ئوسترالیا / کۆمەڵەی پێشمەرگە دێرینەکان و نوێنەری یەکێتی  KRISTALLNACHT   بەشداریان کرد لە یادی کارەساتی  ٧٨ ساڵەی

ئوسترالیا / کۆمەڵەی پێشمەرگە دێرینەکان و نوێنەری یەکێتی  KRISTALLNACHT   بەشداریان کرد لە یادی کارەساتی  ٧٨ ساڵەی

 

ئێوارەی ٩/١١/٢٠١٦ لە پایتەختی ویلایەتی نیوساس وێلزی شاری سیدنی ، شاندێکی کۆمەلەی پێشمەرگە دێرینەکانی کوردستان کە پێکهات بوو لە عەدنان وەلی و ئەردەلان یاسین و نوێنەری یەکێتی نیشتمانی کوردستان خاتوو تاڤگە رائد جەلال لە ئوسترالیا و بە ئامادەبوونی چەندی بالیۆزی ولاتانی جیهان و ئەندام پەرلەمانی فیدراڵ وکەسایەتی ناوداری جیهان و فیدراسۆنی هەمەلایەن بەشداریانکرد لە یادی ٧٨ ساڵەی کارەساتی (کریستاڵ ناخت ) ی جوولەکەکان کە بەشەوی شکانی شووشە ناودەبردرێت ، دەست پێکی یادەکە بە چەند  دۆکۆمێنت و وێنەی کارەساتی کۆمەڵکوژی و سووتاندنی شوێنی بازرگانی جوولەکەکان خرایە بەر دیدەی ئامادەبوان و، گێرانەوەی چەندین چیرۆکی دڵ تەزێن لە لایەن ئەوانەی کە رزگاریان بووە لەومەرگەساتەدا ، مێژووی ئەو کارەساتە دەگەرێتەوە بۆ٧٨ساڵ لەمەوبەرێ لە بەرواری  ٩/١١/١٩٣٨ دا هەزاران جوولەکە بونە قوربانی لەو شەوەدا ،  لە پاشان دکتۆر( شیمۆن ساموئیل ) بەرپرسی پەیوەندییەکانی نێودەولەتی ئەوروپا ، بە تێرو تەسەڵی ووتارێکی دەربارەی مێژووی ئەوکارەساتە قێزەونە پێشکەش بە ئامادەبوان کرد ، کە لە رۆژی ٩ و ١٠ نۆڤەمبەری ١٩٣٨ ، بە فەرمانی رژێمی فاشی ئەلمانی ئەدۆلف هتلر ، ٧٠٠٠ شوێنی بازرگانی جوولەکەکان سووتێنرا و سەرجەم دەرگاو شووشەکانیان شکاندن وتالانیانکردن و هەزاران کەسی بێتاوانیان کوشت و دەستگیرکرد ، ئەوەی شایەنی باسە کە ئاماژەی پێبکرێ ، ئەویش وتارەکەی دکتۆر شیمۆن سامۆئیل بوو کە بۆ ماوەی ١٠ خولەک باسی کیمیابارانی هەلەبجەی کرد و تیشکی خستە سەر ٣ کۆمپانیای ئەلمانی کە مادەی کیمیاویان فرۆشتۆتە رژێمی لەناوچوو بەعس بۆ لێدانی کوردانی کوردستانی باشوور لە ساڵی ١٩٨٨ ،

ووتی : من خۆم ئەندامی ئەوە لەو لێژنەیەی بووم ، بۆدادگایکردنی ئەو کۆمپانیانەی ئەلمانی کە ماددەی کیمیاویان فرۆشتۆتە سەدامی ، وە لەتەوەرێکی تری باسەکەیدا ووتی ، کارەساتی کیمیابارانی هەلەبجە و ئەنفال هیچی لە کارەساتی جینۆسایدی جوولەکەکاندا کەمتر نەبوو، بەڵکووهاوشیوەی یەکتربوون بەلام لە دوو کات و شوێنی جیاوازدا ، ئەوەی شایەنی باسە مەراسیمی یادی کارەساتی ٧٨ سالەی شەوی شکانی شووشەکان تا درەنگانی شەوبەچەندین پارچە موزیکێکی ئارام و سرودی نەتەوەی  بەردەوام بوو……….

 

ڕاگەیاندنی / کۆمەڵەی پێشمەرگە دێرینەکانی کوردستان لە ئوسترالیا

١٣/١١/٢٠٦

photo-9 899

پـــەیـــوەنــدیــدار