بروسكەی پیرۆزبایی مەكتەبی ڕێكخستن بۆ كەناڵی ئاسمانی كوردسات

بروسكەی پیرۆزبایی مەكتەبی ڕێكخستن بۆ كەناڵی ئاسمانی كوردسات

 

مەكتەبی ڕێكخستنی(ی.ن.ك) لە یادی(16) هەمین ساڵەی دامەزراندنی (كەناڵی ئاسمانی كوردسات) ی ئازیزدا گەرمترین پیرۆزبایی ئەم یادە لەبەڕێوەبەرو كادیرو سەرجەم كارمەندەكانتان دەكات و دەستی ماندوونەبونتان دەگوشین شەونخونی و كارەكانتان بەرز دەنرخێنین.
((كوردسات ماڵی هەموانە))، دروشمێكە كە هەمیشە لەسەر زاری هەموانە. ئەم كەناڵە ئازیزە لە بوێری و ڕاستگۆییەكەی و بە پێدانی زانیاری هەواڵی دروست و ڕاست، هەمیشە میوانی ماڵەكانمانەو جێگای متمانەی هەموانیشە .. بەردەوامیش بە داهێنانی نوێ وە لە سەرەتای دروستبونییەوە تا ئێستا، ڕۆژ بەڕۆژ شاشە ڕەنگینەكەی جوانترو جوانتر بووە بە بەرنامەكانی. بۆیە ئێمە پشتیوانتانین و هیوامانە ئەم كەناڵە ئازیزە لە گەشەو داهێنانی نوێدا بێت و بتوانێت كاری باشتر بكات و وەك پیشەی هەمیشەیی بە ڕاستگۆیانە هەواڵ و زانیاری بەسود بگەیەنێتە بینەرەكانی. كوردسات هەمیشە بونی خۆی سەلماندووە و لە هەموو پێشهات و ڕوداوەكاندا و هەردەم ماڵی هونەرمەندان و ڕوناكبیران و ئەدیبان بووە و هەمیشە لە ئاست شەهیدە نەمرەكان و كەسوكارە سەربەرزەكانیشیان بەوەفا بووە. بۆیە جارێكی تر پیرۆزبایی ئەم یادەتان لێدەكەین و بەهیوای پێشكەوتنی زیاتر بۆئەم كەناڵە ئازیزە.

هەر درەوشاوە بێت شاشەی كوردسات
مەكتەبی ڕێكخستن

پـــەیـــوەنــدیــدار

کـــۆمــێـنـت بــنــوســە