ئەڵمانیا: سۆسیال دیموکراتەکان سەرۆکێکی نوێیان هەڵبژارد

ئەڵمانیا: سۆسیال دیموکراتەکان سەرۆکێکی نوێیان هەڵبژارد

لەکۆنگرەیەکی نائاساییدا مارتن شۆلتز.. کاندیدی سۆسیال دیموکراتەکانی ئەڵمانیا:

بەلەسەدا سەدی دەنگەکان بەسەرۆکی سۆسیال دیموکراتەکانی ئەڵمانیا هەڵبژێردرا

لەکۆنگرەیەکی نائاساییدا”مارتن شولتز”بەلەسەدا ١٠٠%ی دەنگەکان بەسەرۆکی پارتی سۆسیال دیموکراتەکانی ئەڵمانیا هەڵبژێردرا..شۆلتز پێشتر کەسەرۆکی پەرلەمانی یەکێتی ئەوروپابوو لەسەر لیستی سۆسیال دیموکراتەکان..پێگەو کاریزمایەکی ئەوتۆی هەیە کەبەکۆی دەنگی حزبەکەی هەڵبژێردرا دوای ئەوەی کەزیگمار گابریل کەسی یەکەمی ئەو پارتە پاشەکشەی لەسەرۆکایەتی حزبەکەی کرد، لەو کۆنگرەیەدا مارتن شولتز لەبەردەم شەش سەد کەس لەئەندامانی حزبەکەیی و زیاتر لە ٢ هەزار لە میوانانی جەختی لە زیادکردنی دادپەروەری لەکرێ و خوێندنی بەخۆڕایی هەر لەباخچەی ساوایەنەوە تا قۆناغی زانکۆ کردەوەو بەڵێنی ڕوبەڕوبونەوەی ئاستەنگەکان و دیاردەی تاوانی دا.. شۆلتس کە کاندیدی رکابەری ئەنگێلا مێرکلە داوای لەحزبەکەی کرد متمانەیان بەوە هەبێ لەماوەی بەرێوەبردنی پۆستەکەیدا کار بۆ بەرنامەکەیان بکات..ئاژانسی هەواڵی ئەڵمانی لەزمانی سەرۆکی پێشووی پەرلەمانی ئەوروپاوە بڵاویکردەوە سۆسیال دیموکراتەکان مافی خۆیانە لەهەڵبژادنەکانی  ئەیلولی داهاتودا وەک یەکەمین هێزی بەهێزی سیاسی سەرکەوتن بەدەست بێنن..بەبێ ئەوەی ئاماژە بەوە بدات لەگەڵ هیچ حزبێک دەچنە هاوپەیمانی بەرێوەبردنی دەسەڵاتەوە..کاندیدو سەرۆکی سۆسیال دیموکراتەکان داوای لەڕکابەرەکانیکرد گفتوگۆیەکی بابەتیانە بکەن و وتیشی سنورێک بۆ کەرامەتی سیاسی هەیە بڕیاری  کاندیدەکانیش لەدواجاردا دەردەکەوێت..گابریل کەپێشتر جێگری ڕاوێژکاری ئەڵمانیاو لەئێستەدا وەزیری دەرەوەی ئەڵمانیایە مارتن شولتزی بۆجێگەی خۆی دەستنیشانکردو بەمەش ئاستی گەشەکردن و پشتگیریکردنی ئەم پارتە لەڕاپرسیەکدا بەڕونی دەرکەوت و ئاستی گەشەسەندوی سۆسیال دیموکراتەکان بەرجەستەبوو  کەئێستە شولتس کاندیدی ڕکابەری مێرکلەو بڕیاریشە لەچەند ڕۆژی داهاتودا شۆلتز کاندیدەکانی خۆی بۆ پۆستی دەسەڵادارێتی پێشکەش بکات.. ڕاپرسی و ئاماژەکانیش ئەوە دەردەخەن کە سۆسیل دیموکراتەکان لەهەڵبژاردنی ئەیلولی داهاتودا بچنە پێشەوەو سەرکەوتن بەدەست بێنن.

شیهاب عوسمان- ئەڵمانیا:

س:Die Welt,ZDF

پـــەیـــوەنــدیــدار