بەسەرپەرشتی کۆمیتەی رێکخستنی ئەڵمانیا:  ڕێکخستنەکانی هەرێمی ناوەڕاست کۆبوونەوەو جەختیان لەیەکریزی کوردو یەکێتی کردەوە

بەسەرپەرشتی کۆمیتەی رێکخستنی ئەڵمانیا: ڕێکخستنەکانی هەرێمی ناوەڕاست کۆبوونەوەو جەختیان لەیەکریزی کوردو یەکێتی کردەوە

 

 

 

بەئامادەبوونی بەرپرسی کۆمیتەی ئەڵمانیاو کارگێڕانی بەشەکانی رێکخستن وچاودێری وبەدواداچوون و کۆمەڵایەتی..کۆمیتەی رێکخستنی ئەڵمانیا ڕۆژی ٢٨/٨/٢٠١٦ سەرپەرستی کۆبونەوەیەکی فراوانی دەستەی کارگێڕی کەرتەکانی رێکخستنی هەرێمی ناوەڕاستیکرد کەپێکهاتبوون لە(دارمشتاد،ماینز،فرانکفۆرت،بۆن،کۆڵن،دوسلدورف،ڤوڤەرتاڵ،ئاخن،بیلەفێڵد،دۆرتمۆند،بوخوم)دوای رێزلێنان لەگیانی پاکی شەهیدان هەڤاڵ سدیق کرژەیی کارگێڕی چاودێری و بەدواداچوون و هاوکاری بەرپرسی بەشی ڕێکخستنی هەریمی ناوەڕاست لەوتەیەکی کورتدا ئەجندەو بەرنامەی کۆبونەوەکەی خستەبەرچاوو ڕونیشیکردەوە کۆمیتەی ئەڵمانیا بەپێی بەرنامەیەکی دیاریکراو کۆبونەوەکانی بەشێوەیەکی مەیدانی لەسەر ئاستی هەرێمەکان بەڕێوەدەبات ئامانجیش لەم کۆبونەوانە لەنزیکەوە گوێگرتن و قسەو گفتوگۆی ڕاشکاوانەو ڕاستەوخۆیە لەگەڵ هەڤاڵان تابتوانین هەمومان پێکەوە کارەکان ئەنجام بدەین ویەکێتی ڕیزەکانی یەکێتی پتەوبکەین وگەشە بەرێکخستنەکان بدەین وگوێ لەئەندامان بگرین وهەلوەستەو پێداچونەوە بەکاروچالاکیەکانی کۆمیتەدا بکەین..دواتر هەڤاڵ دلێر سەیدە بەرپرسی کۆمیتەی رێکخستنی ئەڵمانیا.. لەوتەیەکدا باروی ناوخۆی کوردستان وعێراقی خستەبەرچاوو لەڕوانگەی ئەگەرو پێشهاتەکانەوە هەڵوەستەی لەسەر سەرهەڵدانی گروپی تیرۆرستی داعشکردو فراوانکردنی ئەو شەرانەشی لەشارەکانی تری عێراقی بەئاڵۆزبونی زیاتری ڕەوشەکە وەسفکرد وتیشی ئەگەرچی داعش لەپاشەکشەدایە بەلام ناوچەکە دەکوڵێ و پڕە لەململانێی تائیفی و ڕیزەکانی گەلانی عێراق لەیەکتر ترازاون..لەبەشێکی تری قسەکانیدا ڕۆڵی پێشمەرگەی بەرزنرخاند بەتایبەتی لەئازادکردن وبەرگری لەناوچە دابڕێندراوەکان بەکەرکوکی قودسی کوردستانیشەوە ئاماژەی بەوەشدا کەپێشمەرگە لەئێستادا ٨٠٠ کیلۆمەتر لەشەردایە..سەبارەت بەباری ناوخۆی هەرێم و قەیرانی سیاسی و هۆکارەکانی هەڤاڵ دلیر سەیدە وتی..سەرهەڵدانی قەیرانەکانی ناوخۆی کوردستان دەگەڕێتەوە بۆکۆتایی هاتنی ماوەی سەرۆکایەتی هەرێم کەبەدوای خۆیدا دەرکەوتەکانی تری هێناو قەیران بەقەیران بۆ ونکردنی کرۆکی کێشەکەهاتە پێشەوە..