هەڤاڵ ڕەفعەت عەبدوڵڵا: یەكێتی هەموو هەوڵێك دەدات تا بتوانێت گوزەرانی خەڵك باش بێت

هەڤاڵ ڕەفعەت عەبدوڵڵا: یەكێتی هەموو هەوڵێك دەدات تا بتوانێت گوزەرانی خەڵك باش بێت

سەعات (11) پێش نیوەڕۆی ئەمڕۆ (8-12-2016) بەمەبەستی بە ئاگابوون لە بارودۆخی هەرێمی كوردستان و دوا پێشهاتەكانی گۆڕان كارییەكان و چۆنییەتی ڕاپەڕاندنی ئیشوكارەكانی ئۆرگانەكان لە هۆڵی كۆبونەوەكانی مەكتەبی رێكخستن هەڤاڵ ڕەفعەت عبدوڵڵا ئەندامی (م.س) لێپرسراوی مەكتەبی ڕێكخستن بە ئامادەبوونی هەڤاڵان ئاسۆ مامەندو ڕزگار عەلی ئەندامانی مەكتەبی سیاسی لەگەڵ هەڤاڵان لێپرسراوی مەڵبەندەكانی ڕێكخستن و ئەندامانی مەكتەبی ڕێكخستن كۆبووەوە، سەرەتای كۆبونەوەكە چەند ساتێك وەستان بۆ گیانی پاكی شەهیدان دواتر لە وتەیەكدا هەڤاڵ ڕەفعەت عەبدولڵا پاش بە خێرهاتنی هەڤاڵان باسی لە بارودۆخی كوردستان و عێراق و ناوچەكە كرد،تیشكی خستە سەر ئەوگۆڕنكاریانەی كە بەخێرایی لەناوچەكەو جیهاندا ڕوودەدات پاشان ئاماژەی بە كۆبونەوەكانی سەركردایەتی هاوبەشی نێوان (یەكێتی و گۆڕان)دا كۆبونەوەكان ئیجابین لەسەر پێشهاتەكان كە هەردولا یەك خیتابمان هەبێت و هەردولا تەئكیدیان لەسەر ئەوە كرد كە هەوڵی جدی بدرێت بۆچارەسەری كێشەو قەیرانەكان.
دواتر باسی لە پەیوەندییەكانی یەكێتی و سەرجەم لایەنەكانی كوردستان و عێراق و جیهانییەكان كرد كە پەیوەندییەكانمان هەنگاوی باشی بەخۆیەوە بینیوە هەوروەها ئاماژەی بەوەش دا كە یەكێتی نیشتمانی تەئكید لەسەر سیاسەتەكەی سەرۆك مام جەلال دەكات وە بۆ خزمەتكردنی كۆمەڵانی خەڵكی كوردستان كە هەوڵ بدرێت لەگەڵ سەرجەم لایەنەكان بۆ چارەسەركردنی ئەم قەیرانانەی سەری هەڵداوە بەتایبەتی قەیرانی دارایی كە پەیوەندی بە بژێوی خەڵكەوە هەیە تەئكیدی كرد كە یەكێتی هەموو هەوڵێك دەدات تا بتوانێت گوزەرانی خەڵك باش بێت ، لە بەشێكی تری كۆبونەوەكەدا باس لە بەڕێًوەچونی ئیشوكاری ئۆرگانەكانی رێكخستنەكان كرد لە سنوری مەڵبەندەكان و هەوڵبدرێت هەڤاڵانمان زیاتر بچنە ناو كۆمەڵانی خەڵك و ببنە پردێك لەناو كۆمەڵانی خەڵك و حكومەت دا تا داواو كێشەكانی خەڵك بگەیەننە حكومەتی هەرێم ،دواتر هەڤاڵان بە سەرنج و تێبینیەكان بەژداریان كرد لە كۆبونەوەكەدا
ڕاگەیاندنی مەكتەبی ڕێكخستن
فۆتۆ:دانا ئەحمەد پێنجوێنی

  • dsc_8533
  • dsc_8532
  • dsc_8531
  • dsc_8530
  • dsc_8529
  • dsc_8528
  • dsc_8527
  • dsc_8526
  • dsc_8525
  • dsc_8524

پـــەیـــوەنــدیــدار