ئەنگێلامێرکل شکستی حزبەکەی لەهەڵبژاردنی هەرێمی میکلینبۆرگ دەخاتە ئەستۆی خۆی

ئەنگێلامێرکل شکستی حزبەکەی لەهەڵبژاردنی هەرێمی میکلینبۆرگ دەخاتە ئەستۆی خۆی

پاشەکشەی حزبەکەی مێرکل لەهەڵبژاردنی هەرێمی میکلینبۆرگدا ئاماژەیەکە بۆپاشەکشە لەهەرێمەکانی تری ئەڵمانیاو هاتنە پێشەوەی حزبی ئەلتەرناتیفی راستڕەو..هۆکارەکەشی سیاسەتی پەنابەریە کەئەنگیلامێرکل پیادەی دەکات.. ئەگەرچی سۆسیال دیموکراتەکان لەو هەڵبژاردنەدا بەپلەی یەکەم دێت بەلام گەشەی ڕاسترەوەکان بۆتەجێی نیگەرانی و ئایندەی ئەڵمانیا دەخاتە ژێر پرسیارەوە..

وەک چاوەڕوان دەکرا لەهەڵبژاردنەکانی ڕۆژی ٤ی ئەیلولی ٢٠١٦ هەرێمی فیدراڵی”میکلینبورگ” کەلە سەدا ٦١،٦%ی هاوڵاتیان بەشداریانکرد..بەهۆکاری کرانەوەی سیاسەتی پەنابەران حزبی دیموکرات مەسیحی ئەنگێلامێرکل پاشەکشەی کردو پارتی سۆسیال دیموکراتیش سەرکەوتنی گەورەی بەخۆوە بینی وحزبی ڕاستڕەوی ئەلتەرناتیفیش لەپێناوی ئەڵمانیا پێشکەوتنی گەورەی بەخۆوە بینی..لەهەڵبژاردنەکەدا سۆسیال دیموکراتەکان لەسەدا ٣٠،٦%ی دەنگەکانی بەدەستهێناو حزبی ئەتەرناتیفی ڕاستڕەویش  بووە دووەم هێزی گەورەی هەرێمەکەو لەسەدا ٢٠،٨% ی دەنگەکانی بەدەستهێنا،هەمانکات حزبی دیموکرات مەسیحی ئەنگێلامێرکل کەلەسەر ئاستی ئەڵمانیا گەورەترین رێژەی دەنگەکانی هەبووە لەم هەرێمەدا لەسەدا ١٩%ی دەنگەکانی بەدەستهێناو بەم جۆرە پاشەکشەیەکی دیارو چاوەڕوانکراویکردو بووە سێهەمین حزبی هەرێمەکەو حزبی چەپەکانیش لە سەدا ١٣،٣%ی بەدەستهێناو بووە حزبی چوارەم و سەوزەکانیش لەسەدا ٤،٨%ی هێناو نەیتوانی رێژەی پێویست بۆچونە ناو پەرلەمانی هەرێمەکە بەدەستبینێت..هەمانکات حزبی دیموکراتی نەتەوەیی ڕاستڕەوی توندڕەو حزبی دیموکراتی ئازادیش ڕێژەی لەسەدا ٣%ی دەنگەکانیان بەدەستهێناو بۆچونە ناو پەرلەمان شکستیانخوارد..لای خۆیەوە ئەنگیلامێرکلی ڕاوێژکاری ئەڵمانیا ڕایگەیاند بەرپرسیارێتی پاشەکشەی حزبەکەی لەهەرێمی میکلینبۆرگی ڕۆژهەڵاتی ئەڵمانیا دەخاتە ئەستۆی خۆی..چاودێران وای لێکدەدەنەوە ئەم پاشەکشەیە دوای ئەوە هات کەمێرکل لەکۆنگرەی لوتگەی دوێنێ یەکشەممە G20دا دوبارە داکۆکی لەسیاسەتی پەنابەری کردو ئەمەش بەهۆکاری ئەم تێکشکانە وەسفدەکرێ..مێرکل لەدوای سەرەنجامەکان وتی بێگومان پاشەکشەی دەنگەکان پەیوەندی بەسیاسەتی پەنابەرانەوە هەیەو وتیشی ئەو بڕیارانە بڕیاری ڕاستبوون پیادەمانکردووە..لەلایەکی ترەوە سەرۆکی ئەنجومەنی ناوەندی جولەکەکان لەئەڵمانیا”جوزیف شوستر”سەرکەوتنی پارتی ئەلتەرناتیفی ڕاستڕەوی دژ بە یەکێتی ئەوروپاو یۆرۆ لەهەڵبژاردنەکانی هەرێمی میکلینبۆرگدا بەبەڵگەی”هەژاری”بۆکۆماری دیموکراتی ئەڵمانیای فیدرالی و لاوازی سیاسەتی وەسفکردو وتی..بەداخەوە حزبی ئەلتەرناتیف بەدروشمە تاکتیکیەکانی بەدروشم نەک بەچارەسەر خەڵکی  لەدژی هەرێمەکان وروژاند..لای خۆشیەوە سەرۆکی حزبی ئەلتەرناتیف لەپێناوی ئەڵمانیا”فراوکەبیتری” سەرکەوتنی حزبەکەی گەڕاندەوە بۆ هەڵەکانی سیاسەتی پەنابەری دەسەڵات لەسەر ئاستی ئەڵمانیای فیدراڵی و وتیشی هاوپەیمانی دیموکرات مەسیحی و مەسیحی کۆمەڵایەتی بێ شک دەبێ “دەستبەرداری ئەم وڵاتەبن”و لەوەش زیاتر وتی پاشەکشەو تێکشکانی حزبی دیموکرات مەسیحی..تیکشکانی ڕاوێژکاری ئەڵمانیایە چونکە “مێرکل خۆی خۆی خست”ئەگەرچی سۆسیال دیموکراتەکان لەم هەرێمەدا لەریزی پێشەوەن بەلام بەبەراورد لەگەل هەڵبژاردنی پێشوی هەرێمەکەدا لەسەدا ٥%ی دەنگەکانیان چونەتە دواوەو جگە لەپارتی ئەڵتەرناتیف کەلەڕووی رێژەیییەوە لەهەمویان زیاتر پێشکەوتنی بەدەستهێناوە ئەوانیتر بەبەراورد لەگەل هەڵبژاردنەکانی پیشودا پاشەکسەی بەرچاویان کردووە ئەمەش ئاماژەیەکی مەترسیدارە بۆئایندەی وڵات و گەشەکردنی ڕاسترەوە توندڕەوەکانی ئەلمانیا.

شیهاب عوسمان- ئەڵمانیا:

ش:کەناڵی فەرمی(١)ی ئەڵمانی ARD

پـــەیـــوەنــدیــدار