ئەوەبوو یەکێتی و گۆڕان و یەکگرتوو کۆمەڵ و بزوتنەوەی ئیسلامی یاداشتنامەیەکیان دایە پەرلەمان بۆ ڕادەستکردنەوەی دەسەڵاتی هەرێم و داڕشتنی ڕەشنوسی دەستورو هەڵبژاردنی سەرۆک لەناو پەرلەمانەوە بەڵام پارتی دیموکراتی کوردستان بەو پرۆژەیە ڕازی نەبوو ئامادەش نەبوو ڕێگا چارەیەکی تر بدۆزیتەوە ئەوەنەبێ کە خۆیان دەیانویست ئیرادەی خۆیان بەسەر هەموو لایەنە کوردستانیەکاندا فەرزکەن و هەرهەوڵێکی ئەو پرۆژە چوارقۆلیەشیان بەپیلان لەسەر پارتی حساب دەکرد ئیدی لەوێوە دەرگای کێشەکانیانیان کڵۆمکردو ڕەوشەکە ئاڵۆزبوو دواتر بەبڕیاریکی حزبی پەرلەمانیان پەکخستن وڕێگریان لەسەرۆکی پەرلەمانکرد،وەزیرەکانی گۆڕانیان ناردەوە ماڵەوە..وەزیری پێشمەرگەی دەرکرد لەکاتێکدا کەکوردستان لەشەردایە لەگەڵ داعش..هەڤال دلێر سەیدە هەر لەمیانەی قسەکانیدا تیشکی خستە سەر قەیرانی دارایی و  ئاماژەی بەنەبوونی موچەو ناشەفافیەتی نەوتی هەرێم کردو ڕونیکردەوەو وتی  کەس نازانێ ئەو نەوتە بۆکوی دەڕوات جگە لەپارتی.. ئەمەشی بەدیاردەیەکی خراپ و ماڵوێرانکەر ناوبرد لەکاتێکدا لەشەری داعشداین ئەم قەیرانەش یەخەی خەڵکی گرتووەو بارو گوزەرانی خەڵکی لەمەترسیدایە..سەبارەت بەبارودۆخی ناوخۆی یەکێتی هەڤال دلێرسەیدە وتی..یەکێتی حزبێکی زیندووە هەمیشە لەنوێبونەوەدایەو خاوەن مێژوویەکی پڕ سەرەوەری وخەبات وقوربانیدان وئەزمونێکی گەورەیەو بڕوای تەواوی بە دیموکراسیەت هەیە هەربۆیە پێگەی خۆی هەیەو ڕەگوڕیشەی بەکوردستانا چۆتە خوارەوە..هەمیشەش وەک چەترێک دواجار لەبەر رۆشنایی بانگەوازی مامی گەورە مام جەلال لەسێهەمین کۆنگرەی یەکێتیدا بۆیەکگرتنەوەی هێزەچەپ و دیموکراتخوازەکان لەژیر سیبەری یەکێتیدا ئەوا ئەمڕۆ ئەو تێکۆشەرانەی کەلەدوێنێدا بەشێک بوون لەمێژووی یەکێتی لەناو ماڵە گەوەرەکەدا خەباتیان یەکخستەوەو درێژە بەخەبات ئەدەن بەو بۆنەیەوە بەناوی کۆمیتەی رێکخستنی ئەڵمانیاوە پیرۆزبایی گەرمی لەهەڤاڵانی حزبی ئایندەی کوردستان وگەڕانەوەی بەشێکی تر لەهەڤاڵانی مەکتەبی سیاسی زەحمەتکێشان کرد بۆ ناو یەکێتی.. لەبەشێکی تری قسەکانیدا هەڤاڵ  بەرپرسی  کۆمیتەی ڕێکخستنی ئەڵمانیا باسی لەڕێکەوتننامەی دەباشانی نێوان یەکێتی و گۆڕانکرد لەسەر دەستی هەڤاڵ مام جەلال پێش نەخۆشکەوتنی..دواتر جێبەجێکردنی ئەوڕێکەوتنە هاوسەنگی هێزی گۆڕی وهەردولا سەرکردایەتی هاوبەشیان پێکهێناو هەردو فراکسیۆنی یەکێتی و گۆڕان لەبەغداو ڕادەستکردنی حکومەتی خۆجێیەتی سلێمانی وهەڵەبجەو ڕاپەڕین بەرجەستەکردنی رێکەوتنەکەو بڕوابوون بوو بە دەستاودەستکردنی دەسەڵات و چەسپاندنی بنەماکانی دیموکراسیەت ..

