سۆران عومەر:بكوژی د.هوشیار ئیسماعیل ئەندامی پارتی و پێشمەرگەی زێرەڤانیە

سۆران عومەر:بكوژی د.هوشیار ئیسماعیل ئەندامی پارتی و پێشمەرگەی زێرەڤانیە

سۆران عومەر سەرۆكی لیژنەی مافی مرۆڤ لەپەرلەمانی كوردستان رایدەگەیەنێت “بكوژی د.هوشیار ئیسماعیل پێشمەرگەی زێرەڤانیە”.
لەرونكردنەوەیەكدا لەبارەی كەیسی تیرۆركردنی بانگخوازە دیارەكەی شاری هەولێر، سۆران عومەر سەرۆكی لیژنەی مافی مرۆڤ لەپەرلەمانی كوردستان رایدەگەیەنێت “بكوژی د.هوشیار ئیسماعیل پێشمەرگەی زێرەڤانیە”.
هەروەها لەرونكردنەوەكەی سۆران عومەردا هاتوە “لەبەدواداچونی سەرەتایدا بۆ كەیسی تیرۆری د.وشیار ئیسماعیل، كەشەوی 22/11/2016 كاتژمێر 10:30 لەنێو دەرگای ماڵەكەیدا تەقەی لێكراو لەنەخۆشخانە گیانی لەدەستدا، تا ئێستا 3 كەس دەستگیركراوە، یەكێكیان هاوڕێی د.وشیارەو چەند ساتێ پێش تیرۆركردنی كامێرایەكی ماڵەكەی خراپ بووە دایگرتووەو پێی داوە چاكی بكاتەوە، بۆیە ئەم كەسە هیچی لەسەر نیەو چاوەڕوان دەكرێ ئازاد ببێ”.
هەروەها دەڵێ‌ “دو كەسی دیكە دەستگیركراوە، یەكێكیان ناوی “م.ز” ئەوی دیكەیان ناوی “س” لەدانپیانانی لێكۆڵینەوەی دژە تیرۆری ئاسایشی هەولێر “م.ز” دانی بەتاوانەكەدا ناوە، دانی بەوەشدا ناوە “س.س” وەك خزم هاوكاری بوە”.
بەپێی رونكردنەوەكەی سۆران عومەر سەرۆكی لیژنەی مافی مرۆڤ لەپەرلەمانی كوردستان “(م.ز) دەڵێ مامۆستام بەدەمانچەی “كۆڵت” كوشتوە، ئەم دەمانچە كۆنەو فیشەكەكەی زۆر كاریگەرەو فیشەكەكە 11 ملمە، دەمانچەكە گیراوەو لەبەڵگەی تاوان دەرچوە كە ئەو دەمانچە مامۆستا وشیاری پێ كوژراوە”.
دەشڵێ‌ “تۆمەتبارەكە وەك لایەنی حزبی پارتیەو پێشمەرگەی زێرەڤانیە لای بەرپرسێكە بەناوی “م.ش””.

س:ئاوێنە

پـــەیـــوەنــدیــدار