کۆمیتەی سوید سەردانی سەرکردەیەکی سەرەتایی شۆڕش دەکات

کۆمیتەی سوید سەردانی سەرکردەیەکی سەرەتایی شۆڕش دەکات

 

ڕۆژی 20-8-2016 لێپرسراوی کۆمیتەی سوید بە یاوەری شاندێک کە پێک هاتبوون لە ئەندامێکی مەکتەبی پەیوەندیەکانی دەرەوەو نوێنەری یەکێتی و چەند هەڤاڵێکی تر بە مەبەستی لە نزیکەوە هەواڵ پرسین و ڕێزگرن لە خەبات و تێکۆشانی سەردانی بەڕێز مامۆستا ( عەلی حەوێز) یان کرد لە شاری ئۆپسالای وڵاتی سوید.

 

مامۆستا عەلی حەوێز یەکێکە لە پێشمەرگە سەرەتاییەکانی شۆڕش و کەسە نزیک و باوەڕ پێکراوەکانی سەرۆک مام جەلال و هەڤاڵانی سەرکردایەتی ئەوکات و هەروەها لە سەرەتای دەست پێکردنی شۆڕشەوە بوە پێشمەرگە و لە دوای ڕاپەڕاندنی ئەرکە قورسەکانی خەباتی ڕۆژگارە سەختەکان، زۆربەی بەرپرسیاڕیتی و پلە حزبیەکانی بڕیوەو تاوەکو بوە بە ئەندامی مەکتەبی سیاسی یەکێتی نیشتمانی کوردستان و ئێستاش وێرای ئەوەی ئەرکی حزبی نیە بەڵام هەر بە هەمان گڕوتینەکەی جارانەوە هیوای یەکڕیزی و سەرکەوتنی یەکێتی نیشتمانیە و لە میانەی دانشتەکەدا ئامادەبووان چەند پرسیارێکیان سەبارەت بە شاخ و سەرۆک مام جەلال و بارودۆخی ئێستای یەکێتی ئاراستە کرد، بەڕێزیشیان لە وڵامدا تیشکی خستە سەر ئەوەی کە سەرۆک مام جەلال سەرکردەیەکی بێ وێنەی کورد بوەو توانی کورد لە زۆر قۆناغی هەستیار ڕزگار بکات و  ئێستاش دەبێت بە هەموو یەکێتیەکان لە سەر حیکمەت و پەیامەکانی بەڕێز مام جەلال بە نەهجێکی یەکێتیانەوەو دوور لە بەرژوەندی تایبەتی کار بکرێت بۆ ئاشتکردنەوەو بە سەرکردنەوەی کادر و ئەندامان و جەماوەرە دڵسۆزەکەی یەکێتی بۆ ئەوەی گەشەیەکی زیاتر بدرێت بە یەکێتی و هەروەها تەبایی و سەرکەوتنی یەکێتی بە پێویست زانی و لە گەڵ ئەوەش بوو دەبێت هەموو لایەنە سیاسیەکانی کوردستان بە گەڕانەوە بۆ سەر مێزی گفتو گۆو ڕێکەوتنی سیاسی کێشەکان چارەسەر بکەن و لە خزمەتی خەڵکی کوردستاندا بن چونکە ئەگەر وا نەکەن مێژوو ڕەحم بە کەس ناکات.

 

شاندی کۆمیتە و هەڤاڵانی ئامادەبوو هیوای هەمیشە تەندروستی باشیان بۆ خواست و خۆشحاڵی خۆیان دەربڕی بە ڕێنمایی و ئامۆژگاریەکانی و ئەوەیان دووپات کردەوە بەردەوام دەبن لە گەیاندنی پەیامە پیرۆزەکەی یەکێتی حزبی شەهیدان و هەروەها شاندەکەی کۆمیتە بە گەرمی دەست خۆشییان لە هەڤاڵ لێزمە عەلی حەویزی کوڕی کرد کە وێرای ئەوەی دوو خولی بەرپرسیارێتی کارگێری کۆمیتە ئێستاش یەکێکە لە کادرە پێشکەتووە دڵسۆز و بە ئەمەک و هەڵسوڕاوەکانی یەکێتی و هەمیشە ئامادەیی هەیە بۆ جێبەجێکردنی هەر کار و فەرمانێکی یەکێتی لە سوید.

IMG_1188 (Copy) IMG_1158 (Copy) IMG_1133 (Copy)

 

پـــەیـــوەنــدیــدار