ناوه‌ندی ده‌روه‌ی مه‌کته‌بی ڕێکخراوه‌ دیموکراتیه‌کانی (ی.ن.ک) له‌ زنجیره‌یه‌ک چالاکی سه‌رکه‌وتوودا

ناوه‌ندی ده‌روه‌ی مه‌کته‌بی ڕێکخراوه‌ دیموکراتیه‌کانی (ی.ن.ک) له‌ زنجیره‌یه‌ک چالاکی سه‌رکه‌وتوودا

له زنجیره‌یه‌ک کار و چالاکی سه‌رکه‌وتوودا بۆ وڵاتی سوید، سه‌ره‌ڕای قه‌یرانی ئابووری و دارایی کوردستان و قه‌یرانه که‌ڵکه‌بووه‌کانی وڵات و جه‌نگی نه‌گریسی داعش بۆ سه‌ر گه‌له‌که‌مان، ئۆرگانه‌کانی یه‌کێتیی نیشتمانیی کوردستان له‌ تاراوگه‌، له‌ ماوه‌ی ڕابردوودا لێبڕاوانه‌، له‌ جموجۆڵ و کار و چالاکیه‌کانیان به‌رده‌وام بوون و کاروباره‌کانیان زیاتر به‌ره‌وپێش بردووه‌، له‌و میانه‌یه‌شدا هه‌ڤاڵ ئـازاد خالـید بەرپرسی ناوەنـدی دەرەوەی ڕێکخـراوە دیموکراتیـەکـانـی ی.ن.ک، ڕۆژانی 12 تا 16/11/2015 کۆمه‌ڵێک چالاکی و سه‌ردانی به‌سوودی ئه‌نجامدا، وه‌ک سه‌ردانی ئۆرگانه‌کانی یه‌کیتیی نیشتمانیی کوردستان له‌ سوید، که‌ بەرپرسی مەکتەبی پەیوەندیەکانی دەرەوەی(ی.ن.ک)، باڵیۆزخانه‌ی کۆماری عێراق، نوێنه‌رایه‌تی حکومه‌تی هه‌رێمی کوردستان، نوسینگەی پەرلەمانی ئەوروپا و دانانی تاجه گوڵینه و داگیرساندنی مۆم له‌به‌رده‌م باڵیۆزخانه‌ی فه‌ره‌نسا له سوید به هۆی ڕووداوه تیرۆریستیه‌که‌ی ڕۆژی 13-11-2015 ی پاریسه‌وه و کۆمه‌ڵێک له ڕێکخراوه‌کانی کۆمه‌ڵگه‌ی مه‌ده‌نی کوردی له‌و وڵاته به‌سه‌رکرده‌وه‌.
له‌و سه‌ردانه‌یدا هه‌ڤاڵ ئازاد خالید، له ته‌ندروستی هه‌ڤاڵ شاکر سلێمان سه‌رپه‌رشتیاری پێشووی ڕێکخراوه‌کانی سویدی سه‌ربه ناوه‌ندی ڕێکخراوه دیموکراتیه‌کانی(ی.ن.ک)ی پرسیه‌وه، که ماوه‌یه‌که به‌هۆی نه‌خۆشیه‌کی گرانه‌وه‌، نه‌شته‌رگه‌ریه‌کی گه‌وره‌ی بۆ ئه‌نجام درا بوو. هه‌روەها بۆ چالاککردن و به‌ گه‌ڕخستنه‌وه‌ و به‌رده‌وامی چالاکیه‌کانی ڕێکخراوه‌کانی سوید، هه‌‌رچه‌نده‌ هه‌‌ڤاڵ مه‌هدی شوانی درێخی نه‌کردووه‌ و خۆبه‌خشانه‌ درێژه‌ی به‌ کاره‌کانی ڕێکخراوەکان دابوو.

