کوردانی باشوری فەرەنسا دژی سیاسەتی ئۆردۆگان نارەزاییان دەربڕی

کوردانی باشوری فەرەنسا دژی سیاسەتی ئۆردۆگان نارەزاییان دەربڕی

لە چوار چێوەی ئەو هەڵمەتە بەر فراوانەی رەوەندی کوردی لە جهاندا بۆ دەربرینی  نارەزایی و ئیدانە کردنی سیاسەتی توندرەوی و رەگەزپەرستی  کە ئەمڕۆ ئۆردوگان لە تورکیا ئەنجامی ئەدات ، بە شێوەیەک کە کەوتۆتە زیندانی کردنی هاوسەرۆک و پەرلەمانتەرانی پارتی دیموکراتی گەلان HDP .

رۆژی 12/نۆڤەمبەر لە باشوری فەرەنسا و لە پایتەختی ئۆکسیتانی شاری تۆلووز ، خۆنیشاندانێکی جەماوەری بەر فراوان ئەنجام درا بە بەشدار بونی نوێنەری حزب و رێکخراوە کوردیەکان و نوێنەرانی حزب و ساندیکا و رێکخراوە فەرەنسیە دۆستەکانی گەلی کورد لەوانە ( پارتی کۆمۆنیست وپارتی بەرەی چەپ و پارتی سۆشیالیست و پارتی دژی کاپیتالیست و بزوتنەوەی ئاشیخوازان و سەندیکای گشتی کارکەران و سەندیکاری مامۆستایان وپەروەردە و رێکخراوی رۆشتن بۆ ئاشتی و هەندێکی تر ) ئەمەو جگە لە بەژدار بونی ژمارەیەکی بەرچاو لە ڕەوەندی کوردی بەشداربون .

هەریەک لە نوێنەرانی حزب ورێکخراو لایەنەکان بە ووتاری خۆیان بەشداریان کرد ، کە تێیدا بە توندی سیاسەتی چەوت و توندرەوی و ڕەوشت دیکتاتۆری ئۆردوگانیان مەحکوم کردو نارەزایی خۆیان دەربڕی لە گرتن و زیندانی کردنی هاوسەرۆک و پەرلەمانتەرانی پارتی دیموکراتی گەلان هەروەها ئاماژەیان بەوەکرد کە دیموکراسی لە تورکیا پێشێل ئەکرێت  .

بێگومان ئەم جۆرە گرتبونەوەو خۆنیشاندانە بەردەوام ئەبێت بۆ ئەوەی جەخت بکرێتە سەر حکومەتی فەرەنسا و سەرۆک هۆڵاند کە هەڵوێستی هەبێت بەرامبەر بە سیاسەتی  چەوتی ئۆردوگان و چیتر پشتی  پێنەبەستێت لە بەرەوڕوبونەوەیدا دژی رێکخراوی تیرۆریستی جهانی داعشدا .

خۆنیشاندەران بە دروشمی جیاواز نارەزایی خۆیان دەربڕی کە تێیدا ،( ئۆردوگان خوێنرێژە ، ئۆتان تاوانبارە ، دەوڵەتی تورکی کوردەکان لەناو ئەبات ، لابردنی ناوی پارتی کارگەرانی کوردستان لەسەر لیستی تیرۆریستان ، ئازادی بۆ سەرۆک ئۆجەلان ، پاراستنی ژیانی پەرلەمانتەران )

پاش ڕێپێوانێکی هێمنانە کۆتایی بە خۆنیشاندانەکە هات .

حەمە عوسمان

باشوری فەرەنسا

تۆلووز  

  • %d8%aa%db%86%d9%84%d9%88%d9%88%d8%b24
  • %d8%aa%db%86%d9%84%d9%88%d9%88%d8%b21
  • %d8%aa%db%86%d9%84%d9%88%d9%88%d8%b2-5
  • %d8%aa%db%86%d9%84%d9%88%d9%88%d8%b2-3
  • %d8%aa%db%86%d9%84%d9%88%d9%88%d8%b2-2

پـــەیـــوەنــدیــدار