داکۆکی لەوە دەکات تورکیا ناوەندی گروپە تیرۆریستەکانە

وەزیری ناوخۆی ئەڵمانیا: داکۆکی لەوە دەکات تورکیا ناوەندی گروپە تیرۆریستەکانە

 

دوای ئەوەی کەناڵی ARD ئەڵمانی ڕاپۆرتێکی نهێنی سەبارەت بەتورکیاو هاوکاری گروپە تیرۆرستەکان بڵاوکردەوە تیایدا تورکیا ناوەندی چالاکی وجموجۆڵی تیرۆرستانی ئیسلامی وەسفکردبوو..وەزارەتی دەرەوەی تورکیا دوێنێ چوارشەممە بەتوندی ناڕەزایی دەربڕی وکاردانەوەی جۆراوجۆریشی لەسەر ئاستی ناوخۆی ئەلمانیا لێکەوتەوە..وتەبێژی حکومەتی ئەڵمانی بەبێ ئەوەی شتێک لەسەر ناوەڕۆکی ئەو ڕاپۆرتە بڵێ جەختی کردەوە لەوەی کەتورکیا شەریکێکی گرنگی یەکێتی ئەوروپاو ئەڵمانیایە لەدژی تیرۆردا..یەکێتی ئەوروپاش ئەوەی ڕەتکردەوە کەتورکیا پەیوەندی بەتیرۆرستانەوە هەبێت و بەشەریکێکی ستراتیژی خۆی ناویبرد..لەم بارەیەوە وەزارەتی دەرەوەی ئەڵمانیا نیگەرانی خۆی لەدزەکردن و بڵاوکردنەوەی ڕاپۆرێکی وا ڕاگەیاندو بێ ئاگایی خۆشی دوبارە کردەوە..وتەبێژی وەزارەتی ناوخۆی ئەڵمانیا “یوهاتنس دیمترو” بی ئاگایی وەزیری ناوخۆ”دیمیزیر”ی ڕاگەیاندو ئاشکرایکرد ئەو ڕاپۆرتە جێگری وەزیری ناوخۆ واژۆیکردوەو لەئاماژەیەکیشدا دەڵێ مرۆڤ کەکاردەکات هەڵەش دەکات..!!بەلام وەزیری ناوخۆی ئەڵمانیا “توماس دیمیزیر” ڕاشکاوانە ڕۆژی چوارشەممە ١٧/٨/٢٠١٦ هەڵوێستی خۆی ئاشکراکردو سەبارەت بەو ڕاپۆرتە نهێنیەی کەوەزارەتی ناوخۆی ئەڵمانیا تیایدا وەڵامی پرسیاری یەکێک لەپەرلەمانتارانی فراکسیۆنی چەپی ئەڵمانی داوەتەوە کەلەلایەن پەرلەمانەوە ئاراستەیان کرابوو دەڵێ..تورکیا بۆتە ناوەندێکی گروپە ئیسلامیە توندڕەوەکان..وەزیری ناوخۆ داکۆکی لەو ڕاپۆرتە دەکات تورکیا بەهاوکاری ئەو گرۆپە تیرۆریستانە دەزانێ  ئەمەش بۆتە جێی غەزەبی تورکیاو فشارەکانی پرسی پەنابەرانی لەسەر ئەلمانیا توند کردۆتەوە..”دیمیزیر”لەمیانەی چاپێکەوتنێکی ڕادیۆی  ئەڵمانیدا لەوەڵامی پرسیاریکدا کە بڵاوبونەوەی ئەو ڕاپۆرتە بۆ ئەوان جێگەی داخ بێت..دەڵێ..نیگەرانی ناوێ چونکە ئەو ڕاپۆرتە تەنیا لایەنێکی تورکیایە!! بەلام لای تریشی هەیە کەلەمە دورترە..ڕاپۆرتەکەی کەناڵی یەکی ئەڵمانی وبلاوکردنەوەی ئەو راپۆرتەی کەدزەیکردبووە ناو راگەیاندنەکانەوە لەکاتێکا بوو کەیەکێتی ئەوروپا لەهەوڵدا بوو پرسی پەنابەران و ڕێکەوتنەکەی لەگەڵ تورکیا لەو قەیرانە دەربازکات بەڵام ئەم راپۆرتە هێندەی تر تورکیای شێلگیرکرد سەڕەڕای ڕەخنەو نیگەرانیەکانی تری لەدوای کۆدەتاکەی تورکیاوە  کەپێی وایە ڕۆژئاوا بێ هەڵوێست بووەو ڕەخنەیان لە سیاسەتی تورکیا گرتووە..!ڕاپۆرتەکە کەوەزیری ناوخۆ داکۆکی لێدەکاتەوە ئەردۆگان بەوە تۆمەتبار دەکات کەئیخوانیەو لایەنگری ئیخوانەکانی میسرەو پشتگیری لەحەماس دەکات و هاوکاری گروپە تیرۆرستە ئیسلامیەکانی ناو سوریایە.

شیهاب عوسمان- ئەڵمانیا:

س: کەناڵیZDF،زود دۆیتشە تسایتۆنگ

پـــەیـــوەنــدیــدار