له‌و سه‌ردانه‌دا کە چه‌ندین ته‌وره‌ی دیکه‌ی له‌ خۆگرتبوو، هه‌ڤاڵ ئازاد خالید، کار و چالاکیه‌کانی پێشووی ڕێکخراوه‌کانی سوید به‌رزنرخاند، هه‌‌روه‌ها گفتوگۆی چڕوپڕی له‌باره‌ی نه‌خشه‌ ڕیگه‌ و پلانی کاروچالاکی له‌گه‌ڵ سەرپەرشتیاری نوێ و ڕێکخراوەکان دا دانا. له‌و میانه‌دا په‌یوه‌ندی له‌گه‌ڵ کۆمه‌ڵیک ده‌زگا و ڕێکخراوه‌کانی ئه‌وێدا گرێداو و چالاکیه‌کانی داهاتووی خسته به‌ر باس و لێکۆڵینه‌وه‌وه و ئه‌جێندای ئاینده‌وه‌.
له‌ لایه‌کی دیکه‌وه‌ تایبه‌ت دیداری له‌گه‌ڵ بەرپرسی کۆمیتە و هه‌ڤاڵانی کۆمیتەی سوید ئه‌نجام دا و هەماهەنگی و کاری هاوبەشی نێوان ئۆرگانەکانی ی.ن.ک لەو وڵاتە تەئکیدی لەسەر کرایەوە. هەروەها هەڤاڵ ئازاد کۆمەڵێک ڕیکخراوی دیکه‌ی ده‌ره‌وه‌ی ڕێکخراوه‌ دیموکراتیه‌کان به‌سه‌رکرده‌وه و کۆمەڵیک لە هەڤاڵان و که‌سایه‌تی و هاوڕێیانی پیشمەرگە دیرینەکان ؛ نوینەری ی.ن.ک لە سوید ؛ نوێنەری حکومەتی هەرێم لە سوید و هەڤاڵانی نوێنەرایەتی؛ هه‌روه‌ها به تایبه‌ت سه‌ردانی بەڕێزان کاک عه‌بدولڕه‌زاق فه‌یلی، بەرپرسی مەکتەبی پەیوەندیەکانی دەرەوەی(ی.ن.ک)، کاک به‌کر فه‌تاح باڵیۆزی کۆماری عێراق و کارمەندانی باڵیۆزخانە لە سوید کرد.
ویڕای پێشوازیه‌کی گه‌رم له‌ لایه‌ن تێکڕای هه‌ڤاڵانه‌وه‌، پاش تاوتوێ کردن و هەڵسەگاندنی کاری ڕێکخراوەکان له‌گه‌ڵ ئەو ئۆرگان و دەزگا و کەسایەتیە به‌ڕێزانه‌دا لە سوید، تێکڕایان گفتی پاڵپشتی و هاوکاری ڕێکخراوه دیموکراتیه‌کانیان خسته‌ به‌رنامه‌ی جدی خۆیانه‌وه ….شایانی باسە کە هه‌ڤاڵ ( مەهدی شوانی)، بۆ سه‌رپه‌رشتی ڕێکخراوه‌کانی سوید ڕاسپێردرا. به‌ڕێزیان کادیرێکی چالاکی بواری کاری ڕێکخراوەیی یە لە سوید و له‌ هه‌مان کاتدا ئه‌رکی سەرۆکی فیدراسیؤنی چەتری له‌ ئه‌ستۆیه‌، که‌ هه‌میشه وه‌ک کۆمه‌ڵه‌ ڕێکخراوێکی کورد له‌ سوید پڕ له‌ کاروچالاکی هه‌مه‌جۆر بوون.
هەموو ئۆرگانەکانی (ی.ن.ک) لەو وڵاتە بەڵینی هاوکاری و پشتگیری و وەک یەک تیم کارکردنیان له‌گه‌ڵ ڕێکخراوەکان و هەڤاڵ شوانی دا. سەرباری دەستخۆشی زۆر و بەرزنرخاندنی کاروچالاکیەکانی، هیوای تەندروستیێکی باش بۆ هەڤاڵ شاکرسلێمان خوازرا و مۆڵەتێکی کاتی پشوودانی پێدرا .
مەبەستێکی دیکه‌ی سەردانەکەی بەرپرسی ناوەندی دەرەوەی ڕێکخراوەکان، سەردانی نوسینگەی پەرلەمانی ئەوروپی لە سوید و گفتوگۆ کردن بوو لەگەڵیاندا. بۆ ئەم مەبەستەش بە هاوڕێیه‌تی هەڤاڵ شوانی و لە دانیشتنێکی فەرمی و دوای ناساندنی ناوەندی ڕێکخراوەکان و ئامانج و شێوازی کارکردنی ناوەندەکە لە ووڵاتانی ئەوروپا و دەرەوەدا و پێشکەش کردنی پەیڕەووپڕۆگرامی ناوەندەکە و مەدالیای ئاڵای کوردستان، گفتوگۆ لەسەر کاری هاوبەش و سودبینینی ناوەندی دەرەوە و ڕێکخراوەکانی سەر بەناوەندەکە لە هەموو وڵاتانی ئەوروپا لە کارو پڕۆژەکانی پەرلەمانی ئەوروپا کرا.

پـــەیـــوەنــدیــدار

کـــۆمــێـنـت بــنــوســە