ڕیفراندۆمی تورکیا دەستیپێکرد:   ئەڵمانەکانیش نیگەرانن و “بەڵێ”بە مەترسی دەزانن بۆ ئایندەی دیموکراسی

ڕیفراندۆمی تورکیا دەستیپێکرد: ئەڵمانەکانیش نیگەرانن و “بەڵێ”بە مەترسی دەزانن بۆ ئایندەی دیموکراسی

ڕاپۆرتە وتار:

ڕیفراندۆمی تورکیا دەستیپێکرد:

ئەڵمانەکانیش نیگەرانن و “بەڵێ”بە مەترسی دەزانن بۆ ئایندەی دیموکراسی

لەکاتێکدا کەگەلانی تورکیاو ئەوروپا بەگشتی و ئەڵمانیا بەتایبەتی نیگەرانن لەو هەنگاوانەی ئەردۆگان بەئاراستەی دیکتاتۆریەت و وەلاوەنان و پەکخستنی هەنگاوەکانی دیموکراسیەت و پیشێلکردنی مافەکانی مرۆڤ و گەڕانەوەی سزای لەسێدارەدان.. ئەمڕۆ ١٦ی نیسانی ٢٠١٧ هاوڵاتیانی تورکیا ڕویانکردە سندوقەکانی دەنگدان لەسەر گۆڕینی سیستەمی پەرلەمانی بۆ سەرۆکایەتی و ڕەهاکردنی دەسەڵاتەکانی ئەردۆگان..ئەم هەنگاوەی تورکیا بۆتە جێی نیگەرانی و ترس و دڵەڕاوکێی کۆمەڵگای نێودەوڵەتی و بۆتە مانشێت و باس و خواستی ڕۆژنامەو میدیاکان..دەنگدان لەسەر گۆڕانکاریە دەستوریەکان لەتورکیا کۆمەڵگای تورکی کردووە بەدوو بەشەوە ئەگەرچی پێشبینی ئەوە دەکرێت بەخواستی ئەردۆگان بشکێتەوە بەلام ململانێکان ئاسان نیەو لەبەرامبەر بەڵێ دا بەنەخێریش دەنگەکان کاریگەرن..پسپۆڕان پێیان وایە سەرکەوتنی مەرامەکانی ئەردۆگان واتە ناشتنی دیموکراسیەت و هەڵدێرانی تورکیا لەئایندەی ناوچەکەدا بەئاراستەیەکی نادیار بەشێوەیەک کەکاریگەریەکانی لەسەر دەوروبەرو ئەوروپاش دەبێت هەندێکیش پێیان وایە ئەو ڕیفراندۆمە ئەگەری ئەوە دروست دەکات ململانێکان بگوازرێتەوە بۆ ئەڵمانیاو کاریگەری خراپ لەسەر ڕەوەندی تورکی – ئەڵمانی دابنێت..سیاسەتمەدارانی ئەڵمانیا نیگەرانن لەوەی زۆرینەی تورکەکان  بەئامانجی بەدیهێنانی سیستەمێکی سەرۆکایەتی لەو ڕیفراندۆمەدا دەنگ لەسەر گۆڕانکاریە دەستوریەکان بدەن.. لەم بارەیەوە “ڤۆلڤگانگ بوسباخ”پسپۆڕی کاروباری ناوخۆ لەپارتی دیموکرات مەسیحی کەئەنگێلامێرکل سەرۆکایەتی دەکات لەلێدوانێکدا بۆ ڕۆژنامەی “زاربروکنە تسایتۆنگ”ی ئەڵمانی ڕۆژی شەممەی ڕابردوو هیوای خواست ئەو ڕیفراندۆمەی سەرۆکی تورکیا مەبەستیەتی شکست بخوات و ئاڵۆزیەکانی تورکیا کۆتاییان پێبێت و ئەگەری ئەوەشی بەدور نەزانی دابەشبوونی ڕەوەندی تورکی لەئەڵمانیا بەردەوام بێت..!ئەمەش وادەکات ئێمە هاوردەی کێشەو ململانێکانی ناو تورکیا بکەین بۆ ئەڵمانیا کەبەداخەوە هەندێکجار ئەگەری کەوتنەوەی توندوتیژی لێدەکرێ..لەسەر هەمان پرس پسپۆڕی کاروباری بەرگری لەپارتی سۆسیال دیموکراتی ئەڵمانیا”ڕاینر ئارنۆڵد”دەڵێ چاوەڕوان دەکرێ ئەگەر بە”بەڵێ”ئەنجامی ڕیفراندۆمەکە بەقازانجی ئەردۆگان بکەوێتەوە وەک چاوەڕوان دەکرێ ببێتە شەرم بەناوچەوانی پەیمانی ئەتلەسی ناتۆوە  کەهاوبەشێکی جیوستراتیژی گرنگی وەک تورکیای هەبێ کەلەنەریتە ئەخلاقیەکانی ڕۆژئاوا دوور کەوتبێتەوە.هەر لەم بارەیەوە “یورگن تریتین” پسپۆری کاروباری دەرەوە لەپارتی سەوزی ئەڵمانیا وتی..کارەکان لەدەوری دیموکراسیەت و دیکتاتۆریەت دایە..ڕونیکردۆتەوە ئەگەر زۆرینەی تورکەکان بەبەڵێ دەنگ لەسەر گۆڕانکاریە دەستوریە پێشنیارکراوەکان بدەن.. ئەوە مانای ئەوەیە کۆتاییەکی کاتی دیموکراتیەت ودەوڵەتی یاسایە لەتورکیا..ئەوەشی وتووە ئەگەر وا دەرچوو پێویستە  سەرتاسەری پەیوەندیەکانمان لەگەڵ ئەنقەرەدا پێداچونەوەی پێدا بکەین و ئەوسا لەسەر حکومەتی فیدرالیشە هەموو هەناردەکانی چەک و تەقەمەنی بۆ تورکیا ڕابگرێت.لای خۆشیەوە سەرۆکی پێشووی فراکسیۆنی پارتی چەپەکان”دی لینکە”ی ئەڵمانی”گریگۆری گیزی” چاوەڕوانی ئەوە دەکات کاری ساختەکاری بۆ بەرژەوەندی و سەرکەوتنی ڕیفراندۆم بەقازانجی ئەردۆگان و خواستەکانی لەهێنانەدی دەسەڵاتی ڕەهاو دیکتاتۆریانەدا ڕووبدات وبیخاتە چوارچێوەی زۆرینەی دەنگەکانی گەلانی تورکیا لەکاتێکدا کەزۆرینەی گەلانی تورکیا لەدژی ئەوکارەن.وتیشی پێدەەچێت چاودێرانی نێودەوڵەتی لەناوچە کوردیەکاندا بۆ ئەو ڕیفراندۆمە کارەکانیان بەرتەسک بکرێتەوە..ئەمەو ئەردۆگان دوێنێ لەدوایی رۆژی هەڵمەتی پروپاگەندەی ئەو ڕیفراندۆمەدا وتی بەڵێ بۆ ڕیفراندۆمی تورکی کەرێگەی گەرانەوەی سزای لەسێدارەدان واڵادەکات و وتیشی بڕیارەکەم سەبارەت بەسزای لەسێدارەدان ڕون و ئاشکرایە ئەردۆگان سوربونی خۆشی لەسەر ئەو سزایە دوپاتکردەوەو وتی ئەگەر ئەوە لەڕیفراندۆمەکەدا ڕوی نەدا ئەوا ریفراندۆم دوبارە دەکەینەوەو گەلەکەمان بڕیاری لێدەدات وەک ئاماژەیەک بۆ سەپاندنی ئەو گۆڕنکاریەو سووربوون لەسەری.. ئەردۆگان ڕونیشیکردەوە دەنگدان لەسەر چۆنیەتی ڕیفراندۆم پەیوەندیەکانمان لەگەڵ یەکێتی ئەوروپا دەخاتە بەرخاڵی دەستپێکی گۆڕانکاری و تورکیاش کاندیدە بۆ چونە ناوەوەی یەکێتی ئەوروپاو جارێکی تر ڕەخنەی لەبنەماکانی ئەندام بوون لەیەکێتی ئەوروپادا بەپێوەرەکانی کۆپنگاگن گرتەوە..ئەردۆگان لەدواین رۆژەکانی هەڵمەتی ریفراندۆمدا زمانی دەربڕینەکانی بەرمبەر بەیەکێتی ئەوروپا توندترکردوو بەپیاوە نەخۆشەکە وەسفیکردن بەلام لەبیری کردبوو پیاوە نەخۆشەکە بەدەسەڵاتی عوسمانلیەکان دەوترا..!!

