بـــەپــەلــە
لەسەر پەنابەران:  ڕێکخراوی داکۆکی لەپەنابەران  هۆشداری دەداتە دەسەڵاتدارانی ئەڵمانیا

لەسەر پەنابەران: ڕێکخراوی داکۆکی لەپەنابەران  هۆشداری دەداتە دەسەڵاتدارانی ئەڵمانیا

 

 

ڕێکخراوی داکۆکیکار لەپەنابەران وەک ڕێکخراوێکی ئەکتیف لەبواری داکۆکی وبەدواداچوون لەسەرمافەکانی پەنابەران لەولاتی ئەڵمانیا ڕۆژی چوارشەممە ٢٣/١٢/٢٠١٥ ڕایگەیاند بەهۆی بەبەرتەسک کردنەوەی مۆڵەتی هاتنی ژن و منداڵانی ئەو پەنابەرانەی گەشتونەتە ئەڵمانیا ژمارەیەکی زۆر لەمنداڵی بێ سەرپەرشتیارو ژنان ڕوبەڕووی مەترسی لەناوچوون ومەرگ دەبنەوە کاتێک بەناچاری رێگای دەریا بەرەو یونان بۆگەیشتن بەئەوروپاو هاوسەرو سەرپەرشتیارو کەسوکاریان بەناچاری هەڵدەبژێرن..بەپێی ئامارەکانی کۆمیسیونی پەنابەرانی سەربەنەتەوە یەکگرتووەکان ڕێژەی منداڵانی پێ سەرپەرشتیار ئەوانەی گەشتونەتە یۆنان لەمانگی حوزەیرانەوە بۆ تشرینی دووەمی ئەمساڵڕێژەکەی لەسەدا ١٦% بۆسەدا ٢٨% بەرزبۆتەوە هەمانکات رێژەی هاتنی ژنان لەسەدا ١١% بۆ سەدا ١٧% بەرزبۆتەوە..بەپێی ڕاپۆرتی نەتەوە یەکگرتووەکان لەنێوان ئەو مانگانەدا رێژەی هاتنی ئەو مندالانەی کەتەمەنیان لەچوارساڵ کەمترە لەسەدا ٤% بۆ لەسەدا ١١% بەرزبۆتەوە..ئەوانەش کەتەمەنیان لەنێوان ٥ ساڵ بۆ ١٧ ساڵدایە لەنیوان مانگەکانی حوزەیرانو تشرینی دووەمدا لەسەدا ١٢% بۆ سەدا ٢٤% بەرزبۆتەوە رێژەیەکی مەترسیدار لەم پەنابەرانەش بەهۆی خراپی ئەو بەلەمانەی کەسواری دەبن وبەهۆی نەبوونی مەرجی سەلامەتی  توشی نقوم بوون وگیان لەدەستدان دەبن کەلەناویاندا منداڵ وژنی زۆری تیدایە..سەرۆکی رێکخراوی داکۆکی لەپەنابەران(گونتەر بورکات)داوای لەحزبە کانی هاوپەیمانی دەسەڵاتی ئەڵمانیاکرد ڕێوشوێنی پێویست بۆریگە گرتن لەم تراژیدیایە بگرنەبەر کەرۆژانە منداڵ و ژنانی تیادەبنە قوربانی لەبەر ئەوەی رێگەی یاساییان لێگیراوە تا بگەنە هاوسەرو سەرپەرشتیارانی خۆیان و ناچار رێی مەترسی و قاچاخ ودەریا دەگرنە بەرو ڕووبەڕوی مردن دەبنەوە..ڕیکخراوەکە هۆشداری دەداتە ئەوهێزە سیاسیانەی کەکاردەکەن بۆئەوەی مافی کۆکردنەوەی خێزان نەدەنە ئەو پەنابەرانەی کەهاتوون کەیاسایەکی نیودەوڵەتی و ئەڵمانیشەو پەنابەریش مافی ئەوەی هەیە بەرێگای یاسایی ژن ومنداڵی خۆی ڕاکێشێ ئەمەش هۆکاری مەرگەساتی رۆژانەیە کەدەیانەوێ بگەنە ئەوروپا تاسنورەکانیان بەڕودا دانەخراوە وەک دوا دەرفەت..بەرتەسک کردنەوەی مافی هێنانی ژن ومنداڵ لەژێر فشاری ئەو شەپۆلەی پەنابەراندایە بۆیە ئەڵمانیا بەناچاری ئەوبوارەی کەمکردۆتەوە ئەمەش بۆتەجێی ناڕەزایی زۆرێک لە رێکخراوەکانی کۆمەڵگەی مەدەنی لەلایەک وپشتگیری ڕاسترەوەکان بۆرێگەگرتن لەهاتنی زیاتری پەنابەران لەلایەکی تر..شایانی باسە بەپێی ئامارە رەسمیەکان ئەمساڵ٦٠هەزار منداڵی سەرپەرشتیارو منداڵی بێنەواو هەرزەکار ڕویان لە ئەوروپا کردووە.

 

شیهاب عوسمان -لەمیدیاکانی ئەڵمانیاوە:

پـــەیـــوەنــدیــدار

کـــۆمــێـنـت بــنــوســە