بەرپرسی کۆمیتەی رێکخستنەکانی فەرەنسا دەستی بەکارەکانی کرد

بەرپرسی کۆمیتەی رێکخستنەکانی فەرەنسا دەستی بەکارەکانی کرد

رۆژی یەکشەمەی رابوردوو رێکەوتی 11/09/2016 ، بە ئامادەبون وسەرپەرشتی کردنی هەڤاڵ هاواری حاجی کارگێری ناوەندی دەرەوە و بەرپرسی رێکخستنەکانی ئەورووپا لە پاریسی پایتەختی فەرەنسا بۆ دواجار خۆشبەختانە لە کۆبونەوەی ئەنجومەنی کۆمیتەی فەرەنسا ،بە رەچاوکردنی پرنسیپەکانی دیموکراسی و پابەند بە بەندەکانی پەیرەوپرۆگرامی یەکیەتی نیشتمانی کوردستان ، لە کەژوهەوایەکی هەڤاڵانەودۆستانە و بەرپرسیاریەتی بۆ رێبازی پیرۆزی یەکیەتی نیشتمانی کوردستان ، بەگیانێکی لە خۆبوردنوو بە پاراستنی بەرژەوەندی گشتی و دورکەوتنەوە لەبەرژەوەندیە تاکی و تەسکیەکان ،پاش گفتوگۆو گۆرینەوەی راوبۆچون و بەرەچاوگرتنی بارودۆخی نوێ لە هەڵبژاردنێکی شایستە بەو کۆبونەوەیە بەرپرسی کۆمیتە و دوو کارگێری کۆمیتەو سێ ئەندامی کۆمیتە هەڵبژێردران .

بەم شێوەیەی خوارەوە

یەکەم / هەڤاڵ سەلام عەزیز عەمە ئەمین ناسراو بە ( ئەرسەلان ) بۆ بەرپرسی کۆمیتە هەڵبژێردرا.

دوهەم / هەڤاڵ دوکتۆر محمد عبداللە سەدیق ،بە کارگێری کۆمیتە بۆ کاروباری هەڵسەنگاندن و چاودێری هەڵبژێردرا .

سێهەم / هەڤاڵ دارەوان حامد غەفار ،بە کارگێری کۆمیتە بۆ کاروباری رێکخستنەکان هەڵبژێردرا .

چوارهەم / هەڤاڵ عیزەدین خۆشناو ئەندامی کۆمیتە بەرپرسی کاروباری دارایی .

پێنجەم / هەڤاڵ کامیل جلال ئەندامی کۆمیتە وبەرپرسی کاروباری کۆمەڵایەتی .

شەشەم /حەمە عوسمان مستەفا ،ئەندامی کۆمیتە و بەرپرسی راگەیاندنی کۆمیتەی رێکخستنەکانی فەرەنسا .

ئەوەی جێێ ئاماژەیە کە وا بۆماوەی نزیکەی پێنج ساڵ ئەبێت هەموو هەڤاڵانی کۆمیتەی فەرەنسا بە پەرۆشەوە چاوەروانی ئەم رۆژەیان ئەکرد ،بۆ ئەوەی کە کۆمیتەی فەرەنساش هاوشان لەگەڵ کۆمیتەکانی تری ئەوروپا بکەوێتە کاری رێکخراوەیی و چالاکی بە رەچاوکردنی پەیرەوپرۆگرام وپرسیپەکانی دیموکراسی ،چونکە فەرەنسا گرنگی خۆی هەیەو بونی کۆمیتەیەکیش مایەی شانازیەبۆ ئەو مەبەستە ، هەر لەو ڕوانگەیەوە هەموو هەڤاڵان شادمان بون و خۆشحاڵ بون بە هێنانەوە سەر پێکانی ئەو کۆمیتەیە و بەڵێنی ئەوەیان دا کە بە هێز و بازو و تینێکی  ترەوە بێنەوە مەیدانی کاری رێکخستن و هەموو بەرژەوەندیە تاکیەکان بەلاو بنرێت و بەرژەوەندیە گشتیەکان بۆ خزمەتی رێکخسنەکانی یەکیەتی نیشتمانی کوردستان لە فەرەنسا ببێتە پێشەنگی کاروچالاکیەکانیان ،بۆیە هەر لەم مینبەرەوە بەگەرمی پیرۆزبای لە ستافی نوێێ کۆمیتەی فەرەنسا ئەکەین و هیوای بەختەوەری و سەرکەوتنیان بۆ ئەخوازین .

راگەیاندنی کۆمیتەی رێکخستنەکانی فەرەنسا

پـــەیـــوەنــدیــدار