لەیادی ٢٦ ساڵەی یەکگرتنەوەی ئەڵمانیادا.. چییان بە مێرکل وت..!؟

لەیادی ٢٦ ساڵەی یەکگرتنەوەی ئەڵمانیادا.. چییان بە مێرکل وت..!؟

لەکاتی بەشداریکردنیاندا لەمەراسیمی یەکگرتنەوەی ئەڵمانیا بەسەدان لایەنگری بزوتنەوەی “پیگیدا”ی (ئەوروپیە نیشتمانیەکان بۆ دژایەتی بەئیسلام بوونی ئەوروپاو پەنابەران)بەقسەی ناشیرین و فیکە لێدان بەوشەی وەک “خیانەتکار،بڕۆ و مێرکل دەبی بڕوات”!!پێشوازیان لەسەرۆکی ئەڵمانیاو ئەنگێلامێرکل و سەرۆکی پەرلەمانی ئەڵمانیاکرد..

ئەمڕۆ ٣ی ئۆکتۆبەری ٢٠١٦ لەشاری درێسدنی ئەڵمانیا بەئامادەبوونی “یواخم گاوک”ی سەرۆکی ئەڵمانیاو “نۆبرت لامیرت”ی سەرۆکی پەرلەمانی ئەڵمانی(بوندستاگ)و ئەنگێلامێرکلی ڕاوێژکارو میوانێکی زۆری هەرێمەکانی ئەڵمانیاو دەرەوەی ئەڵمانیا بەشداری ڕێوڕەسمی یادی ٢٦ ساڵەی یەکگرتنەوەی هەردوئەڵمانیای ڕۆژهەڵات و ڕۆژئاوابوون..لەپەراوێزی یادەکەدا ئەنگێلامێرکل سەرۆکی حزبی یەکێتی دیموکرات مەسیحی لەوتەیەکدا داوایکرد ڕێزلەگفتوگۆی یەکتر بگیرێ چونکە رۆژی یەکگرتنەوەی ئەڵمانیا لای زۆربەی هەرەزۆری ئەڵمانەکان ڕۆژێکی مێژووی و ڕۆژی خۆشی و دڵنیایی ولێبوردەییە..وتیشی ئەمڕۆ بەر لەڕێوڕەسمەکە هەندێک کێشە سەری هەڵدا بەلام من وەک خۆم هیواخوازم هەمومان پێکەوە ئەو کێشەو گرفتانە لەسەر بنەمای رێزگرن لەیەکتری و قبوڵکردنی بیروبۆچوونی سیاسی جۆراوجۆری یەکتری چارەسەربکەین و رێگا چارەی نوێی بۆ بدۆزینەوە..هەمانکات سەرۆکی پەرلەمانی ئەڵمانیا ڕایگەیاند ئەڵمانیا واتە یەکێتی وعەدالەت وئازادی چونکە ئێستە ئێمە پێکەوە دەژین بۆیە دەبێ خەونی مناڵەکانمان بیبینین کەلەپێشمانە..سەبارەت بەکێشەی پەنابەرانیش وتی..هەمەڕەنگی تەنیا وشەو قسەی بەتاڵ نیە داواشیکرد نمونەی زیاتر دەرخەن بۆتێکەڵاوبوونی سەرەکەوتوانەی کۆچبەران لەکۆمەڵگەی ئەڵمانیدا..سەرۆکی پەرلەمانی ئەڵمانیا داوایکرد رێزگر لەنەریتە کۆمەڵایەتی و سیاسیەکان بگیرێ و وتی..ئەوەی دەیەوێ بەرگری لەڕۆژئاوا بکات لەبەرامبەر مەترسی و هەڕەشە و ئەگەری توندوتیژیەکاندا دەبێ لەبەارمبەردا بەلانی کەمەوە داواکاریەکان کەوەفای شارستانیەتی رۆژئاوایە لەو کێشەو ناکۆکیانەدا دەرخەین و دەبێ کرانەوەو بەخشندەیی و ڕێگرتن لەئازادی و ئازادی ڕادەربڕین و ئاین و سەروەری یاسا پیادەبکەین.”ستانسیلاف تیلیک”ی سەرۆک وەزیرانی هەرێمی زاکسن لەحزبی دیموکرات مەسیحی داوایکرد ڕێز لەبەهاکانی دیموکراتی و ئازادی ئاین و هەمەڕەنگی بگیرێ و ڕق وکینە مایەی شەرمەزاریەو قسەی زبر دەبێتە مایەی ئاگرخۆشکردن ئەوەش نامرۆڤانەو نانیشتمانیانەیە..!لەمەراسیمەکەدا کەبەسەدان کەسی بزوتنەوەی”پیگیدا’و چەپە توندڕەوەکان پێی هەستابوون لەسەرئاستێکی بەرز..کەسایەتیە سیاسیەکانیان بەشداریانکردبوو لەوانە”لوتزباخمان”کەیەکێکە لەدامەزرێنەرانی ئەم بزوتنەوە توندڕەوە..!! بۆپاراستنی ڕێوڕەسمەکە زیاتر لە ٢٦٠٠ کەس لەیەکەکانی پۆلیس بەشداریانکردبوو.. بەرامبەر بەدروشمە بێزارکەرەکانی پێگیدا سەرۆکی پەرلەمانی ئەلمانیاو سەرۆک وەزیرانی هەرێمەکە لەکەنیسەی”عذراء”و لەکاتی ئاهانگی یادەکەدا لە”ئۆپێرای سمبر”داوایانکرد قسەو دروشم سنور نەبەزێنێ..!وتیشیان ئێمە شەرمەندەو شەرمەزارین لەبەرامبەر هەندێک قسەدا کەدەبێتە هەڵگیرسانی ئاشوبی ناوخۆیی و هاندان بۆ توندوتیژی و ڕق لێبوون..سەرۆک وەزیرانی هەرێمەکە ڕایگەیاند ئەو وشەو قسانە نەئینسانین نەنیشتمانیشن.شایانی باسە هەر لەچوارچێوەی ئەم یادەدا شەوی یەکشەممەی ڕابردو بۆنارەزایی بەرامبەر بەپۆلیس لەلایەن چەند کەسێکی نەناسراوەوە ٣ ئۆتۆمۆبتلی پۆلیس تێکشکینران و لەدیوارەکانیشیان نوسیبوو (ئیمە رقمان لە پۆلیسە”

 

شیهاب عوسمان- ئەڵمانیا:

سەرچاوە:سایتی RP Onlene  و کەناڵی ZDF

پـــەیـــوەنــدیــدار