کەنەدا ،  29 هەمین ساڵیادی هەڵەبجەی شەهید بەرز ڕاگیرا

کەنەدا ،  29 هەمین ساڵیادی هەڵەبجەی شەهید بەرز ڕاگیرا

به‌ بۆنه‌ی تێپه‌ڕبوونی 29 ساڵ به‌سه‌رتاوانی کیمیابارانکردنی هه‌له‌بجه‌دا ، ئێواره‌ی رۆژی 19/3/2017 له‌ هۆڵی سڤیك سه‌نته‌ری شاری تورۆنتو بەسەرپەرشتی ماڵی کوردی تورونتۆ به‌ ئاماده‌ بوونی ژمارەیەکی بەرچاوی کوردستانیانی هەرێمی ئۆنتاریو و نوێنەری و حزب و رێکخراوه‌ کوردییه‌کان لە رێورەسمێکی شایستەدا یادی قوربانیانی هه‌ڵه‌بجه‌  به‌رز و پیرۆز راگیرا.

سه‌ره‌تا‌ کۆڕه‌که‌ ‌به‌ ڕاوه‌ستانی خولەکێك ماته‌مینی بۆ گیانی پاکی  شه‌هیدانی هه‌ڵه‌بجه‌ و سەرجەم شه‌هیدانی کوردستان ده‌ستیپێکرد . پاشان چەتۆ وانی بەرپرسی ماڵی کورد بەخێر هاتنی ئامادەبووانی کرد و لە وتەیەکدا ئاماژه‌ی به ‌کارەساتی هه‌ڵه‌بجه‌ کرد که ‌ڕژێمی فاشیستی بەعس 29 ساڵ له‌مه‌وبه‌ر له‌  16/3/1988 له‌ ماوه‌ی چه‌ند خوله‌کێکدا به‌ چه‌کی کیمیاوی قه‌ده‌غه‌ کراو هه‌زاران  هاوڵاتی ژن و مناڵ و پیر و گه‌نجی سڤیلی شاری هه‌ڵه‌بجه‌ی شه‌هید و بریندار کرد .

 

پاشان وتاری نوێنەری جێم کریجیانیس دۆستی گەلی کورد و رێکخراوەکان پێشکەشکران ، بەگشتی وتارەکان هاوخەمی خۆیان بۆ کەسوکاری قوربانیانی هەڵەبجە دەربڕی و ڕاشیانگەیاند ئەو تاوانە ناخی مرۆڤایەتی هەژاند ، هەروەها خوازیارن کارەساتی هەڵەبجە لەسەر ئاستی نێو دەوڵەتیدا بە جینوساید بناسرێت تا چیترتاوانی له‌و جۆره‌ دژی خه‌ڵکی کوردستان دووبارە نەبێتەوە .

فیلمێکی دیکیومێنتاری سەبارەت بە تاوانی قڕکردنی کوردانی سەردەمی پێشوو ئێستادا لە ناوچەکانی دەرسیم و سەردەشت هەڵەبجە و شەنگال و کوبانێ نمایشکرا.

هه‌ر له‌میانه‌ی یاده‌وه‌رییه‌که‌دا ژمارەیەک شیعر و پەخشان بەو بۆنەوە خوێندرانەوە . دواتر هونەرمەند عەلی زەندی بە هاوکاری تیپی میوزیكی فۆلکلوری بە چەند پارچە ئاوازێکی خەم ولاوانەوە بۆ کارەساتی هەڵەبجە کۆتایی بە رێوڕەسمەکە هێنا . جێی ئاماژەیە‌ په‌رله‌مانی فیدراڵی کەنەدا بۆ مه‌به‌ستی به‌ جینۆساید ناساندنی ئه‌و کاره‌ساته‌ بخرێته‌ به‌ر لێکۆڵینه‌وه‌ ، له‌ 16/ 3/2010 دا په‌رله‌مان پاش تاوتوێ کردن کاره‌ساتی هه‌ڵه‌بجه‌ی به‌ تاوانی دژ مرۆڤایه‌تی ناساند .

2

پـــەیـــوەنــدیــدار