مەكتەبی پەیوەندییەكانی دەرەوەی یەكێتیی  وردەكاری نامەكەی خاتوو هێرۆ ئیبراهیم ئەحمەد ئاشکرا دەکات

مەكتەبی پەیوەندییەكانی دەرەوەی یەكێتیی وردەكاری نامەكەی خاتوو هێرۆ ئیبراهیم ئەحمەد ئاشکرا دەکات

مەكتەبی پەیوەندییەكانی دەرەوەی یەكێتیی نیشتمانیی كوردستان وردەكاری نامەكەی خاتوو هێرۆ ئیبراهیم ئەحمەد ئەندامی مەكتەبی سیاسی یەكێتیی نیشتمانیی كوردستانی دەستكەوتووە كە لە جیاتی یەكێتیی نیشتمانیی كوردستان بۆ دەوڵەتی سەرۆك وەزیران حەیدەر عەبادی ناردووە سەبارەت بە هەناردەكردنی 100 هەزار بەرمیلی رۆژانە لە نەوتی كەركوك و پێدانی راستەوخۆی شایستەكانی پترۆدۆلار بە هاووڵاتیانی كەركوك.
خاتوو هێرۆ ئیبراهیم ئەحمەد لە نامەكەیدا دەڵێت بڕیاری حكومەتی فیدراڵی بۆ هەناردەكردنی نەوتی كەركوك لەڕێی بۆرییەكانی هەرێمی كوردستان بە بڕی 100 هەزار بەرمیل نادادپەروەرانەیە بەرامبەر بە خەڵكی كەركوك، چونكە داهاتی نەوتی هەناردەكراو لە كەركوكەوە شایستەكانی بە شەفافی و بەشێوەیەكی دادپەروەرانە لە كوردستان خەرج ناكرێت و پارێزگای كەركوك بەهۆی ئەم هەڵسوكەوتانەوە بێبەش كراوە لە شایستەكانی پترۆدۆلار كە ئەمەش كاریگەری نەرێنی لەسەر ژیانی هاووڵاتیانی هەبوو.
بەپێی نامەكە بڕیارەكەی حكومەت بە دەستپێكردنەوەی هەڵێنجانی نەوت بە راوێژ و رێككەوتن لەگەڵ یەكێتیی نیشتمانی كوردستان نەبووە كە خاوەنی هەژموونێكی زۆرە لە كەركوك و قسەی یەكەمی لە ئیدارەی كەركوك و ئەنجومەنی پارێزگاكەدا هەیە، ئەمەش پێچەوانەی ئەوەیە كە لە رۆژنامەی (ئەلشەرق ئەلئەوسەت) دا بڵاوكراوەتەوە كە دەڵێت: “داواكارییەكەی ژنە سەركردەكەی یەكێتیی نیشتمانی تایبەتە بە ناردنی نەوتی كەركوك بۆ ئێران لەرٍێی بەكارهێنانی تانكەری نەوتەوە”، لە نامەكەی خاتوو هێرۆ ئیبراهیم ئەحمەد-یشدا هیچ باسی هەناردەكردنی نەوت لەڕێی ئێران یان تانكەری نەوت نەكراوە.
مەكتەبی پەیوەندییەكانی دەرەوەی یەكێتیی نیشتمانیی كوردستان نیگەرانە سەبارەت بە وردەكاری ئەو هەواڵە هەڵبەستراوە لەلایەن رۆژنامەی (ئەلشەرق ئەلئەوسەت) لە ژمارەی (13791 ی رۆژی 31/8/2016) چونكە رۆژنامەكە ماوەیەكە بەردەوامە لە هەڵبەستنی تۆمەت لەدژی یەكێتیی نیشتمانیی كوردستان و دەستبەردانی پەیڕەوی خۆی بووە لە بابەتیبوون و پیشەیی بوون، چونكە بووەتە بەشێك لە تەوەری ململانێی پەیوەست بە ئەجێندای هەرێمایەتی كە بەداخەوە رەنگدانەوەی نەرێنی لە ناوخۆی هەرێمی كوردستاندا هەیە بەهۆی ئەو سیاسەتانەی هەندێك پەیڕەوی دەكەن بۆ ئەوەی سیاسەتی كوردستانی بەرەو ئەوە ببەن ببێتە بەشێك لە تەوەرە هەرێمایەتیە قێزەونەكان.
نامەكە كە بەرواری 19/8/2016ی بەسەرەوەیە دووپاتی دەكاتەوە كە یەكێتیی نیشتمانیی كوردستان تەئكید لە هەڵوێستی نەگۆڕی دەكاتەوە سەبارەت بە پێویستی پەیڕەوكردنی بنەماكانی شەفافیەت و دادپەروەری لە سەرتاپای پرۆسەی نەوتدا.

پـــەیـــوەنــدیــدار