وەفدێکی باڵای مەڵبەندی ٣ی هەولێر سەردانی عەزیز محمد لە نەخۆشخانە دەکەن

وەفدێکی باڵای مەڵبەندی ٣ی هەولێر سەردانی عەزیز محمد لە نەخۆشخانە دەکەن

وەفدێكی مەڵبەندی 3ی ڕێكخستنی هەولێر سەردانی سیاسەتمەداری كورد (عەزیز محمد)یان لە نەخۆشخانەی (ژین) لە شاری هەولێر كرد پێش نیوەڕۆی ڕۆژی (16/04/2017) وەفدێكی مەڵبەندی 3ی ڕێكخستنی هەولێر كە پێك هاتبوون لە هەڤاڵ (رزگار عەلی حەمەجان) ئەندامی مەكتەبی سیاسی و لیپرسراوی مەڵبەندی 3ی ڕێكخستنی هەولێر بە یاوەری جێگر و كاگێڕ و ئەندامانی بەشی پەیوەندییەكانی مەڵبەند لە نەخۆشخانەی (ژین) لە شاری هەولێر سەردانی سیاسەتمەدار و كەسایەتی شاری هەولێر (عەزیز محمد) یان كرد كە ماوەیەكە بە هۆی تێك چوونی باری تەندروستی لە نەخۆشخانەی ژین دەخەوەێ‌.
سەرەتا هەڤاڵ (رزگار عەلی حەمەجان) بەناوی مەكتەبی سیاسی یەكێتی نیشتمانی كوردستان و مەڵبەندی 3ی ڕێكخستنی هەولێرەوە خەمباری و دڵتەنگی خۆیانی گەیاندە بەڕێز( عەزیز محمد) و خانەوادەكەی و هیوای چاكبوونەوەشی بۆ بەڕێزیان خواست.
لەلایەن خۆیانەوە بەڕێزان ( عەزیز محمد و كەمال شاكر و زیرەك كەمال) زۆر بە گەرمی پێشوازی یان لە وەفدی میوان كرد و خۆشحاڵی خۆیان دەربڕی بەو سەردانەی وەفدی میوان.
لە تەوارێكی تردی دانیشتنەكەدا هەڤاڵ لێپرسراوی مەڵبەند باسی لە هەوڵ و ماندووبونەكانی بەڕێز (عەزیز محمد) كرد كە چەندە لە خەمی یەكریزی و ئاشتەوایی میللەتەكەی بووە و هەوڵەكانی بەڕێزیانی بەرز نرخاند و گوتیشی: دڵنیام ئێستاش تەمەنت ڕێگای پێبدایتایە لە هەوڵەكانی خۆت بەردەوام دەبوویت بۆ چارەسەر كردنی ئەم بارودرخەی ئێستای كوردستانی تێكەوتووە، لەلایەن خۆیەوە بەڕێز(عەزیز محمد) گووتی: لە هەموو كات زیاتر ئێستا پێویستمان بە یەكریزی و یەكدەنگی و یەكتر قبوڵكردنە بۆیە داواتان لێدەكەم بە رۆحێكی برایانە و بە سینگێی فراوانەوە هەوڵ بۆ چارەسەر كردنی كێشەكان بدەن. لە كۆتاییدا دووبارە هەڤاڵ(رزگار عەلی حەمەجان) بەناوی مەكتەبی سیاسی یەكێتی نیشتمانی كوردستان و مەڵبەندی 3ی ڕێكخستنی هەولێرەوە هیوای زوو چاكبوونەوە و باشتر بوونی تەندروستی بەڕێزیان خواست.

IMG_4829 IMG_4824

پـــەیـــوەنــدیــدار