ئەڵمانیا نەیهێشت بەرپرسانی تورک پروپاگەندەی ریفراندۆم بکەن

*ئەوروپا بەگشتی و ئەڵمانیا بەتایبەتی نەیان هێشت بەرپرسانی تورکیا هەڵمەتی پرۆپاگەندەی ڕیفراندۆم بکەن ئەمەش لەبڕوابوون و سۆنگەی تەواوی حکومەت و سیاسەتی ئەڵمانیاو ئەوروپاوە وەەک بەشێک لە باوەڕنەبوون بەو ریفراندۆمەو دەرخستنی ڕاشکاوانەی ئەڵمانیاو ئەوروپا لەسەر سیستەمی سەرۆکایەتی و دەسەڵاتە ڕەهاکانی ئەردۆگان و بەلەکەی شەرمیان بەناوچەوانی دیموکراسیەتەوە وەسفکرد ئەمەش رژێمی تورکی توڕەکردو دواجار ئەردۆگان هەڕەشەی پێداچونەوە بەپەیوەندیەکانیاندا دەکات..چاودێرانیش پێیان وایە لەسەرەتای ئەو هەنگاوانەدا پەیوەندیە ئابوریەکان بەتایبەتی گەشت و گوزار بەزیانی تورکیا دەکەوێتەوە.. سەرەڕای داخستنی مەلەفی چونە ناوەوەی تورکیا بۆ یەکێتی ئەوروپاو بێ منەت بونیان لەبەرامبەر بەکارهێنان و فشاری کارتی پەنابەراندا.

شیهاب عوسمان- ئەڵمانیا:

پـــەیـــوەنــدیــدار