گەنجانی یەكێتی هەوڵدانیان خزمەتكردنە

گەنجانی یەكێتی هەوڵدانیان خزمەتكردنە

سەر لەبەیانی رۆژی 31-8-2016 لە مەڵبەندی 8ی رێكخستنی خانەقین ، بەشی گەنجانی یەكێتی لە مەڵبەندی خانەقین كۆبونەوەیەكی فراوانیان ئەنجام دا ،
سەرەتای كۆبونەوەكە ، بە ساتێك وەستان بۆ گیانی پاكی شەهیدان دەستی پێكرد ، پاشان باسیان لە مێژووی خەباتی گەنجانی یەكێتی كرد لە شۆرشی نویێ گەلەكەماندا ، كە خۆنەویستانە كاریان كردووە لە ماوەی رابردوودا بۆ بە دی هێنانی ئامانجەكانی گەلەكەمان ، لەو رووشەوەئاماژەیان بەوە كرد ئەو ئازادی و یەكسانەی ئەمرۆ بە دەست هاتوە بە هەوڵ وماندووبوونی ئەو گەنجانەی رابردوو كە تەمەنی خۆیان كردە قوربانی بۆ بەدەست هێنانی ئامانجی ملیلەتەكەمان ، هاوكات باسیشیان لەوە كرد هەوڵدانی ئێمە بۆ درێژە پێدەری رێبازی ئەو كادر و شەهیدە دڵسۆزانەیە، كە ژیانی خۆیان تەرخان كردووە بۆ ئەو ئازادی و خۆشگوزارنییەی ئەمرۆ بە دەست هاتووە .
لەبەشێكە تری كۆبونەوەكە ، گەنجانی یەكێتی بە گرنگیەوە باسیان لە چۆنیەتی خزمەتكردنی شاری خانەقین و گەنجانی شارەكە ودەوروبەری كرد بۆ بەدی هێنانی ئامانجە بەدی نەهاتووەكان ، هاوكات بە ئاماژە كردن بۆ هێنانە پێشەوەی چینی گەنج ولاو كاركردن لە بەشی گەنجانی یەكێتی بۆ ئەنجام دانی داهێنان و گرنگی دانی زیاتر بە بەهرەو تواناكانیان وكۆكردنەوەی گەنجان و لاوان لە بوارە جیاجیاكاندا.
لە كۆتایشدا ، بەچەندین پرسیار و سەرنج كۆبونەوەكە زیاتر دەوڵەمەند تر كرا .

پـــەیـــوەنــدیــدار