لەسەر ئاستی رێکخراوەیش هەڤال بەرپرسی کۆمیتەی ئەڵمانیاو هەڤاڵان کامەران هەلەبجەیی بەرپرسی بەشێ ریکخستنی کۆمیتەی ئەڵمانیاو سدیق کرژەیی کارگێڕی بەشی چاودێری و بەدواداچوون و کویستان نەجم بەرپرسی بەشی کۆمەڵایەتی جەختیان لەسەر یەکڕیزی ڕێکخستنەکان و یەکێتی ناویەکێتی کردەوەو پاراستنی پرەنسیپەکانی رێکخستنین بەبنەمای کارەکانی کۆمیتەزانی و دواشیانکرد کەهەڤاڵان وەک چۆن هەمیشە سەلماندویانە ڕۆڵەی دڵسۆزی گەل ویەکێتی نیشتمانی کوردستانن بۆ لەمەودواش زیاتر بەئیلتیزام و پابەندبوون بەبنەماکانی کاری رێکخراوەییەوە پابەندبن و  لەدەرەوەی ئەو بازنەیەش دەرفەتیک نیە بۆهیچ کەسێک چونکە یەکێتی ئەرکو بەرپرسیاریتیەو دوورە لەبەرژەوەندی شەخسی وتاکە کەسیەوەو ئەندامەکانیشی خاوەنی خۆیانن و کەس ناتوانی یاریان پێ بکات..ڕونیشیکردەوە لەبەرنامەی کۆمیتەدایە سەردانی مەیدانی کەرتەکان بکات وکۆبونەوەی هەرێمەکانی خوارەوەو ناوەڕاست وباکور دەبەستێت وئازادیشە لەهەرکوی بیەوێ کۆبونەوە بکات.لەکۆبونەوەکەدا بەرپرسی بەشێ ڕێکخستن وکۆمەڵایەتی رێنمایی وبەشەکانی خۆیان بەهەڤاڵان گەیاندو ڕەخنەو پیشنیارەکانیش ڕاستەوخۆ لەگفتوگۆیەکی گەرمی هەڤاڵانەدا بەگیانی لێپرسراوێتی بەرێوەچوو دواتر بەپێی پێداویستیەکانی رێکخستن و بەئامانجی گەشەپیدانی وێڕای بەرز نرخاندنی رۆڵی هەڤاڵانی دەستەی کارگێڕی کەرتەکانی هەرێمی ناوەڕاستی ڕێکخستنەکانی ئەڵمانیا چەند لیژیەکیان بۆ گەشەپیدانی ڕیکخستنەکان و سەرپەرشتی و ئامادەباشی کرد بۆکۆنفرەنسی هەندێک لەکەرتەکان لە داهاتودا.

 

ڕاگەیاندنی کۆمیتەی ئەڵمانیا:

14182142_1089784917757208_902225558_n (Copy) 14172027_1089785097757190_685680845_n (Copy) 14169660_1089784974423869_1556935794_n (Copy) 14159891_1089785207757179_987524185_n (Copy) 14159794_1089784941090539_250885256_n (Copy) 14159778_1089785211090512_1526827363_n (Copy) 14159250_1089785047757195_814629077_n (Copy) 14159202_1089785064423860_1104098100_n (Copy) 14159197_1089785094423857_1405308437_n (Copy) 14159137_1089785041090529_180118732_n (Copy) 14138524_1089785054423861_1484034576_n (Copy) 14138366_1089784921090541_1015244271_n (Copy) 14137936_1089785204423846_916346728_n (Copy) 14137909_1089784907757209_252155196_n (Copy) 14137830_1089785077757192_2016459496_n (Copy) 14137732_1089785084423858_932977311_n (Copy) 14102125_1089785107757189_1202208815_n (Copy)

پـــەیـــوەنــدیــدار